Բեն Բրյուս
| Բեն Բրյուս | |
|---|---|
 | |
| Ծնվել է | հոկտեմբերի 31, 1988[1] (36 տարեկան) Լոնդոն, Միացյալ Թագավորություն |
| Երկիր | .svg){kind=small} Միացյալ Թագավորություն |
| Ժանրեր | մետալկոր և հարդ ռոք |
| Մասնագիտություն | երաժիշտ և կիթառահար |
| Գործիքներ | կիթառ |
Բենջամին Պաուլ Բրյուս (անգլ.՝ Benjamin Paul Bruce, հոկտեմբերի 31, 1988[1], Լոնդոն, Միացյալ Թագավորություն), բրիտանացի երաժիշտ, երգիչ։ Asking Alexandria ռոք խմբի առաջնորդն ու վոկալիստն է, որը նա ստեղծել է 2006 թվականին՝ Դուբայում։ Ինչպես նաև համարվում է KBB լեյբլի մենեջերը, որը հիմնել է Asking Alexandria խմբի մենեջերի հետ։
Կենսագրություն
[խմբագրել | խմբագրել կոդը]Բենջամին Պաուլ Բրյուսը ծնվել է 1988 թվականի հոկտեմբերի 31–ին Էշֆորդում, Միացյալ Թագավորություն։ Երբ նա վեց տարեկան էր, ծնողների և քրոջ հետ մեկնել է Դուբայ, որտեղ ապրել է ավելի քան 14 տարի։ 12 տարեկանում սկսել է կիթառ նվագել՝ լսելով այնպիսի ռոք խմբեր, ինչպիսիք են՝ Metallica, Iron Maiden, Slipknot, Guns N' Roses։ Նրանց երգերի և լսողության շնորհիվ էլ սկսել է նվագել կիթառ։ Բենի սիրելի ալբոմներն էին՝ Kill 'Em All, Appetite for Destruction և Slipknot (ալբոմ)։
Երբ Բենը 17 տարեկան էր, Դուբայում հիմնեց Asking Alexandria–ի առաջին կազմը և առաջին ալբոմի թողարկելուց հետո խումբը լուծարվեց, քանի որ Բենը վերադարձավ Անգլիա։
Asking Alexandria
[խմբագրել | խմբագրել կոդը]Անգլիա մեկնելուց հետո նա որոշել է կրկին հավաքել նույն անունով խումբ։ Բենը, համացանցի միջոցով, ծանոթացել է Դենի Ուորսնոպի հետ։ Ավելի ուշ նրանց միացել է Ջո Լանկաստերը և Ռայան Բինիսը, բայց նրանք շուտ են հեռացել խմբից։ 2009 թվականի սեպտեմբերի 15–ին թողարկվել է «Stand Up and Scream» անունով դեբյուտային ալբոմը՝ արդեն թարմացված հավաքակազմով։ Ալբոմը խմբին բերել է մեծ ճանաչում։ Երկրորդ ալբոմը՝ «Reckless & Relentless» վերնագրով, թողարկվել է 2011 թվականի ապրիլի 5–ին, այս անգամ արդեն լրացված հարդ ռոքի և հևի մետալի տարրերով։ Երրորդ ալբոմը՝ «From Death to Destiny», թողարկվել է 2013 թվականի օգոստոսի 6–ին։ Ալբոմը իրենից ներկայացնում է մետալկորի և հարդ ռոքի խառնուրդ։ Այդպիսի զուգակցումը ծնվել է ի շնորհիվ Aerosmith, Guns N' Roses, Slipknot, Van Halen խմբերի։ 2015 թվականի հունվարի 23–ին խմբից հեռացել է վոկալիստ Դենի Ուորսնոպը, որպեսզի ամբողջությամբ կենտրոնանա իր «We Are Harlot» հարդ ռոք նախագծի վրա։ 2015 թվականի մայիսի 27–ին Բենը հայտարարել է, որ նոր վոկալիստը լինելու է Դենիս Շարֆոստովը, ով Down & Dirty ռուս–ուկրաինական մետալկոր խմբի վոկալիստն էր, բացի դրանից նվագում էր Make Me Famous խմբում։ Այդ օրը առաջին անգամ Դենիսի մասնակցությամբ թողարկվել է նաև «I Won’t Give In» վերնագրով նոր երգ։ Բենը նաև հայտարարել է, որ չորրորդ ալբոմը թողարկվելու է ամռանը, և նա կատարելագործվելու է այնպիսի ժամանակակից մետալ խմբերի ազդեցությամբ, ինչպիսիք են՝ Սլպիկնոտ–ը, Avenged Sevenfold–ը,բայց անհայտ պատճառով չի թողարկվել։ Այնուամենայնիվ, «The Black» անունով նոր ալբոմը թողարկվել է 2016 թվականի մարտի 28–ին։
Մեներգչի կարիերա
[խմբագրել | խմբագրել կոդը]2014 թվականի սկզբին Բենը հայտարարել է, որ պատրաստվում է 2015 թվականի թողարկել սոլո ալբոմ։ Ապրիլի 9–ին թողարկվել է Machine Florence and the Machine խմբի «Shake It Out» երգի քավըր տարբերակը։ «Artistdirect» ամսագրում, հարցազրույցի ժամանակ, Բենը ալբոմի մասին ասել է. «Այնտեղ ծանր ոչինչ չի լինելու։ Նա լինելու է դասական ռոքնռոլի և սոֆթ ռոք ոճի մեջ»։ Նա նաև նշել է, որ այդ ալբոմը կրել է Oasis–ի և Keane–ի ազդեցությունը։
BB Clothing
[խմբագրել | խմբագրել կոդը]2011 թվականին Բենը ստեղծել հագուստի իր անձնական «BB Clothing» բրենդը, որտեղ նա մերչ է թողարկել Asking Alexandria–ի համար։ Հետո 2013 թվականի հուլիսի 27–ին սառեցրել է ֆիրման, և նշել, որ նոր հավաքածուն դուրս է գալու մյուս տարի։
