Առանցքային արմատներով բազմամյա խոտաբույս է։ 30-100 սմ բարձրությամբ, վերին մասում ճյուղավորված, ուղիղ քառանիստ, մուգ կանաչ, մատնաձև բաժանվածտերևները դասավորված են հակադիր կոթունավոր ցողունների վրա։ Բազմածաղիկ հասկանման ծաղկաբույլեր առաջացնող մանր վարդագույն, հնգանդամ ծաղիկները աճում են օղակավոր տերևանութներում։ Երկշուրթ պսակը կրկնակի երկար է բաժակից։ Վերին շուրթը սաղավարտաձև է, իսկ ստորինը՝ եռաբլթակ։ Պտուղը կազմված է 4 չոր եռանիստ ընկուզիկներից[1]։
Աճում է թփուտներում, գետերի հովիտներում, անտառների և ճանապարհների եզրերին, հանդիպում է բոլոր մարզերում։ Լավ մեղրատու բույս է։ Որոշ երկրներում աճեցվում է[1]։
