Բագարան (քաղաք, Արցախ)

Վիքիպեդիայից՝ ազատ հանրագիտարանից
Jump to navigation Jump to search
Քաղաք
Բագարան
ԵրկիրԱրցախ Արցախ
ԵրկրամասՔաշաթաղ
Առաջին հիշատակում2011
Այլ անվանումներԱրցախի Բագարան
Տվյալ կարգավիճակումկառուցվող թվականից
Մակերես20 կմ²
ԲԾՄ350 մ
Կլիմայի տեսակմերձարևադարձային
Պաշտոնական լեզուհայերեն
Բնակչություն0 մարդ (նախատեսված է 100.000)
Ազգային կազմԱդրբեջանահայեր
Ժամային գոտիUTC+4
HS Disambig.svg Պատմական հայկական քաղաքի համար տես՝ Բագավան
HS Disambig.svg Անվան այլ կիրառումների համար տե՛ս՝ Բագարան (այլ կիրառումներ)

Բագարան, դեռևս նախագծա-ծրագրային փուլում գտնվող քաղաք Արցախի Հանրապետության Քաշաթաղի շրջանում[1][2][3]՝ Հագարու գետի ափին` Իրանի Իսլամանակն Հանրապետության սահմանին:

Անվանում[խմբագրել | խմբագրել կոդը]

Նախագծա-ծրագրային փուլում գտնվող քաղաքի անվանումը՝ Բագարան[1][2], ընտրվել է՝ ի հիշատակ 4000 տարի առաջ Ախուրյան գետի ափին տեղակայված նույնանուն քաղաքի, որը հետագայում դարձավ Հայաստանի մայրաքաղաքը[2]:

Նախագծա-ծրագրային նկարագիր[խմբագրել | խմբագրել կոդը]

Նախագիծը ներկայացրել են Խորհրդային Ադրբեջանից և Նախիջևանի ԻԽՍՀ-ից բռնագաղթված փախստականների հասարակական մի շարք կազմակերպություններ[1][2]: Քաղաքի նախագծի հեղինակը ճարտարապետ Անահիտ Թարխանյանն է: Նախագծով նախատեսված էր քաղաքում բնակեցնել մոտ 20․000 ադրբեջանահայ փախստական ընտանիք։ Ընդհանուր առմամբ քաղաքը նախատեսված էր 100․000 բնակչի համար[2]։ Ծրագրի իրականացման համար ենթադրվում է, որ պետք է ներդրվեր 3.5 միլիարդ դոլար, իսկ շինարարությունն ավարտել 5 տարում։ Նախագիծն ավարտելու դեպքում Բագարանը կդառնար Արցախի Հանրապետության ամենախոշոր քաղաքը[3]։

Ըստ նախագծի՝ քաղաքը լինելու էր բազմաֆունկցիոնալ բնակավայր, ունենալու է և՛ ադմինիստրատիվ կենտրոն, և՛ արդյունաբերական տարածք՝ հիմնականում գյուղատնտեսական արդյունաբերության ուղղվածության[2]։ Քննարկվել է նաև տարածքով անցնող գետակի վրա ամբատակի կառուցումն ու արհեստական լճի ստեղծումը, ինչը հնարավորություն կտար փոքր հիդրոկայան կառուցել[2]:

Ծանոթագրություններ[խմբագրել | խմբագրել կոդը]