Գանդակ

Գանդակ
Բնութագիր
Երկարություն	630
Ավազանի մակերես	46 300 կմ²
Ջրի ծախս	1760 ± 0,001 մ³/վ
Ջրահոսք
Ակունք	Մուստանգ-Կհոլա և Կյուքոմա-Կհոլա
Ակունքի տեղակայում	Դհաուլագիրի
Բարձրություն	6000 մ
Գետաբերան	Գանգ
Գետաբերանի տեղակայում	Գանգես
Կոորդինատներ	25°39′13″ հս․. լ. 85°10′59″ ավ. ե.
Տեղակայում
Հոսող հոսքեր	Մյագդի Խոլա, Տրիշուլի գետ և Ռահուղաթ Խոլա
Երկիր	Հնդկաստան
Երկրամաս	Պանտա
Ջրահավաք	Գանգեսի ավազան

Գանդակ (Նարայանի, նեպալ.՝ कालीगण्डकी नदी, հինդի՝ कालीगण्डकी), գետ Նեպալում և Հնդկաստանում, Նեպալի չորս ամենամեծ գետերից մեկը։

Վերին հոսանքը կրում է Կալի-Գանդակ անվանումը։ Սկիզբ է առնում Հիմալայներից, Կալի-Գանդակի ակունքը Մուստանգ-Կհոլա և Կյուքոմա-Կհոլա գետերի միաձուլումն է։

Գետի ավազանն զբաղեցնում է Նեպալի կենտրոնական հատվածը։ Վտակներում գտնվում է Մուստանքի թագավորությունը՝ Տիբեթին հարակից։ Գետը թափվում է Պանտա շրջանում գտնվող Գանգ։ Պատմականորեն ճանապարհը հայնտի է որպես առևտրական ուղի Հնդկաստանի և Տիբեթի միջև, իսկ առաջին հերթին որպես աղ վաճառելու ուղի։

Գետի ուղին հայտնի է նաև նրանով, որ բաժանում է Մեծ Հիմալայան լեռնաշղթան երկու ամենամեծ բարձրությունների՝ Աննապուրնա և Դաուլաքիրի, որոնցից յուրաքանչյուրի երկարությունը 8000-ից ավելի է, իսկ գագաթների հեռավորությունը միմյանցից 35 կմ։ Գետն այս շրջանով անցնում է 2540 մետր բարձրության վրայով, այդ իսկ պատճառով Կալիգանդական կիրճը համարվում է աշխարհի ամենախորը կիրճը։

Նեպալում ծավալված քաղաքացիական պատերազմի ընթացքում ճանապարհը երբեմն ընկնում էր մաոիստների տիրապետության տակ։ Քանի որ ճանապարհով անցնում էին տուրիստական ուղիներ, մաոիսները հարկ էին վերցնում զբոսաշրջիկներից 5-10 դոլլարի չափով՝ «ինքնակամ» տալու կամ խմբի «պաշտպանության» տեսքով, տալով դրա հետ նաև անդորագիր, որպեսզի հարկը չհավաքվի երկու անգամ։ Այդ ամենով հանդերձ մաոիստների և զբոսաշրջիկների միջև միջադեպեր տեղի չեն ունեցել, չնայած զբոսաշրջիկների հարաբերականորեն մեծ թվի։

Պատկերասրահ

• 
  Գանդակի տեսքը Մուկտինատխից
• 
  Քանդակը Մուսթանգում
• 
  Գանդակը Աննապուրնայի և Դաուլաքիրիի միջև

Վիքիպահեստն ունի նյութեր, որոնք վերաբերում են «Գանդակ» հոդվածին։