Արտյոմ Միրզոյան

Արտյոմ Միրզոյան
մայիսի 14, 1978 - նոյեմբերի 5, 2020 (42 տարեկան)
Ծննդավայր	Բաքու, Ադրբեջանական ԽՍՀ, ԽՍՀՄ
Մահվան վայր	Արցախ
Քաղաքացիություն	Հայաստան
Մարտեր/; պատերազմներ	Հայ-ադրբեջանական պատերազմ (2020)
Կրթություն	ՀՀ ՊՆ ռազմական ինստիտուտ
Պարգևներ	, և Արցախի «Արիության համար» մեդալ

Արտյոմ Զարմիկի Միրզոյան (մայիսի 14, 1978(1978-05-14), Բաքու, Ադրբեջանական ԽՍՀ, ԽՍՀՄ - նոյեմբերի 5, 2020(2020-11-05), Արցախ), հայ համազորային հրամանատար, Ոստիկանության զորքերի հասարակական կարգի պահպանության գնդի հրամանատարի մարտական պատրաստության գծով տեղակալ, գնդապետ, «Օրենքի պատվար» և «Գարեգին Նժդեհ» մեդալների մեդալակիր, ՀՀ պետական պարգև «Մարտական խաչ» 1-ին աստիճանի և ԱՀ պետական պարգև «Արիության համար» մեդալակիր^[1]։

Կենսագրություն[խմբագրել | խմբագրել կոդը]

Արտյոմ Միրզոյանը ծնվել է 1978 թվականի մայիսի 14-ին Բաքու քաղաքում։ 1988 թվականին տեղափոխվել է Հայաստան և բնակություն հաստատել Աբովյան քաղաքում։ 1995 թվականին ավարտել է Աբովյանի թիվ 4 միջնակարգ դպրոցը։ 1995-1999 թվականներին ուսումը շարունակել է Վազգեն Սարգսյանի անվան ռազմական ինստիտուտում՝ որպես դասակի հրամանատար^[2]։

2001-2004 թվականներին եղել է վաշտի հրամանատար։ 2004-2009 թվականներին ծառայությունը շարունակել է Վազգեն Սարգսյանի անվան ռազմական ինստիտուտում՝ որպես գումարտակի հրամանատար։ 2010 թվականին ծառայության է անցել Հայաստանի Հանրապետության ոստիկանության զորքերում՝ որպես գնդի հրամանատարի անձնակազմի հետ տարվող աշխատանքների գծով տեղակալ։ 2014 թվականին ծառայության է անցել Հայաստանի Հանրապետության ոստիկանության զորքերում՝ որպես գնդի հրամանատարի մարտական պատրաստության գծով տեղակալ։

2015 թվականին հիմնել է Հայաստանի Հանրապետության ոստիկանության պատվո պահակախումբը։ Վերջինս հատուկ կառույց է, որը մասնակցում է Հայաստանի Հանրապետության պետական միջոցառումներին և պետական պատվիրակությունների դիմավորման արարողություններին։

2016 թվականին Միրզոյանը ծառայությունը շարունակել է Հայաստանի Հանրապետության ոստիկանության Տավուշի մարզային վարչության Տավուշի բաժնում։ 2018 թվականից ծառայել է Հայաստանի Հանրապետության ոստիկանության զորքերում՝ հասարակական կարգի պահպանության 1033 զորամասում' որպես հրամանատարի մարտական պատրաստության գծով տեղակալ։

2020 թվականին ակտիվ մասնակցություն է ունեցել Արցախյան պատերազմում՝ լինելով Ջրականում, Քարվաճառում, Շուշիում։ 2020 թվականի նոյեմբերի 5-ին զոհվել է Շուշիի պաշտպանության ժամանակ^[3]^[4]^[5]։

Կոչումներ և պարգևներ[խմբագրել | խմբագրել կոդը]

Կոչումներ[խմբագրել | խմբագրել կոդը]

1999 թվական - լեյտենանտ
2001 թվական - ավագ լեյտենանտ
2003 թվական - կապիտան
2006 թվական - մայոր
2011 թվական - փոխգնդապետ
2018 թվական - գնդապետ

Պարգևներ[խմբագրել | խմբագրել կոդը]

