Աշոտ Պետրոսյան (մաթեմատիկոս)

Աշոտ Պետրոսյան;
Ծնվել է	1930 հունիսի 2
Ծննդավայր	Վարդենիս, Հայաստան
Մահացել է	փետրվարի 23, 1998 (տարիքը 67)
Մահվան վայր	Դիլիջան, Հայաստան
Քաղաքացիություն	ԽՍՀՄ և Հայաստան
Ազգություն	Հայ
Կրթություն	Երևանի Պետական Համալսարան
Գիտական աստիճան	ֆիզիկամաթեմատիկական գիտությունների թեկնածու
Մասնագիտություն	մաթեմատիկոս և համակարգչային գիտնական
Աշխատատու	Մոսկվայի պետական համալսարան և Երևանի մաթեմատիկական մեքենաների գիտահետազոտական ինստիտուտ
Պարգևներ և ; մրցանակներ
	Ashot Petrosian (mathematician) Վիքիպահեստում

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Անվան այլ կիրառումների համար տե՛ս՝ Աշոտ Պետրոսյան (այլ կիրառումներ)

Աշոտ Վեզիրի Պետրոսյան (հունիսի 2, 1930(1930-06-02), Վարդենիս, Հայաստան - փետրվարի 23, 1998(1998-02-23), Դիլիջան, Տավուշի մարզ, Հայաստան), հայ մաթեմատիկոս։ Թեկնածուական դիսերտացիան հաշվողական մաթեմատիկայի ուղղությամբ պաշտպանել է 1964 թ.-ին (գիտ. ղեկավար - Յուլի Շրեյդեր)։ Ակադեմիկոս Սերգեյ Մերգելյանի հետ միասին եղել է Երևանի մաթեմատիկական մեքենաների գիտահետազոտական ինստիտուտի, ինչպես նաև Հայաստանի գիտությունների ակադեմիայի Հաշվողական Կենտրոնի հիմնադիրներից մեկը։ Մասնակցել է Հայաստանում տարբեր սերունդների ԷՀՄ-ների (այդ թվում ՝ Նաիրի և ЕС ЭВМ) մշակմանն ու արտադրության կազմակերպմանը։

Կենսագրություն

Աշոտ Վեզիրի Պետրոսյանը ծնվել է 1930 թ.-ին Վարդենիսում, ՀԽՍՀ^[2]։ Ավարտել է Դիլիջանի միջնակարգ դպրոցը 1949 թ.-ին ոսկե մեդալով։ Նույն թվականին ընդունվել է Երևանի պետական համալսարանի (ԵՊՀ) ֆիզ.-մաթ. ֆակուլտետը, որն ավարտել է 1954 թ.-ին կարմիր դիպլոմով։ Դասավանդել է մաթեմատիկա ԵՊՀ-ում մինչև 1955 թ., երբ ընդունվել է ասպիրանտուրա Մոսկվայի պետական համալսարան (հռչակավոր մաթեմատիկոս Լազար Արոնովիչ Լյուստերնիկի ղեկավարմամբ)։

1957 թ.-ին Հայաստանի Գիտությունների ակադեմիայի հրավերով վերադարձել է հայրենիք մասնակցելու Հայաստանում հաշվողական տեխնիկայի զարգացման հեռանկարային ծրագրերին։ Աշխատել է նորաստեղծ Երևանի մաթեմատիկական մեքենաների գիտա-հետազոտական ինստիտուտում, ներկայումս՝ Երևանի ավտոմատ կառավարման համակարգերի գիտահետազոտական ինստիտուտ (ԵրԱԿՀԳՀԻ), սկզբում իբրև գլխավոր ինժեներ, ապա որպես մաթեմատիկական բաժանմունքի վարիչ։ Այդ տարիներին ԵրԱԿՀԳՀԻ-ն դարձավ ամբողջ ԽՍՀՄ-ի տարածքում համակարգչային տեխնիկայի խոշորագույն արտադրողներից մեկը։ Ա. Վ. Պետրոսյանը երկար տարիներ աշխատել է նաև իբրև փոխտնօրեն (1963-1965) և տնօրեն (1965-1970) Հայաստանի Գիտությունների Ակադեմիայի Հաշվողական Կենտրոնում^[3], որն այժմ հայտնի է իբրև Ինֆորմատիկայի և Ավտոմատացման Պրոբլեմների Ինստիտուտ^[4] (ԻԱՊԻ)։

