Ավրորա Մարտիկանյան

Վիքիպեդիայից՝ ազատ հանրագիտարանից
Ավրորա Մարտիկանյան
արմտ. հայ.՝ Արշալոյս Մարտիկանեան
Դիմանկար
Ծնվել էհունվարի 12, 1901(1901-01-12)
ԾննդավայրՉմշկածագ, Թունջելիի մարզ, Թուրքիա
Մահացել էփետրվարի 6, 1994(1994-02-06) (93 տարեկան)
Մահվան վայրԼոս Անջելես, Կալիֆոռնիա, ԱՄՆ[1]
ՔաղաքացիությունFlag of the United States.svg ԱՄՆ
Մասնագիտությունդերասանուհի և գրող
Commons-logo.svg Aurora Mardiganian Վիքիպահեստում

Ավրորա (Արշալույս) Մարտիկանյան (անգլ.՝ Aurora (Arshaluys) Mardiganian, հունվարի 12, 1901(1901-01-12), Չմշկածագ, Թունջելիի մարզ, Թուրքիա - փետրվարի 6, 1994(1994-02-06), Լոս Անջելես, Կալիֆոռնիա, ԱՄՆ[1]), Հայոց ցեղասպանության վերապրած-ականատես, «Հոշոտված Հայաստան. Ավրորա Մարտիկանյանի պատմությունը» (անգլ.՝ Ravished Armenia. The Story of Aurora Mardiganian, the Christian Girl, Who Survived the Great Massacres (1918)) գրքի հեղինակ։ Նկարահանվել է գրքի հիման վրա նկարահանված «Հոգիների աճուրդ» կինոնկարում։

Կենսագրություն[խմբագրել | խմբագրել կոդը]

Արշալույսը ծնվել է Չմշկածագի Վարի թաղամասում բնակվող վաճառականի ընտանիքում։ Նա Մարտիկանյանների բազմանդամ ընտանիքի երրորդ զավակն էր։ Արշալույսի հայրը զբաղվում էր գյուղատնտեսությամբ, ուներ տանը կից ու քաղաքից դուրս գտնվող մեծ բերքատու այգիներ ու ցորենի արտ։ Նա զբաղվում էր նաև մետաքսագործությամբ՝ գունավոր մետաքս Ամերիկա արտահանելու նպատակով։

Ավրորա (Արշալույս) Մարտիկանյանի պատկերը «Հոշատված Հայաստան» գրքի շապիկի վրա

Արշալույսն ուներ չորս եղբայր և երեք քույր։ Երեխաներից ավագը Վահանն էր, ով դեռևս 1905 թ. տեղափոխվել էր ԱՄՆ՝ Լորենս։ Ավագ քույրը 17 տարեկան նշանված Լուսինեն էր։ Արշալույսը 14 տարեկան էր և հաճախում էր Չմշկածագի Մեսրոպյան վարժարանը։ Դպրոցն ավարտելուց հետո Արշալույսը պատրաստվում էր հաճախել նաև ջութակի դասերի։

Պահպանվել են Մարտիկանյանների ընտանիքի երկու հազվագյուտ լուսանկարներ, որոնք ներկայացնում են բազմանդամ ընտանիքի անդամներին, այդ թվում մանկահասակ Արշալույսին։ Հրաշքով պահպանված լուսանկարները, ուղարկվել էին ԱՄՆ-ում բնակվող բարեկամներին մինչև ցեղասպանությունը։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]