Աստանա Արենա

Վիքիպեդիայից՝ ազատ հանրագիտարանից
Jump to navigation Jump to search
Stadium.svg
Աստանա Արենա
Astana Arena 2014-03-15.JPG
Տեսակֆուտբոլային մարզադաշտ
Մարզաձևֆուտբոլ
ՏեղագրությունՂազախստան Աստանա
ԵրկիրՂազախստան
Հիմնադրված2009
Բացված3 июля 2009 թվականի հուլիսի 3
Կառուցման գին$185 մլն
ՃարտարապետPopulous
ՃարտարագետBuro Happold
ՍեփականատերՆուր-Սուլթան
Տարողություն30 000
Տնային թիմԱստանա (ֆուտբոլային ակումբ)
Բայթերեկ (ֆուտբոլային ակումբ)
Ղազախստանի հավաքական
Դաշտի չափսեր105×68 մ
Կայքastanaarena.kz
Astana Arena Վիքիպահեստում

«Աստանա Արենա», մարզադաշտ Ղազախստանի մայրաքաղաք Աստանայում, տեղավորում է մինչև 30 000 հանդիսատես։

Սկզբում, ինչպես և դրա բացման օրը մարզադաշտը անվանվել է Խաջիմուկան ի պատիվ հայտնի ըմբիշի[1]։ Ավելի ուշ մարզադաշտը ստացավ ներկայիս «Աստանա Արենա» անվանումը։

Աստանա Արենա, 2014 թ․

Մարզադաշտը առաջին հերթին նախատեսված է ֆուտբոլի համար, բայց հեշտությամբ կարող է հարմարեցվել այլ սպորտաձևերի, այդ թվում երկրում սիրված՝ ըմբշամարտի, ձյուդոյի և բոքսի համար։ 30 000 տեղանոց մարզադաշտը մտածված է, որպես մեծ ճնշման երկաստիճան կառույց, ստորին մասում կա 15 000 տեղ, որը շրջապատում է խաղադաշտը, վերին մասում կա ևս 15 000 տեղ, որն էլ իր հերթին կախված է արևմտյան և արևելյան կողմերի վրա։

Մարզադաշտի շարժական տանիքը ամբողջությամբ բացվում և փակվում է 20 րոպեում։ Մարզադաշտն ունի արհեստական դաշտ, որը հարմարեցված է միջազգային կարգի խաղեր և համերգներ անցկացնելու համար։

Մարզադաշտի պատմություն[խմբագրել | խմբագրել կոդը]

Մարզադաշտը բացվել է 2009 թվականի հուլիսի 3-ին։ Մարզադաշտի պատմության մեջ առաջին անգամ այդ օրը հանդիպեցին «Աստանա» և Ղազախստանի երիտասարդական հավաքականը։ Խաղը դատել է մրցավար Պիեռլուիջի Կոլինան, սիմվոլիկ կերպով մրցավարի սուլիչից հետո գնդակին առաջին հարվածը կատարեց Ղազախստանի նախագահ Նուրսուլթան Նազարբաևը։ Ամեն թիմի կազմում բացի հիմնական կազմի ֆուտբոլիստներից խաղադաշտում էին նաև երկուական հրավիրված «աստղեր», երիտասարդական հավաքականի կազմում էին՝ Վրաստանի հավաքականի և իտալական «Միլանի» պաշտպան Կախաբեր Կալաձեն և Ուկրաինայի հավաքականի հարձակվող Անդրեյ Շևչենկոն, իսկ «Աստանայի» կազմում էին հայտնի թուրք ֆուտբոլիստներ Հասան Շաշը և Հական Շուկյուրը։

2009 թվականի հոկետմբերի 14-ին խաղադաշտում առաջին անգամ կայացավ երկու ազգային հավաքականների պաշտոնական հանդիպում 2010 թվականի ֆուտբոլի աշխարհի առաջնության խմբային փուլի շրջանակներում, Ղազախստանի հավաքականը հանդիպեց Խորվաթիայի հավաքականի հետ։ Խաղը ավարտվեց հօգուտ հյուրերի 2:1 հաշվով, որոշիչ գնդակը խփվեց խաղի ավարտին, ավելացվածի ժամանակում։

Խաղադաշտում անց է կացվել Ասիական ձմեռային խաղեր 2011-ի բացման արարողությունը[2][3]։

Նկարագրություն[խմբագրել | խմբագրել կոդը]

  • Չորս տրիբունա՝ Հյուսիսային, Հարավային, Արևելյան, Արևմտյան։
  • Տարողություն՝ 30 000 հանդիսատես։
  • Դաշտի չափսեր՝ 105 х 68:
  • Ծածկույթ՝ արհեստական։
  • Նստատեղեր՝ պլասմասե։
  • VIP՝ օթյակներ։
  • Մամուլի օթյակ
  • Ընդարձակ հանդերձարաններ՝ 4:
  • Մրցավարական սենյակ։
  • Տեսուչի սենյակ։
  • 120 հոգու համար նախատեսված մամլո ասուլիսի սրահ։
  • 4 սենյակ ԶԼՄ-ների համար նախատեսված 100 մարդու համար։
  • Տնօրենների սենյակ։
  • 2 ժամանակակից տեսախցիկ։
  • ՈւԵՖԱ-ի պահանջներին համապատասխան լուսավորություն։
  • Մարզումների սրահ։

Ծանոթագրություններ[խմբագրել | խմբագրել կոդը]

  1. «В Астане открыт стадион «Кажымукан»»։ sports.kz։ 2009-07-07։ Արխիվացված օրիգինալից 2013-04-05-ին 
  2. «Открытие Азиады состоялось 30 января 2011 на крытом стадионе Астаны»։ Արխիվացված է օրիգինալից 2010-11-24-ին։ Վերցված է 2017-04-26 
  3. astana-almaty2011.kz(չաշխատող հղում)

Արտաքին հղումներ[խմբագրել | խմբագրել կոդը]