Բրուսկետա
 | |
|---|---|
 Բրուսկետա լոլիկով և ռեհանով | |
| իտալական խոհանոց | |
| Ենթատեսակ | սննդամթերք, տոմատային ուտեստ և bread dish? |
| Առաջացման երկիր |  Իտալիա |
 Bruschetta Վիքիպահեստում | |
Բրուսկետա (Իտալերեն արտասանություն՝ [bruˈsketta] (
)), իտալական խոհանոցի անտիպաստո (նախուտեստ), բաղկացած ձիթապտղի յուղով բոված հացի կտորներից՝ համեմված սխտորով և աղով։
Տարատեսակները կարող են պարունակել լոլիկ, բանջարեղեն, լոբի, պահածոյացված միս կամ պանիր, որոնցով ծածկում են հացի շերտերը։ Ամենատարածված տեսակը լոլիկով բրուսկետան է, իսկ Իտալիայի սահմաններից դուրս ամենահայտնի բաղադրատոմսը[փա՞ստ] ընդգրկում է ռեհան, թարմ լոլիկ, սխտոր և սոխ կամ մոցարելա։ Բրուսկետան սովորաբար մատուցվում է որպես թեթև նախաճաշիկ։ Որոշ երկրներում հացի վրա դրված խավարտը վաճառվում է որպես բրուսկետա[1]։ Իտալիայում բրուսկետան պատրաստվում է բրուստոլինա ջեռոցում։ Իտալիայի Աբրուցո շրջանում մատուցվում է սալյամիի վենտրիչինա տեսակով պատրաստված բրուսկետա։ Խոզի հում միսը մշակում, համեմում և թողնում են մեկ օր, ապա եփում, դնում հացի բաց, երբեմն բոված շերտերի վրա[2]։ Բրուսկետան նաև հացի իրացման ձև է, որպեսզի կանխվի դրա հնանալը և փչանալը[3]։ Տոսկանայում նախուտեստը կոչվում է ֆետունտա և սովորաբար մատուցվում է առանց վերին շերտի, հատկապես նոյեմբերին, տարվա առաջին ձիթայուղը համտես անելու համար[4]։
Պատմություն[խմբագրել | խմբագրել կոդը]
Բրուսկետոն առաջին անգամ պատրաստվել է Իտալիայում՝ 16-րդ դարի ընթացքում։ Այնուհանդերձ, ուտեստի արմատները հասնում են մինչև Հին Հռոմ, երբ ձիթապտուղ մշակողները տարվա առաջին բերքը տանում էին ձիթհան և թարմ ձիթայուղը փորձում՝ քսելով հացի շերտերին[5]։
Արտասանություն[խմբագրել | խմբագրել կոդը]
Իտալիայում բրուսկետա բառը արտասանվում է [bruˈsketta]: Անգլիախոս երկրներում բառը երբեմն անգլիականացվում է՝ բրուշետա (/bruːˈʃɛtə/)[6]: Բրուսկետա գոյականը առաջացել է Հռոմի բարբառի bruscare բայից, որ նշանակում է «բովել ածխի վրա»[7]։ Հացը բովելու և ապա թարմ, նոր մզված ձիթայուղով ցողելու արարողությունը կարելի է ասել այնքան հին է, որքան Հռոմը ինքը[8][9]։ Միացյալ Նահանգներում բրուսկետա կոչում են պատրաստի խճողակին՝ առանց հացի, որը վաճառվում է առանձին[9]։
Պատկերասրահ[խմբագրել | խմբագրել կոդը]
-
Բրուսկետայի բաղադրիչները -
Լոլիկով բրուսկետայի բաղադրիչները -
Բրուսկետա ալա Ռոմանայի բաղադրիչները -
Բրուսկետա ալա Կապրեզեի բաղադրիչները
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Bruschetta Trio». Oil and Vinegar company website. 2015. Վերցված է 2015 թ․ դեկտեմբերի 5-ին.
- ↑ «bruschetta». Hannah International Foods. 2010. Արխիվացված է օրիգինալից 2010 թ․ փետրվարի 27-ին. Վերցված է 2010 թ․ հունվարի 5-ին.
- ↑ The Dictionary of Italian Food and Drink, John Mariani. Broadway Books. New York, 1998 p. 45
- ↑ «Fettunta Toasted bread with olive oil». Արխիվացված է օրիգինալից 2012 թ․ մայիսի 9-ին. Վերցված է 2012 թ․ մարտի 21-ին.
- ↑ Sankalan Baidya. «11 Interesting Facts About Bruschetta». Արխիվացված է օրիգինալից 2018 թ․ մարտի 13-ին. Վերցված է 2018 թ․ մարտի 13-ին.
- ↑ «bruschetta». Merriam-Webster Online Dictionary. 2009. Վերցված է 2008 թ․ փետրվարի 22-ին.
- ↑ Ayto, John (2003). An A to Z of Food and Drink. Oxford: Oxford University Press. էջ 44.
- ↑ Marcella Hazan, Essentials of Classic Italian Cooking, 0307958302, s.v. Bruschetta—Roman Garlic Bread
- ↑ 9,0 9,1 Hartz-Seeley, Deborah S (2008 թ․ օգոստոսի 21). «The Toast Of Italy: Bruschetta South Florida Chefs Put Their Own Spin on Traditional Dish». South Florida Sun-Sentinel. էջ E7. Արխիվացված է օրիգինալից 2018 թ․ հոկտեմբերի 16-ին. Վերցված է 2018 թ․ մայիսի 27-ին.
