Առյուծը և ինը բորենիները[1], 1988 թվականին նկարահանված խորհրդային մուլտֆիլմ, որը ստեղծել է ռեժիսոր Գալինա Բարինովան[2], ըստ Վիկտոր Վաժդաևի կողմից աֆրիկյան ժողովրդական հեքիաթի վերապատմության։
Բորենիների ընտանիքը առյուծի համար տասը կով է բերում։ Գազանների թագավորը մի կով բորենիներին է տալիս, իսկ ինը թողնում է իրեն՝ ասելով, որ բոլորին հավասար է բաժանել։ Տան ճանապարհին ընտանիքը հասկանում է, որ իրենց խաբել են։ Բորենիները վախենում են վերադառնալ և այդ մասին ասել առյուծին։ Որոշելով, որ նրանցից յուրաքանչյուրը մեկ բառ կասի, կենդանիները գնում են ինը կով պահանջելու։ Դողալով` ընտանիքն արտաբերում է. «Դու հզոր ես։ Դու թագավոր ես։ Դու արդար ես։ Մեր կովերը... »: Երբ հերթը հասնում է վերջին բորենուն, «տուր» բառի փոխարեն վերջինս ասում է` «վերցրու»։ Տանը արդեն բոլորը սկսում են պարծենալ, բայց շուտով բորենիները հիշում են կովի մասին։ Քանի որ այն այլևս չկար, նրանք ստիպված են լինում իրենց համար արդարացում հորինել։
ԽՍՀՄ