Բարբարա Ռեյնհարտ

Բարբարա Ռեյնհարտ
Ծնվել է	հուլիսի 12, 1730; Վինտերտուր, Ցյուրիխ, Շվեյցարիա
Մահացել է	հունվարի 5, 1796 (65 տարեկան); Վինտերտուր, Ցյուրիխ, Շվեյցարիա
Քաղաքացիություն	Շվեյցարիա
Մասնագիտություն	մաթեմատիկոս
	Anna Barbara Reinhart Վիքիպահեստում

Աննա Բարբարա Ռեյնհարտ (գերմ.՝ Anna Barbara Reinhart, հուլիսի 12, 1730(1730-07-12)^[1], Վինտերտուր, Ցյուրիխ, Շվեյցարիա - հունվարի 5, 1796(1796-01-05)^[1], Վինտերտուր, Ցյուրիխ, Շվեյցարիա), շվեյցարացի մաթեմատիկոս։

Կենսագրություն[խմբագրել | խմբագրել կոդը]

Մանուկ հասակում ձիուց ընկնելու հետևանքով Բարբարան ծանր վնասվածք է ստացել և մինչև կյանքի վերջ երկար ժամանակ գամված է եղել անկողնուն^[2]։ Նրան բուժող բժիշկը նկատել է աղջկա հակումը դեպի մաթեմատիկան և սկսել է պարապել նրա հետ^[3]։ Աննա Բարբարան մաթեմատիկա է ուսումնասիրել Լեոնարդ Էյլերի, Գաբրիել Կրամերի, Պիտեր վան Մուշենբրուկի, Ժերոմ դե Լալանդի և այլոց գրքերից, նամակներ է գրել, երբեմն նրան այցելել են իր ժամանակի բազմաթիվ ականավոր գիտնականներ, մաթեմատիկայի դասեր են տվել։ Ժամանակի ընթացքում Աննա Բարբարան ճանաչվել է որպես հեղինակություն իր բնագավառում^[2]։

Ռեյնհարտի ստեղծագործությունների ձեռագրերը չեն պահպանվել^[3]։ Նա խմբագրել է իր ժամանակակիցների մի քանի գիտական աշխատություններ, գրել է Իսահակ Նյուտոնի «Բնական փիլիսոփայության մաթեմատիկական սկզբունքները» հիմնարար աշխատության մեկնաբանությունները, որը, սակայն, կորել է նրա մահից հետո։

Ռեյնհարտի որոշ ժամանակակիցներ, օրինակ՝ Դանիել Բեռնուլին, բարձր են գնահատել նրա գիտական աշխատությունները և նրան վեր են դասել Էմիլի դյու Շատլեից։

Աննա Բարբարա Ռեյնհարտը մահացել է 1796 թվականին 65 տարեկան հասակում հոդատապի սրացումից և մանկության տարիներին ստացած վնասվածքի հետևանքներից։

Հիշատակ[խմբագրել | խմբագրել կոդը]

2003 թվականին, Բարբարա Ռեյնհարտի հայրենի Վինտերտուր քաղաքում փողոց է անվանակոչվել նրա անունով։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 FemBio տվյալների շտեմարան (գերմ.)
↑ ^2,0 ^2,1 Anna Barbara Reinhart
↑ ^3,0 ^3,1 ANNA BARBARA REINHART (1730-1796)

Գրականություն[խմբագրել | խմբագրել կոդը]

Hause, Kaspar/Fehr, Max: Die Familie Reinhart in Winterthur, Winterthur 1922, S. 137–139, 223.
Widmer, Urs: Vier Winterthurer Frauenpersönlichkeiten, in: Winterthurer Jahrbuch 1994, S. 35–41, 36–38.
Wolf, Rudolf: Biographien zur Kulturgeschichte der Schweiz. Bd. 1, Zürich 1858, S. 341–350.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Բարբարա Ռեյնհարտ» հոդվածին։

[_ef5b50e13c9bbc41-1] 1,0 ^1,1 ^1,2 ^1,3 ^1,4 FemBio տվյալների շտեմարան (գերմ.)

[:1-2] 2,0 ^2,1 Anna Barbara Reinhart

[:2-3] 3,0 ^3,1 ANNA BARBARA REINHART (1730-1796)

[1]

[2]

[3]