Արամ Կարամանուկյան

Վիքիպեդիայից՝ ազատ հանրագիտարանից
Jump to navigation Jump to search
Արամ Կարամանուկյան
Aram karamanoukian.jpg
Ծնվել էմայիսի 1, 1910(1910-05-01)
ԾննդավայրԱյնթապ, Թուրքիա
Մահացել էդեկտեմբերի 23, 1996(1996-12-23) (86 տարեկանում)
Մահվան վայրFort Lee, Բերգեն շրջան, Նյու Ջերսի, ԱՄՆ
ՔաղաքացիությունFlag of France.svg Ֆրանսիա
Ազգությունհայ
ԿրթությունՀատուկ Ռազմական Դպրոց Սեն Սիր
Մասնագիտությունքաղաքական գործիչ
Զբաղեցրած պաշտոններՍիրիայի Ժողովրդական խորհրդի անդամ
Պարգևներ և
մրցանակներ
Պատվավոր լեգիոնի շքանշանի սպա և Պատվո լեգեոնի շքանշանի մեծ սրահ

Արամ Հակոբի Կարամանուկյան (արևմտահայերեն՝ Արամ Գարամանուկեան, մայիսի 1, 1910դեկտեմբերի 23, 1996), սիրիական բանակի հայազգի գեներալ-լեյտենատ, իրավաբան։ Մեծ եղեռնից հետո ընտանիքով հաստատվել է Հալեպում։ 1934 թվականին ավարտել է ֆրանսիական բանակի սիրիական գնդերի համար սպաներ պատրաստող Դամասկոսի զինվորական դպրոցի հրետանային բաժինը։ 1938 թվականին մասնագիտության մեջ հմտանալու նպատակով ուղարկվել է Ֆրանսիա, 1945 թվականին ընդունվել է Փարիզի ֆրանսիական բանակի բարձրագույն ռազմական հաստատությունը։ 1946 թվականին Սիրիայի անկախության ձեռքբերումից հետո մասնակցել է սիրիական ազգային բանակի կազմավորմանը։ 1948 թվականին Իսրայելի դեմ պատերազմում եղել է հրետանային գնդի հրամանատար, 1949–1957 թվականներին՝ սիրիական բանակի հրետանու ընդհանուր հրամանատարը։ 1957 թվական նշանակվել է Սիրիայի ռազմական կցորդ ԱՄՆ-ում։ 1964 թվականից հետևել է իրավունքի դասընթացների Բեյրութի ֆրանսիական, ապա Փարիզի համալսարաններում, 1972 թվականին ստացել է իրավունքի դոկտորի գիտական աստիճան։ 1978 թվականին ֆրանսերեն լեզվով լույս տեսած «Օտարականները և զինվորական ծառայությունը» գրքի գլուխներից մեկը նվիրել է Հայկական լեգեոնի պատմությանը՝ օգտագործելով նորահայտ փաստաթղթեր և նյութեր[1]:

Երկեր[խմբագրել | խմբագրել կոդը]

  • Հայկական լեգեոնը պատմական իրասական ու քաղաքական հարցերու յոյսին տակ եւ վաւերագրեր, Բեյրույթ, 1974:

Ծանոթագրություններ[խմբագրել | խմբագրել կոդը]

  1. Les Elrangers el Service miiiaire, P., 1978.
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png