Արվեստների և գիտության քաղաք

Վիքիպեդիայից՝ ազատ հանրագիտարանից
Jump to navigation Jump to search
L'Hemisfèric
L'Umbracle
El Museu de les Ciències Príncipe Felipe
El Palau de les Arts Reina Sofía
La ciudad de las Ciencias y las Artes

Արվեստների և գիտության քաղաք (վալենս. Ciutat de les Arts i les Ciències, իսպ.՝ Ciudad de las Artes y las Ciencias), Իսպանիայի Վալենսիա քաղաքում Թուրիա գետի չորացած հունի վրա հինգ կառույցից կազմված ճարտարապետական համալիր: Դիզայնը վալենսիացի ճարտարապետ Սանտյագո Կալատրավեինն է, շինարարությունն սկսվել է 1996 թվականին: Համալիրը հանդիսանում է ժամանակակից ճարտարապետության ակնառու օրինակներից մեկը:

«Քաղաքը» կազմված է հինգ շենքից, որոնց սովորաբար անվանում են իրենց վալենսերեն (կատալոներեն) անուններով.

  • El Palau de les Arts Reina Sofía - օպերային թատրոն և բեմ այլ թատերական բեմադրությունների համար
  • L'Hemisfèric - IMAX կինոթատրոն, պլանետարիում, լազերային բեմադրությունների թատրոն
  • L'Umbracle - պատկերասրահ/այգի
  • El Museu de les Ciències Príncipe Felipe - գիտական թանգարան
  • L'Oceanogràfic - օվկիանոսագիտական պարկ բաց երկնքի տակ

Համալիրը շրջապատված է զբոսայգիներով, առվակներով և ավազաններով, այս տարածքը քաղաքի բնակիչների և հյուրերի հանգստի հանրահայտ վայր է, այստեղ աշխատում են բարեր և սրճարաններ:

Պատմություն[խմբագրել | խմբագրել կոդը]

Նախագծի աղբյուրները

1989 թվականին Վալենսիայի նախագահ Ժուան Լերման ընդունում է Վալենսիայի համալսարանի պատմական գիտությունների պրոֆեսոր Մարիա Լոպես Պայերոյի առաջարկը՝ Թուրիա գետի հին հունի զբոսայգում կառուցել գիտական թանգարան: Թանգարանի նախագիծը մշակում է նման տարածքներում նմանօրինակ բնութագիչներով Մյունխենում, Լոնդոնում և Կանադայում նախագծեր և կառուցում իրականացրած մի թիմ:

«Գիտության քաղաք» անունը նախագծին տվել է ինքնավար կառավարությունը: Նախագիծը ներառում էր 370 մետրանոց կապի աշտարակ, որը պիտի լիներ աշխարհում երրորդ տեղում, պլանետարիում և գիտության թանգարան: Աշխատանքների ընդհանուր արժեքը գնահատվում էր մոտավորապես 25 մլրդ պեսետ կամ մոտ 150 մլն եվրո:

Շինարարություն

1991 թվականի մայիսին խորհուրդը հաստատում է հողերի հանձնումը: Չորս ամիս անց ներկայացվում է Սանտյագո Կալատրավայի մշակած նախագիծը: Շինարարությունը սկսվում է 1994 թվականի վերջին:

Բացում

1998 թվականի ապրիլին համալիրի L'Hemisfèric շենքն իր դռները բացում է հանրության առջև: Տասնմեկ ամիս անց բացվում է նաև El Museu de les Ciències Príncipe Felipe: 2002 թվականի դեկտեմբերի 12-ին տեղի ունեցավ L'Oceanographic-ի (Եվրոպայի ամենամեծ ակվարիում) բացումը: 2005 թվականի հոկտեմբերի 8-ին բացվում է Palau de les Arts Reina Sofía և դառնում Վալենսիայի օպերային թատրոնը:

Գիտության և տեխնիկայի թանգարանը

Արտաքին հղումներ[խմբագրել | խմբագրել կոդը]