Գազ ասեղնակերպ, բակլազգիների ընտանիքի թիթեռնակածաղկավորների ենթաընտանիքին պատկանող միամյա և բազմամյա խոտեր, կիսաթփեր և թփեր։ Այս ցեղիատեսակներից Հայաստանում կա մոտավորապես 125-ը։ Շատ ժամանակ առաջ ազգաբնակչության կողմից այն օգտագործվել է, որպես հեշտ բռնկվող նյութ և վառարաններում կրակ առաջացնելու համար։ Գազի կանաչ ճյուղերը այրվում են հեշտությամբ, որովհետև պարունակում են արժեքավոր խեժեր։
Ասեղնակերպ գազն ունի 70 սմ բարձրություն։ Նրա տերևները կենտ փետրաձև են և ունեն 5-7 զույգ տերևիկներ։ Ունդերը երկարավուն են։ Ծաղկի այս տեսակը տարածված է Կովկասում և Իրանում։ Առավել շատ տարածված է Շիրակում և Արագածում, Սևանի ավազանում, Վայքում, Մեղրիում, Արարատյան դաշտում։ Չորադիմացկուն է և առաջացնում է խորը արմատային համակարգ, որն էլ իր հերթին հասնում է գրունտային ջրերի։ Գազը լուսասեր է և չորադիմացկուն։
