Ապոլլոնի տաճարը Բասքում

Ապոլլոնի տաճարը Բասքում հուն․՝ Ναός Επικούριου Απόλλωνα
Հիմնական տվյալներ
Տեսակ	հնագիտական հուշարձան և հին հունական տաճար
Երկիր	Հունաստան
Տեղագրություն	Oichalia Municipality?
Տարածաշրջան	Պելոպոնես Արկադիայի լեռներ
Ժառանգության կարգավիճակ	Համաշխարհային ժառանգություն
Նվիրված	Ապոլլոն Էպիկուր
Ճարտարապետ	Իկտինոսը
Ճարտարագետ	Կալլիմախ (քանդակագործ)
Ճարտարապետական ոճ	Օրդեր
Կառուցման սկիզբ	Ք․ա․ 430 թվական
Կառուցման ավարտ	Պերիկլեսյան ոսկեդար
Հիմնադրված	Ֆիգալիա քաղաքի բնակչության համար
Շինանյութ	մարմարանման կրաքար

Ապոլլոնի տաճարը Բասքում, տաճար՝ կառուցված Ք.ա. 430 թվականին Պելոպոնեսում՝ Արկադիայի լեռներում, Ֆիգալիա քաղաքի բնակիչների համար։ Սրանով ավարտվում է Պերիկլեսյան ժամանակաշրջանի ճարտարապետության գերագույն ծաղկման շրջանը։ Տաճարի հեղինակն է Իկտինոսը։

Շինանյութ

Տաճարը հիմնականում կառուցված է մարմարանման կրաքարից (բացառությամբ առանձին մանրամասներից, որոնք մարմարից են)։ Դորիական պերիպտերոս է՝ խիստ ձգձգված ցելլայով, 6×15 սյուներով և 14,6 × 38,3 մ չափով։

Կառուցվածք

Ապոլլոնի տաճարը

Չնայած արտաքին ճարտարապետության զուսպ ձևերին, տաճարի ինտերիերին բնորոշ է տարածական հարուստ լուծումը։ Ցելլայի երկայնական պատերից դուրս են գալիս կիսալուսնաձև վերջավորված 5 զույգ որմնասյուներ։ Սրանք առաջացնում են չորս զույգ խորշեր։ Տաճարի առանցքի վրա՝ ետևում, տեղավորված է կորնթական օրդերի առանձին մի սյուն, որը այս օրդերի առաջին, ամենահին կիրառության նմուշն է։ Տեղում պահպանվել է միայն խարիսխը և գտնվել են խոյակի բեկորները։ Տաճարը կառուցվել է ավելի հին տաճարի տեղում։

Ապոլլոն Էպիկուրի տաճարը Բասքում այն հազվագյուտ հուշարձաններից է, որի մեջ կիրառվել են հունական երեք օրդերները (դորիական օրդեր, կորնթական օրդեր, հոնիական օրդեր)։ Դորիականը կիրառվել է արտաքին սյունասրահում, հոնիականը՝ ներքին պատերի ելուստներում, կորնթականը՝ որպես առանձին սյուն։ Ճարտարապետ Իկտինոսի մեզ հայտնի երեք գործերը՝ Պարթենոնը, Թելեստերիոնը և Բասոսի տաճարը, վկայում են ստեղծագործական անհատականության ու մշտապես որոնող նորարարական ձգտման մասին, հատկանիշներ, որոնք արտահայտվել են կորնթական նոր օրդերի ստեղծմամբ, շենքերի ինքնատիպ հորինվածքներով, քանդակների համարձակ արմատավորմամբ։

Տե՛ս նաև

• Դորիական օրդեր
• Իկտինոս
• Պարթենոն

Արտաքին հղումներ

• http://publishing.ysu.am/files/Lilit_Pipoyan_Hin_Hrom.pdf

• Hellenic Ministry of Culture: Bassae
• Hellenic Ministry of Culture: Temple of Apollo Epikourios
• Excavation of the Temple
• UNESCO: Temple of Apollo Epicureus at Bassae

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ապոլլոնի տաճարը Բասքում կատեգորիայում։