Գազ կարակուշի
Գազ կարակուշի | |
Դասակարգում | |
Թագավորություն | Բույսեր (Plantae) |
Ենթատիպ | Սերմնավոր բույսեր (Spermatophytes) |
Կարգ | Բակլածաղկավորներ (Fabales) |
Ընտանիք | Բակլազգիներ (Fabaceae) |
Ենթաընտանիք | Բակլայիններ (Faboideae) |
Տրիբա | Galegeae |
Ցեղ | Գազ (Astragalus) |
Տեսակ | Գազ կարակուշի (A. karakuschensis) |
Միջազգային անվանում | |
Astragalus karakuschensis |
Գազ կարակուշի (լատին․՝ Astragalus karakuschensis), լոբազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
5-10 սմ բարձրությամբ, ստորգետնյա փայտացող ընձյուղներով, խիտ ծածկված կարճ ցցված պարզ մազիկներով բազմամյա բույս է։ Տերևները լինում են 1,5-3 սմ երկարության։ Տերևիկները 8-10-ական զույգ են, էլիպսաձև։ Ծաղկակիրները ունեն 3-5 սմ երկարություն։ Ծաղկաբույլը նոսր է, ունի 5-8 ծաղիկներ։ Բաժակը ծաղկելիս փքվող է, ծիրանագույն, ջղավորված։ Պսակը սկզբում բաց գույնի է, հետո կարմրող[1]։
Տարածվածություն[խմբագրել | խմբագրել կոդը]
Աճում է Երևանի (գյուղ Չաթմա) և Դարեղեգիսի (Խաչիկ, Գնիշիկ, Մոզրով գյուղերի շրջակայք) ֆլորիստիկական շրջաններում։ Աճում է նաև Նախիջևանում[1]։
Էկոլոգիա[խմբագրել | խմբագրել կոդը]
Աճում է միջին և վերին լեռնային գոտիներում` ծովի մակարդակից 1600-2700 մ բարձրությունների վրա, կրաքարային քարքարոտ լանջերին։ Ծաղկում է հունիս ամսին[1]։
Պահպանություն[խմբագրել | խմբագրել կոդը]
Վտանգված տեսակ է։ Տարածման շրջանի մակերեսը 5000 կմ²-ից պակաս է, բնակության շրջանի մակերեսը՝ 500 կմ²-ից պակաս։ Աճում է հողերի ինտենսիվ յուրացման գոտում։ Հայաստանի Կարմիր գրքի առաջին հրատարակության մեջ ընդգրկված էր որպես հազվագյուտ տեսակ։ Ընդգրկված չէ CITES-ի և Բեռնի կոնվենցիաների հավելվածներում[1]։
Պահպանություն չի իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
Վիքիցեղերն ունի նյութեր, որոնք վերաբերում են «Գազ կարակուշի» հոդվածին։ |
|
|