Արտյոմ Մարկոսյան

Վիքիպեդիայից՝ ազատ հանրագիտարանից
Jump to navigation Jump to search
Արտյոմ Մարկոսյան
Ծնվել էհունիսի 21, 1975(1975-06-21) (44 տարեկան)
ԾննդավայրԵրևան, Հայկական ԽՍՀ, ԽՍՀՄ
ԿրթությունԵրևանի պետական համալսարան
ՔաղաքացիությունFlag of Armenia.svg Հայաստան
Մասնագիտությունհաղորդավար, դերասան, պրոդյուսեր, սցենարիստ և ռեժիսոր

Արտյոմ Արմենի Մարկոսյան (հունիսի 21, 1975(1975-06-21), Երևան, Հայկական ԽՍՀ, ԽՍՀՄ), հայ դերասան, սցենարիստ, հաղորդավար, ռեժիսոր, պռոդյուսեր։

Կենսագրություն[խմբագրել | խմբագրել կոդը]

Արտյոմ Մարկոսյանը ծնվել է 1975 թվականի հունիսի 21-ին, Երևանում։ 1997 թվականին ավարտել է Երևանի պետական համալսարանի միջազգային հարաբերությունների ֆակուլտետը։ 1992-1994 թվականներին եղել է ՈւՀԱ (КВН) թիմի անդամ և առաջատար մասնակիցներից մեկը։ 1997֊1999 թվականներին ծառայել է ՀՀ զինված ուժերում։ 1999-2001 թվականներին աշխատել է Հայաստանի ազգային հեռուստաընկերությունում, որտեղ հեղինակել և վարել է «Զսպանակ» հաղորդումը: 2001-2011 թվականներին աշխատել է «Արմենիա» հեռուստաընկերությունում: Որպես հաղորդավար, դերասան, սցենարիստ հանդես է եկել մի շարք նախագծերում, հաղորդումներում` «Բեռնարդ շոու», «Կախարդական գիշերներ», «Բարև, ես եմ», «Ֆուրորե» և այլն: 2011-2014 թվականներին աշխատել է Հայկական երկրորդ հեռուստաալիքում, որտեղ հեղինակել և վարել է «Երևանի գիշերներում», «Բարի լույս, Հայաստան», «Երկու տարբերակ», «Լավագույններից լավագույնը» նախագծերը: «Русское радио»-ում հեղինակել և վարել է՝ «Է՞ս էիք ուզում» հաղորդումը, որն արժանացել է լավագուն հումորային հաղորդում մրցանակին։ Եղել է մի շարք պետական և մասնավոր միջոցառումների պրոդյուսերն ու բեմադրող ռեժիսորը: 2011 թվականին Լոս Անջելեսում և 2012 թվականին Մոսկվայում արժանացել է «Արմենիան Քոմեդի» մրցանակաբաշխության մրցանակների` որպես «Լավագույն բազմաժանր դերասան» և «Լավագույն հումորային հաղորդում»:

Թատերագրություն[խմբագրել | խմբագրել կոդը]

«Մեկը վերևից» մոնոներկայացման հեղինակ (2017)։

Ֆիլմագրություն[խմբագրել | խմբագրել կոդը]

Որպես համահեղինակ, դերասան և սցենարիստ մասնակցել է «Վերջին կանգառ» (2000) և «7.5» (2008) հումորային ներկայացումներին: Նկարահանվել է «Չգրված օրենք» (2002), «Նոր տարվա կինո» (2009) և «Վերջին մոհիկյանը» (2015) ֆիլմերում:

Արտաքին հղումներ[խմբագրել | խմբագրել կոդը]