Արցախի և Սյունիքի մելիքական ապարանքները (գիրք)

Արցախի և Սյունիքի մելիքական ապարանքները
Գրքի կազմերեսը
Հեղինակ	Արտակ Ղուլյան
Տեսակ	Ոչ գեղարվեստական
Բնօրինակ լեզու	Հայերեն
Լեզու	Անգլերեն, ռուսերեն
Էջեր	188
Շարք	«ՀՃՈՒ գիտական ուսումնասիրություններ»
Նախորդ	«Հայ մշակույթի հուշարձանները Խորհրդային Ադրբեջանին բռնակցված շրջաններում»
Հաջորդ	«Թիֆլիսի քաղաքագլուխները»
Երկիր	Հայաստան
Հրատարակման վայր	Երևան
Հրատարակիչ	Հայկական ճարտարապետությունն ուսումնասիրող հիմնադրամ
Հրատարակված է	ՀՀ ԳԱԱ «Գիտություն» հրատարակչություն
Հրատարակման տարեթիվ	2001 թվական
ԳՄՍՀ	ISBN 5-8080-0469-1
ՀՏԴ	941(479.25)
ԳՄԴ	63.3 (2Հ) 43
Թվային տարբերակ	raa-am.com/raa/pdf_files/64.pdf

«Արցախի և Սյունիքի մելիքական ապարանքները» (անգլ.՝ Princely palaces in Artsakh and Siunik, ռուս.՝ Дворцы меликов Арцаха и Сюника), Հայկական ճարտարապետությունն ուսումնասիրող կազմակերպության կողմից 2001 թվականին հրատարակված «ՀՃՈՒ գիտական ուսումնասիրություններ» շարքի թվով 4-րդ գիրքը (Գիրք Դ)։ Այն հեղինակել է ճարտարապետ Արտակ Ղուլյանը։ Տպագրվել է եռալեզու տարբերակով՝ հայերեն, անգլերեն և ռուսերեն։ Աշխատությունը ներկայացնում է Պատմական Հայաստանի արևելյան մարզերի՝ Արցախի և Սյունիքի 15-18-րդ դարերի մելիքական պալատ-ամրոցները, ապարանքները։ Ուշ միջնադարյան պալատական ճարտարապետության այս ինքնատիպ հուշարձանները ներկայացվում են դարաշրջանի պատմաքաղաքական միջավայրի հենքի վրա, արժևորվում նրանց տեղն ու դերը հայկական միջնադարյան ճարտարապետության պատմական ընդհանրության մեջ։ Գիրքը հարուստ է պատկերագրական նյութերով՝ չափագրություններով, վերակազմություններով, համեմատական աղյուսակներով, պատմական և ժամանակակից արժեքավոր լուսանկարներով։

«Արցախի և Սյունիքի մելիքական ապարանքները» գիրքը հրատարակվել է Հայաստանի գիտությունների ազգային ակադեմիայի Արվեստի ինստիտուտի ու Երևանի ճարտարապետության և շինարարության պետական համալսարանի գիտական խորհրդի երաշխավորությամբ և տպագրվել ՀՀ ԳԱԱ «Գիտություն» հրատարակչությունում։ Աշխատության հրատարակման աշխատանքները հովանավորել են լոսանջելեսաբնակ Շահեն և Մարթա Հարությունյանները։ Հեղինակը գիրքը նվիրում է իր ծնողներին՝ Գյուլիստանի դպրոցի ուսուցիչներ Բենիկ Ասատուրի Ղուլյանին և Թերեզա Արսենի Ծատրյանին։

Տես նաև

• Հայկական ճարտարապետությունն ուսումնասիրող հիմնադրամ
• Արտակ Ղուլյան