Բարիի ամրոց

Բարիի ամրոց
Նկարագրություն
Տեսակ	Հոհենշտաուֆենների ամրոցը Հարավային Իտալիայում, military museum building?, Իտալիայի ազգային թանգարան, historical park museum?, historical civil building museum?, Istituto museale ad autonomia speciale? և Museum of the Italian Ministry of Culture?
Հասցե	Piazza Federico II di Svevia, 4 - 70122 Bari (BA) և Piazza Federico Ii Di Svevia 4, 70122 Bari
Վարչական միավոր	Բարի
Երկիր	Իտալիա
Կայք	musei.puglia.beniculturali.it/musei/castello-svevo-di-bari/​(իտալ.)
Castello di Bari Վիքիպահեստում

Բարիի ամրոց, կամ Կաստելո Նորմանո-Սվեվո, (իտալ.՝ Castello normanno-svevo) ամրոց Իտալիայի Ապուլիա մարզի Բարի քաղաքում։ Կառուցվել է մոտավորապես 1132 թվականին նորմանդական Ռոժեր II թագավորի կողմից։ Ներկայումս օգտագործվում է ցուցահանդեսների համար։

Պատմություն

Ամրոցը հավանաբար կառուցել է նորմանդական Ռոժեր II արքան 1132 թվականին։ 1156 թվականին ամրոցը ավերվում է Վիլհելմ Սիցիլիացու կողմից, իսկ 1233 թվականին վերականգնվում և ամրացվում Հռոմեական Սրբազան կայսրության արքա Ֆրիդրիխ II-ի կողմից։ Անժույի Կապետյան արքայատոհմի գերիշխանության ընթացքում ամրոցը զանազան փոփոխությունների է ենթարկվում և ի վերջո հայտնվում է Արագոնի դուքս Ֆերդինանդի ձեռքում, որը ամրոցը նվիրում է Սֆորցա ընտանիքին և Լեհաստանի թագուհի Բոնա Սֆորցային։ Բոնայի մահից հետո ամրոցի սեփականության իրավունքը վերադարձվում է Նեապոլի արքաներին, որից հետո այն փոխակերպվում է և սկսում օգտագործվել որպես բանտ։ Ամրոցը բոլոր կողմերից շրջապատված է խրամով, բացի հյուսիսային հատվածից, որը սահմանակցում է ծովին և կամրջի միջոցով կապվում է նրա հետ։ ամրոցի դարպասը հարավային մասում է։ Ամրոցը հիմնականում բաղկացած է արագոնյան ժամանակաշրջանի պատերից և հոհենշտաուֆենյան գլխավոր աշտարակից։ Ներկայումս օգտագործվում է որպես ցուցադրությունների սրահ։

Ֆրանցիսկը և կայսրը

Ավանդության համաձայն, 1221 թվականին կայսր Ֆրիդրիխ II-ը Բարիի ամրոցում հանդիպում է Ֆրանցիսկ Ասսիզեցու հետ։ Ըստ այդ նույն ավանդության, կայսրը մի պոռնիկ է ուղարկում Ֆրանցիսկի սենյակ, իսկ ինքը դիտանցքից հետևում է, թե ինչ կպատահի։ Երբ Ֆրանցիսկը մերժելով հետ է ուղարկում կնոջը, Ֆրիդրիխը շատ է տպավորվում նրա բարոյական սկզբունքներով։ Գիշերվա մնացած մասը այդ երկուսն անցկացնում են զրուցելով։ Թեև այս պատմության ճշմարտացիությունը չի ապացուցվել, սակայն այն հավանական է համարվում։

Պատկերասրահ

• 
• 
• 
• 
  Բակը
• 
  Հին քաղաքը
• 
  Ծովափը

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բարիի ամրոց կատեգորիայում։