Բերթի Չարլզ Ֆորբս

Բերթի Չարլզ Ֆորբս; անգլ.՝ Bertie Charles Forbes
Ծնվել է	մայիսի 14, 1880
Ծննդավայր	New Deer
Մահացել է	մայիսի 6, 1954 (73 տարեկան)
Մահվան վայր	Նյու Յորք, Նյու Յորք, ԱՄՆ
Գերեզման	Churchyard Of Deer, New Deer
Քաղաքացիություն	ԱՄՆ
Կրթություն	Սենթ Էնդրյու համալսարան
Մասնագիտություն	լրագրող, ձեռնարկատեր, գրող, խմբագիր և հրատարակիչ
Ծնողներ	հայր՝ Ռոբերտ Ֆորբս, մայր՝ Ագնես Ֆորբս
Երեխաներ	Մալքոլմ Ֆորբս
	Ստորագրություն;
	B. C. Forbes Վիքիպահեստում

Բերթի Չարլզ Ֆորբս (անգլ.՝ Bertie Charles Forbes, մայիսի 14, 1880(1880-05-14)^[1], New Deer - մայիսի 6, 1954(1954-05-06)^[1], Նյու Յորք, Նյու Յորք, ԱՄՆ), շոտլանդական ծագմամբ ամերիկացի լրագրող։

«Ֆորբս» ամսագրի հիմնադիրը։

Կենսագրություն

Ծնվել է շոտլանդացի դերձակի բազմազավակ ընտանիքում։ Տասը երեխաներից վեցերորդն էր։

Բերթին սկսել է աշխատել բավականին վաղ տարիքից։ 14 տարեկանում թողել է դպրոցը և շաբաթական 75 ցենտ աշխատավարձով ընդունվել աշխատանքի՝ որպես գրաշար։ Ընդ որում, ընդունվել է սխալմամբ՝ մտածելով, որ իրեն միանգամից կնշանակեն տեքստեր շարադրելու գործին, ինչի մասին միշտ երազել է։ 7 տարի հետո սղագրություն է սովորել (որն այն ժամանակ պարտադիր նախապայման էր լրագրողի համար) և դարձել լրագրող տեղի թերթերից մեկում։

1904 թվականին Ֆորբսը լքել է Շոտլանդիան։ Սկզբում ուղևորվել է Հարավային Աֆրիկա՝ փորձելով մոռանալ իր նախկին ընկերուհուն, որն ամուսնացել էր ուրիշի հետ, իսկ հետո մեկնել է ԱՄՆ։ Սկզբնական շրջանում Ֆորբսն աշխատում էր տարբեր ֆինանսական հրատարակություններում, բայց շուտով նրա ջանքերը նկատել է մեդիամագնատ Ուիլյամ Ռենդոլֆ Հերսթը (անգլ.՝ William Randolph Hearst) և աշխատանք առաջարկել Բերթիին իր «New York American» թերթում։ Ժամանակի ընթացքում իր տաղանդի և համարձակության շնորհիվ Ֆորբսը դարձել է ամենահայտնի ֆինանսական լրագրողը։ Նա չէր վախենում բավականին սուր քննադատել հարուստ և հաջողակ մարդկանց և վշտանում էր, երբ խմբագիրը կրճատում էր դրանք։

Ամսագիր

1917 թվականին Ֆորբսը հիմնադրեց ամսագիր, որն ուզում էր անվանել «Գործերը և դրանց կատարողները» (անգլ.՝ Doers and Doings), բայց ընկերների խորհրդով անվանեց իր անունով։ Ֆորբսի կենդանության օրոք նրա ամսագիրն այդպես էլ առաջատար չդարձավ^[4]։ Ամսագիրն ուներ ավելի հաջողակ մրցակիցներ (օրինակ, «Business Week» և «Fortune»)^[5]: Մեծ ճգնաժամի տարիներին ամսագիրը չէր վաճառվում բավարար քանակով, և Բերթի Չարլզը խմբագրության ծախսերը վճարում էր այլ հրատարակություններից ստացվող իր լրագրողական հոնորարներից։ Խմբագրաքանակը Բերթի Ֆորբսի օրոք չէր գերազանցում 100 հազար օրինակը, որը բավականին քիչ էր ԱՄՆ-ի համար^[5]։

1928 թվականին Հերսթը առաջարկեց գնել «Ֆորբսը» 10 միլիոն դոլարով, բայց Բերթին հրաժարվեց՝ դա մեկնաբանելով որպես «Ամերիկայի միակ անկախ ամսագիրը պահպանելու փորձ»։

Ծանոթագրություններ

↑ ^1,0 ^1,1 ^1,2 ^1,3 ^1,4 SNAC — 2010.
↑ Find A Grave — 1996.
↑ ^3,0 ^3,1 ^3,2 ^3,3 ^3,4 Geni(բազմ․) — 2006.
↑ «Forbes». Caslon Analytics (անգլերեն). ketupa.net — «The magazine came close to fundering in the 1930s and stagnated during the next decade». май 2007. Արխիվացված է օրիգինալից 2007 թ․ հոկտեմբերի 18-ին. Վերցված է 25.12.2007-ին.
↑ ^5,0 ^5,1 Крапивенко, Дмитрий — «В то же время сам Берти Чарльз так и не стал успешным бизнесменом: читательскую аудиторию Forbes отвоевывали «молодые хищники» вроде Business Week или Fortune» (19.04.2004). «Влиятельная фамилия». Украинский деловой еженедельник «Контракты», № 16 от 19.04.2004. kontrakty.com.ua. Արխիվացված օրիգինալից 2012 թ․ մարտի 2-ին. Վերցված է 25.12.2007-ին.

Վիքիպահեստն ունի նյութեր, որոնք վերաբերում են «Բերթի Չարլզ Ֆորբս» հոդվածին։

[_09a6ad30ab76daf1-1] 1,0 ^1,1 ^1,2 ^1,3 ^1,4 SNAC — 2010.

[_fcdb28cf90940b5b-2] Find A Grave — 1996.

[_34d19fd932a69626-3] 3,0 ^3,1 ^3,2 ^3,3 ^3,4 Geni(բազմ․) — 2006.

[4] «Forbes». Caslon Analytics (անգլերեն). ketupa.net — «The magazine came close to fundering in the 1930s and stagnated during the next decade». май 2007. Արխիվացված է օրիգինալից 2007 թ․ հոկտեմբերի 18-ին. Վերցված է 25.12.2007-ին.

[kontrakty-5] 5,0 ^5,1 Крапивенко, Дмитрий — «В то же время сам Берти Чарльз так и не стал успешным бизнесменом: читательскую аудиторию Forbes отвоевывали «молодые хищники» вроде Business Week или Fortune» (19.04.2004). «Влиятельная фамилия». Украинский деловой еженедельник «Контракты», № 16 от 19.04.2004. kontrakty.com.ua. Արխիվացված օրիգինալից 2012 թ․ մարտի 2-ին. Վերցված է 25.12.2007-ին.

[1]

[2]

[3]

[4]

[5]