«Գարեգին Նժդեհ» մեդալ
«Ոստիկանության զորքերում գերազանց ծառայության համար» 2-րդ աստիճանի կրծքանշան
«Երկարամյա ծառայության համար 3-րդ աստիճան» մեդալ
«Օրենքի պատվար» մեդալ
«Ոստիկանությունում երկարամյա ծառայության համար 2-րդ աստիճան» մեդալ
«Ոստիկանությունում գերազանց ծառայության համար» կրծքանշան
«Արամ Մանուկյան» մեդալ
«Ոստիկանությունում երկարամյա ծառայության համար 1-ին աստիճան» մեդալ
«Ոստիկանության 100-ամյակ» հոբելյանական մեդալ
Հայաստանի Հանրապետության ոստիկանության «Սխրագործության համար» մեդալ, հետմահու
Հայաստանի Հանրապետության պետական պարգև «Մարտական խաչ» 1-ին աստիճանի շքանշան, հետմահու
Արցախի Հանրապետության պետական պարգև «Արիություն համար» մեդալ, հետմահու
<<Ոստիկանության զորքեր 30-ամյակ>> հոբելյանական մեդալ

Հիշատակ[խմբագրել | խմբագրել կոդը]

2021 թվականի մայիսի 14-ին՝ Արտյոմ Միրզոյանի ծննդյան օրը, գրողների միության դահլիճում տեղի է ունեցել հուշ-ցերեկույթ, որի ընթացքում գնդապետ Արտյոմ Միրզոյանը Հայաստանի նախագահի հրամանագրով հետմահու պարգևատրվել է «Մարտական խաչ» 1-ին աստիճան շքանշանով^[1]։

2021 թվականի մայիսի 29-ին Արտյոմ Միրզոյանի բակում կայացել է նրա հիշատակին նվիրված խաչքարի օրհնության արարողությունը։

2021 թվականի հունիսի 8 -ին Հայաստանի ոստիկանության զորքերում պարգևատրման արարողության ժամանակ Արտյոմ Միրզոյանը հետմահու պարգևատրվել է Արցախի պետական պարգևով՝ «Արիության համար» մեդալով։

Ծանոթագրություններ[խմբագրել | խմբագրել կոդը]

↑ ^1,0 ^1,1 «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am։ Վերցված է 2021-07-16
↑ One Studio։ «ԱՆՄԱՀՈՒԹՅԱՆ ՃԱՆԱՊԱՐՀ․ ԱՐՏՅՈՄ ՄԻՐԶՈՅԱՆ - ՆՈՐՈՒԹՅՈՒՆՆԵՐ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Վերցված է 2021-07-16
↑ One Studio։ «Հանուն հայրենիքի ընկած ոստիկանության ծառայողները - ՆՈՐՈՒԹՅՈՒՆՆԵՐ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Վերցված է 2021-07-16
↑ «Արցախում զոհվել է ոստիկանության զորքերի գնդապետ Արտյոմ Միրզոյանը»։ factor.am
↑ «Արցախում հերոսաբար զոհվել է գնդապետ Արտյոմ Միրզոյանը»։ Live News (en-US)։ 2020-11-07։ Վերցված է 2021-07-16

Արտաքին հղումներ[խմբագրել | խմբագրել կոդը]

Միջոցառումներ

[:0-1] 1,0 ^1,1 «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am։ Վերցված է 2021-07-16

[2] One Studio։ «ԱՆՄԱՀՈՒԹՅԱՆ ՃԱՆԱՊԱՐՀ․ ԱՐՏՅՈՄ ՄԻՐԶՈՅԱՆ - ՆՈՐՈՒԹՅՈՒՆՆԵՐ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Վերցված է 2021-07-16

[3] One Studio։ «Հանուն հայրենիքի ընկած ոստիկանության ծառայողները - ՆՈՐՈՒԹՅՈՒՆՆԵՐ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ»։ www.police.am (ռուսերեն)։ Վերցված է 2021-07-16

[4] «Արցախում զոհվել է ոստիկանության զորքերի գնդապետ Արտյոմ Միրզոյանը»։ factor.am

[5] «Արցախում հերոսաբար զոհվել է գնդապետ Արտյոմ Միրզոյանը»։ Live News (en-US)։ 2020-11-07։ Վերցված է 2021-07-16

[1]

[2]

[3]

[4]

[5]