Գալինա Բլեյխ

Վիքիպեդիայից՝ ազատ հանրագիտարանից
Jump to navigation Jump to search
Գալինա Բլեյխ
Ծնվել է1957
ԾննդավայրԼենինգրադ, ՌԽՖՍՀ, ԽՍՀՄ
ՔաղաքացիությունFlag of Russia.svg Ռուսաստան և Flag of Israel.svg Իսրայել
ԿրթությունՍանկտ Պետերբուրգի Շտիգլիցի անվան գեղարվեստաարդյունաբերական ակադեմիա
Մասնագիտություննկարչուհի

Գալինա Ավրահամովնա Բլեյխ (ռուս.՝ Галина Авраамовна Блейх, 1957, Լենինգրադ, ՌԽՖՍՀ, ԽՍՀՄ), ռուս և իսրայելցի նկարչուհի:

Կենսագրություն[խմբագրել | խմբագրել կոդը]

Գալինա Բլեյխը ծնվել է Լենինգրադում: 1981 թվականին ավարտել է Լենինգրադի Մուխինի անվան բարձրագույն գեղարվեստա-արդյունաբերական ուսումնարանը: 1982 թվականից մինչև 1987 թվականը պարբերաբար մասնակցել է Փորձարարական արվեստի ընկերակցության նոնկոնֆորմիստական լենինգրադյան ցուցահանդեսներին: Արտասահմանում նկարիչ նոնկոնֆորմիստների «21 Artist from the Fellowship for Experimental Art» Exhibition (Route One Gallery, California, USA, 1988) առաջին ցուցահանդեսի մասնակիցներից մեկն է:

1988 թվականից ստեղծագործում է բոդի-արտ ժանրում: 1992 թվականին մասնակցում է պերֆորմանսի Միջազգային ֆեստիվալին, Կոստելեց քաղաքում (Չեխիա), որտեղ ցուցադրում է երկու բոդի-արտ պերֆորմանս «Ադամ և Եվա» և «Տեքստի հակառակ կողմը»:

1993 թվականին պոեզիայի ռուս-ֆրանսիական ֆեստիվալում պարգևատրվում է Վլադիմիր Տոլստիի կողմից սահմանված «Վիվրիզմ, գործն արդար է» մեդալով, «Պատուհան դեպի Եվրոպա, բանաստեղծ և թարգմանիչ Վասիլի Կոնդրատևի ձևով » պերֆորմանսի համար[1]:

1993 թվականից բնակվում է Երուսաղեմում[2]: 1996 թվականին արժանացել է Իսրայելի մշակույթի նախարարության դրամաշնորհին, Փարիզի արվեստի միջազգային կենտրոնում կես տարի ցուցադրվելու հնարավորությամբ: 1996 թվականից Յուլիա Լագուսի հետ համատեղ, մասնակցում է Անտրո Օմ (Antro Aum) արտիստական կեղծանունով ( պերֆորմանս-արտ, տեսաարտի տեղադրում), մի շարք ցուցահանդեսների և ֆեստիվալների: 1996 թվականին «դուետը» պարգևատրվում է «Արդիական տեսանկարահանում» ֆեստիվալի դիպլոմով «Տեղադրում Սուլթանական լճակներում» տեսաֆիլմի համար: Ներկայումս ստեղծագործում է New Media Art ժանրում:

Մասնակցել է Ռուսաստանում, Իսրայելում, ԱՄՆ-ում, Ֆրանսիայում, Անգլիայում, Գերմանիայում, ինչպես նաև պերֆորմանս-արտի մի շարք միջազգային ֆեստիվալներում 40-ից ավելի խմբային և անհատական ցուցահանդեսների: Մասնակցել է ժամանակակից արվեստի միջազգային Տրիենալեին (Ճապոնիա, Օսակա, 2001 թ.) և Ժամանակակից արվեստի մոսկովյան միջազգային երկու բիենալեների (2005 և 2007 թթ.): ՅՈՒՆԵՍԿՕ-ի նկարիչների միջազգային ասոցիացիայի անդամ է, ունի իր դիզայնի ստուդիան (GalaStudio):

Աշխատանքները գտնվում են Նոնկոնֆորմիստական արվեստի թանգարանում (Սանկտ-Պետերբուրգ, Ռուսաստան), «Աուշրա» թանգարանում (Վիլնյուս, Լիտվա) և աշխարհի ավելի քան 10 երկրների մասնավոր հավաքածուներում: Հեղինակ է 2012 թվականին «Ռուսաստանը բոլորի համար » կազմակերպության, «Kolonna publications»-ի հետ համատեղ հրատարակված, Ալեկ Դ. Էպշտեյնի «Արվեստը բարիկադներում «Pussy Riot», «Ավտոբուսային ցուցահանդես» և բողոքական արտ-ակտիվիզմ» , «Վիկտոր Բոնդարենկոյի ու Եվգենի Մալցևի «Հոգևոր պատերազմ» նախագծի և արվեստում քրիստոնեության սրբազան կերպարների նոր կյանքի համար պայքարում», բնօրինակ մանրակերտերի ռեզոնանսային գեղարվեստական ալբոմների:

Երկեր[խմբագրել | խմբագրել կոդը]

Գրականություն[խմբագրել | խմբագրել կոդը]

  • «ТЭИИ. От Ленинграда к Санкт-Петербургу. Неофициальное искусство 1981—1991 годов.» Издательство «Деан», 2007.
  • Л. Гуревич. Художники ленинградского андерграунда. Биографический словарь. Издательство «Искусство — СПб», 2007.

Ծանոթագրություններ[խմբագրել | խմբագրել կոդը]

  1. «Галина Авраамовна Блейх - биография и семья»։ people-archive.ru (ru-RU)։ Վերցված է 2018-02-27 
  2. «Галина Блейх»։ 7iskusstv.com։ Վերցված է 2018-02-27