Իր գիտական գործունեության հետ միասին, Ա. Վ. Պետրոսյանը նաև դասավանդել է տարբեր մաթեմատիկայի դասընթացներ Երևանի Պետական Համալսարանի Կիրառական Մաթեմատիկայի ֆակուլտետում (1965-1978, լինելով Մաթեմատիկական Ապահովման ամբիոնի վարիչ) և Երևանի Պոլիտեխնիկական ինստիտուտում (1978-1986)։ Նա հեղինակ է բազմաթիվ դասագրքերի, արտոնագրերի, և մենագրությունների հաշվողական մաթեմատիկայի, ալգորիթմական տեղեկատվության տեսության և դիսկրետ մաթեմատիկայի ոլորտներում։ Գիտական աշխատանքները վերաբերում են հաշվողական տեխնիկայի և կիբեռնետիկայի, ԷՀՄ ավտոմատացված համակարգերի նախագծման մաթ. խնդիրներին։ Խմբագրել է Հայաստանի Գիտությունների Ակադեմիայի Հաշվողական Կենտրոնի Հավաքածուների 5 հատորներ։ Եղել է գիտական ղեկավար ավելի քան 20 ասպիրանտների որոնք հաջողությամբ պաշտպանել են իրենց թեկնածուական թեզերը, մասնավորապես Գրաֆների տեսության դաշտում։

Ընտրված հրապարակումներ

Համակարգչային պրոյեկտավորման ավտոմատացման մաթեմատիկական խնդիրներ (Математические вопросы автоматизации проектирования ЭВМ (ռուս.)). Издат. АН АрмССР. 1977.
Petrosian, A.V.; Pasztorne, V.K. (1982). Problems of a problem-oriented expansion of Boolean functions. Alkalmazott Mat. Lapok. Արխիվացված է օրիգինալից 2015 թ․ հոկտեմբերի 18-ին. Վերցված է 2013 թ․ հոկտեմբերի 26-ին.
Петросян, А.В.; Варданян, В.А. (1983). О сложности реализации булевых функций с данным вектором активностей (PDF). Acta Cybernetica Mat. Lapok. Արխիվացված է օրիգինալից (PDF) 2015 թ․ հունիսի 10-ին. Վերցված է 2013 թ․ հոկտեմբերի 26-ին.
On the problem of automated generation of test schemes of electronic computing machines. Kibernetika. 1976.
Մաթեմատիկական Կիբեռնետիկա, գրքում`«Գիտությունը Հայաստանում 60 տարում». Ազգային Ակադեմիայի Հրատ. 1985.

Աղբյուրներ

↑ ^1,0 ^1,1 Арутюнович А. Г. Ереванский научно-исследовательский институт математических машин, взлёты и падение (ռուս.) — Ереван: 2025. — С. 142. — ISBN 978-9939-0-5249-6
↑ ««Ով ով է. Հայեր», Կենսագրական հանրագիտարան 2007, Հատ. 2, է. 332». Արխիվացված է օրիգինալից 2014 թ․ հունվարի 8-ին. Վերցված է 2013 թ․ հոկտեմբերի 26-ին.
↑ Academic Archive of Andrey Ershov (Андрей Ершов (ռուս.))
↑ ԻԱՊԻ

[_19d12186fa379f40-1] 1,0 ^1,1 Арутюнович А. Г. Ереванский научно-исследовательский институт математических машин, взлёты и падение (ռուս.) — Ереван: 2025. — С. 142. — ISBN 978-9939-0-5249-6

[2] ««Ով ով է. Հայեր», Կենսագրական հանրագիտարան 2007, Հատ. 2, է. 332». Արխիվացված է օրիգինալից 2014 թ․ հունվարի 8-ին. Վերցված է 2013 թ․ հոկտեմբերի 26-ին.

[3] Academic Archive of Andrey Ershov (Андрей Ершов (ռուս.))

[4] ԻԱՊԻ

[1]

[2]

[3]

[4]