Ասյա Վարոսյան
Ասյա Վարոսյան | |
---|---|
Հիմնական տվյալներ | |
Ծնվել է | փետրվարի 3, 1926[1] Լենինական, Հայկական ԽՍՀ, ԱԽՖՍՀ, ԽՍՀՄ |
Մահացել է | սեպտեմբերի 14, 2019[1] (93 տարեկան) |
Մասնագիտություն | տավղահար |
Աշխատավայր | Սանկտ Պետերբուրգի կոնսերվատորիա |
Կրթություն | Սանկտ Պետերբուրգի կոնսերվատորիա |
Ասյա Աղասու Վարոսյան (փետրվարի 3, 1926[1], Լենինական, Հայկական ԽՍՀ, ԱԽՖՍՀ, ԽՍՀՄ - սեպտեմբերի 14, 2019[1]), հայ տավղահարուհի, ՌԽՖՍՀ վաստակավոր արտիստ (1977), պրոֆեսոր (1985 թվականից)։
Կենսագրություն[խմբագրել | խմբագրել կոդը]
Ասյա Վարոսյանը ծնվել է 1936 թվականի փետրվարի 3-ին Լենինականում (ներկայում՝ Գյումրի)։ 1940 թվականին տեղափոխվել է Լենինգրադ (ներկայում՝ Սանկտ Պետերբուրգ)։ Սովորել է Լենինգրադի կոնսերվատորիային կից հատուկ երաժշտական դպրոցում։ 1948 թվականին ավարտել է կոնսերվատորիան, 1951 թվականին՝ ասպիրանտուրան (ղեկ.՝ Ե. Ա. Սինիցինա)։
1945-1948 և 1987-1999 թվականներին դասավանդել է Լենինգրադի կոնսերվատորիային կից երաժշտական դպրոցում, 1949-2007 թվականներին՝ կոնսերվատորիայում (տավղահարների կամերային անսամբլի, 1972 թվականից՝ նաև տավղահարների մասնագիտական դասարանների ղեկավար)։ Սաներից շատերը միջազգային մրցույթների դափնեկիրներ են, երաժշտական անվանի խմբերի առաջատար կատարողներ, ճանաչված մանկավարժներ։
1947-1986 թվականներին Ասյա Վարոսյանը՝ որպես մենակատար, հանդես է եկել Լենինգրադի օպերայի և բալետի թատրոնի սիմֆոնիկ նվագախմբում (տավիղ), նաև բազմաթիվ նվագախմբերի և առաջատար մեներգիչների հետ։ Երկացանկում ընդգրկվել են Ս. Ս. Պրոկոֆևի, Դ. Դ. Շոստակովիչի, Պ. Ի. Չայկովսկու, Ա. Կ. Գլազունովի, Ռ. Մ. Գլիերի, Ա. Խաչատրյանի և ուրիշների ստեղծագործություններից։
Հեղինակել է բազմաթիվ փոխադրություններ (տավիղի համար), նաև մեթոդական ձեռնարկներ։
1957 թվականին արժանացել է Երիտասարդ կատարողների 2-րդ փառատոնի 1-ին մրցանակի (Լենինգրադ)։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |