Արա Հակոբյան (նկարիչ)

Անվան այլ կիրառումների համար տե՛ս՝ Արա Հակոբյան (այլ կիրառումներ)

Վիքիպեդիայում կան հոդվածներ Հակոբյան ազգանունով այլ մարդկանց մասին։

Արա Հակոբյան
Ծնվել է	ապրիլի 2, 1973(1973-04-02) (51 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Հայաստանի գեղարվեստի պետական ակադեմիա (1997)
Մասնագիտություն	գեղանկարիչ, արվեստաբան
Անդամակցություն	Հայաստանի նկարիչների միություն
Հայր	Հրավարդ Հակոբյան
Արա Հակոբյան Վիքիդարանում
Ara Hakobyan Վիքիպահեստում

Արա Հրավարդի Հակոբյան (ապրիլի 2, 1973(1973-04-02), Երևան, Հայկական ԽՍՀ, ԽՍՀՄ), հայ գեղանկարիչ, արվեստաբան, արվեստագիտության դոկտոր (2017), պրոֆեսոր (2018)։ Հայաստանի նկարիչների միության անդամ (1999)։

Կենսագրություն

Արա Հակոբյանը ծնվել է 1973 թվականի ապրիլի 2-ին Երևան քաղաքում՝ ՀՀ գիտության վաստակավոր գործիչ, արվեստագիտության դոկտոր, պրոֆեսոր Հրավարդ Հակոբյանի ընտանիքում։ 1990-1997 թվականներին սովորել և ավարտել է Երևանի գեղարվեստի պետական ակադեմիայի գեղանկարի բաժինը։ 2001 թվականին կատարելագործվել է Վենետիկի գեղարվեստի ակադեմիայում։

2002 թվականից աշխատում է Խաչատուր Աբովյանի անվան հայկական պետական մանկավարժական համալսարանում։ 2008–2017 թվականներին ղեկավարել է արվեստի պատմության, տեսության և մշակութաբանության ամբիոնը։ 2017 թվականից Խաչատուր Աբովյանի անվան հայկական պետական մանկավարժական համալսարանի գեղարվեստական կրթության ֆակուլտետի դեկանն է։

Աշխատություններ

Հեղինակ է մի շարք արվեստագիտական և մեթոդական աշխատությունների։

• Ծովանկարիչ Վարդան Մախոխյան (մենագրություն), «Զանգակ-97» հրատարակչություն, Երևան, 2004։
• Գույնի ու երևակայության գործոնները նկարչության ուսուցման դասընթացում, «Զանգակ-97» հրատարակչություն, Երևան, 2006։
• Վարդան Մախոխյան (պատկերագիրք), «Զանգակ-97» հրատարակչություն, Երևան, 2006։
• Արսեն Շաբանյան (պատկերագիրք), «Տիգրան Մեծ» հրատարակչություն, Երևան, 2009։
• Բաղեշի Ամիրդոլու համալսարանը և կերպարվեստը այդ կրթարանում. XVII դար, «Զանգակ-97» հրատարակչություն, Երևան, 2012։
• Նկարչությունը հայկական դպրոցում. XVII–XIX դարեր, «Զանգակ-97» հրատարակչություն, Երևան, 2015։
• Հայազգի ծովանկարիչները, «Տիգրան Մեծ» հրատարակչություն, Երևան, 2017։

Ցուցահանդեսներ

Մասնակցել է բազմաթիվ միջազգային ցուցահանդեսների։ 2002 թվականին Հայաստանի նկարիչների միության 70- ամյակին նվիրված ցուցահանդեսին ստացել է մրցանակ։

Անհատական ցուցահանդեսներ

• Վենետիկ (2001)
• Երևան, Հովհաննես Թումանյանի թանգարան, 2011
• Երևան, Հայաստանում Ամերիկյան դեսպանատուն, 2013
• Երևան, Հայաստանի նկարիչների միություն, 2014
• Երևան, Հայ և ռուս ժողովուրդների բարեկամության թանգարան, 2014

Ստեղծագործություններ

• «Հորս դիմանկարը» (1998)
• «Մայրս» (2002)
• «Դեպի գյուղ» (2003)
• «Ծաղկավաճառուհիները» (2011)
• «Հաց են թխում» (2014)
• «Պատարագ» (2015)
• «Լողափին» (2017)

Պատկերասրահ

• 
  Հրավարդ Հակոբյանի դիմանկարը
• 
  «Դեպի տուն»
• 
  «Ուրախ օր»
• 
  «Ամստերդամ»
• 
  «Վենետիկ»

Ծանոթագրություններ

Վիքիդարանն ունի նյութեր, որոնք վերաբերում են «Արա Հակոբյան (նկարիչ)» հոդվածին։

Վիքիպահեստն ունի նյութեր, որոնք վերաբերում են «Արա Հակոբյան (նկարիչ)» հոդվածին։