Բորիս Տրուսևիչ

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Բորիս Տրուսևիչ
Բորիս Տրուսևիչ.jpg
Ծնվել էօգոստոսի 5, 1892(1892-08-05)
ԾննդավայրՎիտեբսկ, Ռուսական կայսրություն
Մահացել էնոյեմբերի 14, 1961(1961-11-14) (69 տարեկան)
Մահվան վայրՄինսկ, Բելառուսի Խորհրդային Սոցիալիստական Հանրապետություն, ԽՍՀՄ
ՔաղաքացիությունFlag of Russia.svg Ռուսական կայսրություն և Flag of the Soviet Union.svg ԽՍՀՄ
ԿրթությունԿիևի համալսարանի բժշկական ֆակուլտետ (1916)
Մասնագիտությունբժիշկ
Գիտական աստիճանբժշկական գիտությունների դոկտոր
Պարգևներ«1941-1945 թթ. Հայրենական մեծ պատերազմի ժամանակ անձնվեր աշխատանքի համար» մեդալ, Աշխատանքային Կարմիր դրոշի շքանշան և «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ

Բորիս Իպոլիտովիչ Տրուսևիչ (բելառուս․՝ Барыс Іпалітавіч Трусе́віч, օգոստոսի 5, 1892(1892-08-05), Վիտեբսկ, Ռուսական կայսրություն - նոյեմբերի 14, 1961(1961-11-14), Մինսկ, Բելառուսի Խորհրդային Սոցիալիստական Հանրապետություն, ԽՍՀՄ), բելառուս խորհրդային թերապևտ, Բելառուսի Գիտությունների ակադեմիայի ակադեմիկոս (1956, թղթակից անդամ՝ 1953 թվականից)։ Բժշկական գիտությունների դոկտոր (1943), պրոֆեսոր (1934)։ Բելառուսի գիտության վաստակավոր գործիչ (1946)։

Կենսագրություն[խմբագրել | խմբագրել կոդը]

Բորիս Իպոլիտովիչ Տրուսևիչը ծնվել է Վիտեբսկում՝ ծառայողի ընտանիքում։ Սովորել է Մոզիրի գիմնազիայում։ 1910 թվականին ավարտել է գիմնազիա Կիևում։ 1916 թվականին ավարտել է Կիևի համալսարանի բժշկական ֆակուլտետը։ Առաջին համաշխարհային պատերազմի մասնակից, ռազմական բժիշկ (1916-1918)։ 1918-1928 թվականներին աշխատել է Կիևի և Դոնի Ռոստովի բժշկական հաստատություններում՝ զուգահեռաբար զբաղվելով գիտական հետազոտություններով։ 1928 թվականից աշխատել է Մինսկում. նախ որպես ասիստենտ, այնուհետև՝ Բելառուսի պետական համալսարանի բժշկական ֆակուլտետի (1930-ից՝ Բելառուսի բժշկական ինստիտուտ) դոցենտ, 1934 թվականից՝ 2-րդ թերապևտիկ կլինիկայի վարիչ, միևնույն ժամանակ՝ Մինսկի բժշկական ինստիտուտի վարակիչ հիվանդություններ ամբիոնի վարիչ[1]։

Հայրենական մեծ պատերազմի տարիներին գտնվել է տարհանման մեջ` 1941-1943 թվականներին ղեկավարելով Սամարղանդի, ապա Ստալինաբադի բժշկական ինստիտուտների թերապևտիկ ամբիոնները։ 1944 թվականին վերադարձել է Մինսկ, եղել Մինսկի բժշկական ինստիտուտի ֆակուլտատիվ թերապիայի ամբիոնի վարիչ, միաժամանակ՝ պրոֆեսոր, և Բելառուսի բժիշկների կատարելագործման ինստիտուտի թերապիայի ամբիոնի վարիչ։ 1952-1954 թվականներին՝ ԲԽՍՀ առողջապահության նախարարության գլխավոր թերապևտ, ԲԽՍՀ Գերագույն խորհրդի պատգամավոր (1955-1959)[1]։

Գիտական աշխատանք[խմբագրել | խմբագրել կոդը]

Ներքին պաթոլոգիայի և վարակիչ հիվանդությունների կլինիկական և փորձարարական ուսումնասիրությունների բնագավառում 60 գիտական աշխատության (ներառյալ՝ 8 մենագրության) հեղինակ է[1]։

Մշակել է ստամոքսի, Ենթաստամոքսային գեղձի փոքր կորության պալպատման տեխնիկա, երիկամների պալպատման նոր վերափոխություն, առաջարկել կրծքավանդակի շարունակական պերկուսիա, աորտայի, այսպես կոչված, վեցերորդ կետում փականների անբավարարության դեպքում դիաստոլիկ աղմուկ հայտնաբերելու տեխնիկան, հայտնաբերել պլևրայի և պերիկարդի շփման աղմուկը[1]։

Բ. Ի. Տրուսևիչի հրապարակած աշխատությունների շարքում են.

  • Материалы к проблеме острой сосудистой недостаточности. — Мн. 1950;
  • Примерный план обследования больного в терапевтической клинике. 4 изд. — Мн., 1961.

Պարգևներ[խմբագրել | խմբագրել կոդը]

  • Աշխատանքի կարմիր դրոշի 3 շքանշան
  • «1941-1945 թվականների Հայրենական մեծ պատերազմում անձնվեր աշխատանքի համար» մեդալ
  • «1941-1945 թվականների Հայրենական մեծ պատերազմում Գերմանիայի նկատմամբ տարած հաղթանակի համար» մեդալ
  • Բելառուսի Գերագույն խորհրդի պատվոգիր

Գրականություն[խմբագրել | խմբագրել կոդը]

  • Трусе́віч Барыс Іпалітавіч // Беларуская энцыклапедыя: У 18 т. Т. 15: Следавікі — Трыо (белор.) / Рэдкал.: Г. П. Пашкоў і інш. — Мн.: БелЭн, 2002. — С. 539. — 10 000 экз. — ISBN 985-11-0251-2.

Արտաքին հղումներ[խմբագրել | խմբագրել կոդը]

  1. 1,0 1,1 1,2 1,3 «Трусевич Борис Ипполитович»։ www.bsmu.by։ Վերցված է 2021-03-26