Բեատա Շիդլո
| Բեատա Շիդլո լեհ.՝ Beata Szydło | |
| |
| Կուսակցություն՝ | Օրենք և արդարություն[1] |
|---|---|
| Կրթություն՝ | Կրակովի համալսարան, Վարշավայի տնտեսության դպրոց և Կրակովի Տնտեսագիտական համալսարան |
| Մասնագիտություն՝ | քաղաքական գործիչ, ազգագրագետ և փաստաբան |
| Դավանանք | կաթոլիկություն |
| Ծննդյան օր | ապրիլի 15, 1963[1][2][3][…] (59 տարեկան) |
| Ծննդավայր | Օսվենցիմ, Lesser Poland Voivodeship, Լեհաստան |
| Քաղաքացիություն |  Լեհաստան
|
| Ի ծնե անուն | լեհ.՝ Beata Maria Kusińska |
| Ամուսին | Edward Szydło? |
| Զավակներ | Q96629150? |
| Կայք՝ | beataszydlo.pl |
| Ինքնագիր | 
|
Բեատա Շիդլո (լեհ.՝ Beata Maria Szydło, ապրիլի 15, 1963[1][2][3][…], Օսվենցիմ, Lesser Poland Voivodeship, Լեհաստան), լեհ քաղաքական գործիչ, Լեհաստանի վարչապետը 2015-2017 թվականներին։
Կենսագրություն[խմբագրել | խմբագրել կոդը]
Ծնվել է 1963 թվականի ապրիլի 15-ին Օսվենցիմում, մեծացել է Բջեշչե քաղաքից ոչ հեռու, որտեղ նրա հայրը հանքագործ է աշխատել[4]։
1989 թվականին ավարտել է Կրակովի Յագելոնյան համալսարանի ազգագրության ֆակուլտետը։ 1989-1995 թվականներին եղել է Յագելոնյան համալսարանի փիլիսոփայության և պատմության ֆակուլտետի ասպիրանտ։ 1997 թվականին ավարտել է Վարշավայի տնտեսագիտության դպրոցում մշակույթի մենեջերների համար ասպիրանտուրան, իսկ 2001 թվականին՝ Կրակովի տնտեսագիտական համալսարանի ասպիրանտուրան, որտեղ սովորել է տարածքային կառավարում։
1987 թվականից մինչև 1995 թվականը աշխատել է որպես Կրակովա քաղաքի պատմական թանգարանի ասիստենտ, ավելի ուշ տեղափոխվել է Լիբենժի մշակութային կենտրոն։ 1997-1998 թվականներին եղել է Բջեշչեի մշակութային կենտրոնի տնօրեն։ 1998 թվականին ընտրվել է Բջեշչեի քաղաքապետի պաշտոնում, որտեղ աշխատել է մինչև 2005 թվականը։ Նա նաև Օսվենցիմի խորհրդի անդամ էր՝ 1998-2002 թվականներին համերաշխության ընտրարշավից։ 2004 թվականին դարձել է Բժեշչե քաղաքի կամավոր հրդեհային պահպանության դեպարտամենտի փոխնախագահ։
2005 թվականին անդամակցել է «Իրավունք և արդարություն» կուսակցությանը, ընտրվել Սեյմի անդամ, վերընտրվել է 2007 և 2011 թվականներին։ 2010 թվականից «Իրավունք և արդարություն» կուսակցության ղեկավարի տեղակալն է։
2015 թվականի հոկտեմբերի 25-ի խորհրդարանական ընտրություններում «Իրավունք և արդարություն» կուսակցությունը մեծամասնություն է ստացել և Լեհաստանի վարչապետի պաշտոնում առաջադրված Բեատա Շիդլոն կառավարություն է ձևավորել։
2017 թվականի դեկտեմբերի 7-ին Լեհաստանի վարչապետի պաշտոնից հրաժարականի դիմում է ներկայացրել «Իրավունք և արդարություն» կուսակցության քաղաքական խորհրդին, դիմումը հաստատվել է նույն օրը[5]։ Նրան փոխարինած Մատեուշ Մորավեցկու կառավարությունում զբաղեցրել է վարչապետի տեղակալի պաշտոնը։
2019 թվականին մասնակցել է Եվրոպական խորհրդարանի ընտրություններին, ստացել պատգամավորի մանդատը՝ հավաքելով 525 811 ձայն[6]։ 2019 թվականի հունիսի 3-ին Եվրախորհրդարան ընտրվելու կապակցությամբ դադարեցրել Է փոխվարչապետի պարտականությունների կատարումը[7]։
Ամուսնացած է, ունի երկու որդի։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 http://www.sejm.gov.pl/sejm7.nsf/posel.xsp?id=384
- ↑ 2,0 2,1 Encyclopædia Britannica
- ↑ 3,0 3,1 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
- ↑ Adam Easton (հոկտեմբերի 26, 2015)։ «Beata Szydlo: Polish miner's daughter set to be PM»։ BBC Online։ Վերցված է 28 июня 2016
- ↑ Премьер-министр Польши ушла в отставку / РГ, 07.12.2017
- ↑ Официальный сайт Государственной избирательной комиссии Польши
- ↑ «Официальный сайт Президента Республики Польша»։ Արխիվացված է օրիգինալից 2019-07-08-ին։ Վերցված է 2020-03-13
| ||||||||||||||
