Ավստրալիայի աբորիգեններ

Վիքիպեդիայից՝ ազատ հանրագիտարանից
Ավստրալիայի աբորիգեններ
Ընդհանուր քանակ

մոտ 550 000

Բնակեցում
{{{2}}} Ավստրալիա (Ավստրալիայի բնակչության 2,7%-ը)[1]
Լեզու(ներ)
Հավատք(ներ)
տեղական հավատալիքներ, քրիստոնեություն
Աբորիգենների ձեռագործ իրերը
Բումերանգ և աբորիգենների այլ զենքեր

Ավստրալիայի աբորիգեններ (բնիկ ավստրալացիներ), Ավստրալիայի բնիկ ժողովուրդը։ Բնիկների մեծամասնությունը խոսում է ավստրալիական լեզուներով, իսկ մյուս մասը՝ անգլերեն կամ պիջինի տարբերակներով: Հիմնականում բնակվում են Ավստրալիայի հյուսիսային, արևմտյան և կենտրոնական մասերում։ Աբորիգենների թիվը հասնում է մոտ 550 000-ի։ Մոտ 30 000 աբորիգեններ ապրում են Տորեսի նեղուցի մոտ։

18-րդ դարի վերջում նրանք տարաբնակված էին ամբողջ մայրցամաքում և կազմված էին ավելի քան 500 ցեղերից (մոտ 250-300 հազար): Զբաղվում էին որսորդությամբ և հավաքչությամբ: Ապրում էին տոհմա-համայնքային կյանքով։

1788 թվականին սկսված եվրոպական գաղութացումն ուղեկցվեց բնիկների զանգվածային բնաջնջմամբ։ 2001 թվականին հաշվվում էր 437 հազար աբորիգեն և նույնքան էլ խառնածին, այդ թվում նաև Տորեսի նեղուցի բնիկները։ Պատկանում են ավստրալիական ճյուղի ավստրալոիդ ռասային: Աբորիգենների մոտ դեռևս պահպանվել են ավանդական հավատալիքները։

Ներկայումս բնակվում են խոշոր քաղաքներից հեռու:

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png