Արտակ Վարդանյան (գրող)

Վիքիպեդիայից՝ ազատ հանրագիտարանից
(Վերահղված է Արտակ Վարդանյանից)
Jump to navigation Jump to search
HS Disambig.svg Անվան այլ կիրառումների համար տե՛ս՝ Արտակ Վարդանյան (այլ կիրառումներ)
Արտակ Վարդանյան
Artak Vardanyan-1.jpg
Ծնվել էմայիսի 4, 1951(1951-05-04) (68 տարեկան)
ԾննդավայրԱզնաբերդ, Քենգերլիի շրջան, Նախիջևանի Ինքնավար Հանրապետություն, ԱԽՍՀ, ԽՍՀՄ
Մասնագիտությունբանաստեղծ, թարգմանիչ և արձակագիր
Լեզուհայերեն
Ազգությունհայ
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
ԿրթությունՀայաստանի ազգային պոլիտեխնիկական համալսարան
Գիտական աստիճանբանասիրական գիտությունների թեկնածու
ԱնդամակցությունՀայաստանի գրողների միություն
ՊարգևներՄովսես Խորենացու մեդալ
Կայքարտակվարդանյան.հայ
Artak Vardanyan (poet) Վիքիպահեստում

Արտակ Վարդանի Վարդանյան (4 մայիսի, 1951, Ազնաբերդ), հայ արձակագիր, հրապարակագիր, բանաստեղծ, թարգմանիչ, բանասիրական գիտությունների թեկնածու, Հայաստանի գրողների միության անդամ 2009 թվականից[1]։

Կենսագրություն[խմբագրել | խմբագրել կոդը]

Արտակ Վարդանյանը ծնվել է 1951 թ. մայիսի 4-ին Նախիջևանի Ազնաբերդ գյուղում։ Ավարտել է Երևանի պոլիտեխնիկական ինստիտուտի տեխնիկական կիբեռնետիկայի ‎ֆակուլտետը և նույն ինստիտուտի ՀՄՖ լրագրության բաժինը (գերազանցությամբ)։ 1973-1994 թթ. աշխատել է Երևանի մաթեմատիկական մեքենաների գիտահետազոտական ինստիտուտում, միաժամանակ զբաղվել բարբառագիտությամբ, բանահավաքությամբ, ազգագրությամբ, լրագրությամբ։ Թղթակցել է Հայաստանի և սփյուռքի պարբերականներին, աշխատակցել «Հայրենիքի ձայն» շաբաթաթերթին, Հայաստանի հանրային ռադիոյին։ Հայաստանի ԳԱԱ Հ. Աճառյանի անվան լեզվի ինստիտուտում ուսումնասիրել է Հյուսիսային Նախիջևանի և Վայոց ձորի խոսվածքները (Ճահուկ-Վայքի կամ Վայոց ձորի միջբարբառ), ինչպես նաև պատմական Գողթնի հյուսիսային խոսվածքները (Հյուսիսային Գողթնի միջբարբառ): Կազմել է Նախիջևանի բարբառային քարտեզը: 1996-1998 թթ. եղել է «Նախիջևան» հայրենակցական միության նախագահը:

Հեղինակ է 14 գրքի, ինչպես նաև գիտական, գիտահանրամատչելի, հրապարակախոսական հոդվածների, էսսեների, պատմվածքների և բանաստեղծությունների։Զբաղվում է թարգմանությամբ (ռուսերենից, պարսկերենից)։ Թարգմանություններից են՝ Պաուլո Կոելիոյի Ալքիմիկոսը վիպակը (2002), Աքրամ Այլիսլիի «Քարե երազներ» վեպ-ռեքվիեմը (2013), «Մեծերի մեծ կրքերը» վավերագրական էսսեների ժողովածուն (2005)։ Նրա ստեղծագործությունները թարգմանվել և տպագրվել են ռուսերեն, պարսկերեն, գերմաներեն, ֆրանսերեն։ 1994-2018 թթ. աշխատել է ՀՀ Նախագահի աշխատակազմում (1999-2018 թթ.՝ որպես արձանագրային բաժնի վարիչ)։ 2018 թվականից աշխատում է ՀՀ ԳԱԱ Հ. Աճառյանի անվան լեզվի ինստիտուտում՝ որպես ավագ գիտաշխատող:

Հայաստանի Հանրապետության քաղաքացիական ծառայության երկրորդ դասի պետական խորհրդական է[2]։

Պարգևներ[խմբագրել | խմբագրել կոդը]

Երկեր[խմբագրել | խմբագրել կոդը]

  • Ալ խնձորիկ. մանկական ժողովրդական խաղիկներ (Երևան, Արևիկ, 1993)
  • Իմ կարոտները. բանաստեղծություններ (Երևան, Զանգակ, 2000)
  • Ազնաբերդ. Նախիջևանի վերջին ամրոցը. պատմաբանասիրական ուսումնասիրություն (Երևան, Նախիջևան, 2000)
  • Նժդեհյան մասունքներ. հուշապատում (Երևան, Զանգակ, 2001)
  • Վայոց ձորի միջբարբառը. գիտական մենագրություն (Երևան, Տիգրան Մեծ, 2004)
  • Կաքավիկ. մանկական ժողովրդական երգարան (Երևան, Գրաբեր, 2004)
  • Արմատներ. հոդվածներ, էսսեներ, պատմվածքներ (Երևան, Գասպրինտ, 2006)
  • Թաթոս պապի զրույցները. ժողովրդական զրույցներ (Երևան, Գրաբեր, 2008)
  • Երկիրն իմ աչքերով. ուղեգրություն (Թեհրան, Ալիք, 2008)
  • Վիշապասարի կանչը. հոդվածներ, էսսեներ, պատմվածքներ (ռուսերեն, Երևան, Տիգրան Մեծ, 2010)[4]
  • Իմ պարսկերենը. ինքնակենսագրական վիպակ (Թեհրան, Նաիրի, 2010)
  • Վիշապասար. բանաստեղծություններ, ավանդազրույցներ (Երևան, հեղին. հրատ., 2012)
  • Զամբիլֆրոշ. քրդական սիրավեպ, պոեմ (Երևան, Էդիթ Պրինտ, 2014)
  • Հմայիլը. պատմվածքներ (Երևան, Էդիթ Պրինտ, 2015)[5]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]