KBB Records
[խմբագրել | խմբագրել կոդը]2014 թվականի մարտին Asking Alexandria–ի մենեջերի Քայլ Բորմանի հետ հիմնադրել է KBB Records լեյբլը։ Լեյբլին միացել է Scare Don't Fear ռեփ մետալ խումբը։ Խումբն ինքը միացավ այդ լեյբլին, քանի որ մյուս լեյբլներ կարող էին փոխել իրենց հնչողությունը։
American Satan
[խմբագրել | խմբագրել կոդը]2017 թվականի հոկտեմբերի 13–ին «Ամերիկյան Սատանա» անունով ֆիլմ է թողարկել ամերկյան Sumerian Records ձայնագրման լեյբլում, որտեղ խաղացել է Բենը՝ որպես երկրորդ պլանի դերասան։
Անձնական կյանք
[խմբագրել | խմբագրել կոդը]2013 թվականի մայիսի 24–ին Բենն ամուսնացել է Սամանտա Կասսարոյի հետ։ 2015 թվականի նոյեմբերին նրանք բաժանվել են։ Ինչպես ասել է երաժիշտը, մարդիկ փոխվում են, կյանքի ոճը ազդում է հարաբերությունների վրա, ավելացնելով, որ ամուսնալուծությունից հետո նրանք մնացել են լավ ընկերներ։
2015 թվականից հարաբերություններ է սկսել Սիարա Բյորջեստի հետ։
2016 թվականի սեպտմեբրի 10–ին ծնվել է աղջիկը՝ Ֆեյ Հոլլի Բրյուսը (անգլ.՝ Fae Holley Bruc), իսկ 2017 թվականի հոկտեմբերի 16–ին որդին՝ Ֆին Բարկեր Բրյուսը (անգլ.՝ Fynn Barker Bruce)։
Ֆիլմագրություն
[խմբագրել | խմբագրել կոդը]Asking Alexandria
[խմբագրել | խմբագրել կոդը]- The Irony of Your Perfection (2007)
- Stand Up and Scream (2009)
- Reckless & Relentless (2011)
- [From Death to Destiny (2013)
- The Black (2016)
- Asking Alexandria (2017)
Համագործակցություն
[խմբագրել | խմբագրել կոդը]| Երգ | Տարի | Կատարող | Ռելիզ |
|---|---|---|---|
| «Discovering Oceans» (featuring Ben Bruce) | 2013 | City in the Sea | Below the Noise[2] |
| «Overcast» (featuring Ben Bruce) | |||
| «Shake It Out» (Florence and the Machine cover) | 2014 | Бен Брюс | Florence + The Sphinx: Sumerian Ceremonials — A Tribute to Florence + The Machine[3] |
Մրցանակներ և առաջադրումներ
[խմբագրել | խմբագրել կոդը]| Nominated work | Year | Award | Result | Position |
|---|---|---|---|---|
| Ben Bruce | 2011 | Altpress' Guitarist of the Year[4] | Հաղթանակ | — |
| 2012 | Guitar World's Top 12 Hot Male Guitar Players for 2012[5] | Հաղթանակ | 11 | |
| Kerrang! Awards Hottest Male[6] | Հաղթանակ | — | ||
| 2013 | Kerrang! Awards Hottest Male[7] | Հաղթանակ | — | |
| 2014 | Kerrang! Awards Hottest Male[8] | Առաջադրված | — | |
| 2015 | Metalhammer Golden Gods Dimebag Darrell Shredder[9] | ընթացքի մեջ | N/A |
Ծանոթագրություններ
[խմբագրել | խմբագրել կոդը]- ↑ 1,0 1,1 ČSFD (չեխերեն) — 2001.
- ↑ «City in the Sea Below the Noise». Allmusic.com. AllMusic. Վերցված է 2014 թ․ հունիսի 27-ին.
- ↑ Rosenberg, Axl (2014 թ․ մարտի 26). «Sumerian Records is Releasing a Florence + The Machine Tribute Album» (անգլերեն). Metal Sucks. Արխիվացված է օրիգինալից 2015 թ․ սեպտեմբերի 18-ին. Վերցված է 2015 թ․ սեպտեմբերի 18-ին.
- ↑ Zaleski, Annie. «2011 Guitarist of the Year». Altpress.com. Altpress. Վերցված է 2014 թ․ հունիսի 27-ին.
- ↑ Whitmore, Laura. «Guitar Girl'd: Top 12 Hot Male Guitar Players for 2012». Guitarworld.com. Guitar World. Վերցված է 2014 թ․ հունիսի 27-ին.
- ↑ «The Kerrang! Awards 2012 – all the winners». Musicweek.com. Music Week. Վերցված է 2014 թ․ հունիսի 27-ին.
- ↑ «The Kerrang! Awards 2013 – all the winners». Musicweek.com. Music Week. Վերցված է 2014 թ․ հունիսի 27-ին.
- ↑ «Relentless Kerrang! Awards 2014 Winners List». Kerrang.com. Kerrang!. Վերցված է 2014 թ․ հուլիսի 3-ին.
- ↑ «Dimebag Darrell Shredder». goldengods.metalhammer.co.uk. Metalhammer. Արխիվացված է օրիգինալից 2015 թ․ մարտի 27-ին. Վերցված է 2015 թ․ մարտի 25-ին.
| ||||||||||
