Անտառի ոգին
Տեսակ | մուլտֆիլմ |
---|---|
Ժանր | Բուֆոնադ |
Ռեժիսոր | Սերգեյ Օլիֆիրենկո |
Սցենարիստ | Միխայիլ Լիպսկերով |
Հնչյունավորում | Վիկտոր Պրոսկուրին և Ekaterina Obraztsova? |
Երաժշտություն | Դավիթ Թուխմանով |
Երկիր | ԽՍՀՄ |
Ընկերություն | Սոյուզմուլտֆիլմ |
Տևողություն | 578 վայրկյան |
Թվական | 1988 |
Անտառի ոգին (ռուս.՝ Уважаемый леший), խորհրդային տիկնիկային մուլտֆիլմ, որը նկարահանվել է 1988 թվականին, «Սոյուզմուլտֆիլմ» կինոստուդիայում, յուրահատուկ բուֆոնադի ժանրով, ըստ ռուսական ժողովրդական հեքիաթների մոտիվների։ Սցենարիստ Միխայիլ Լիպսկերովի առաջին ամենահայտնի աշխատանքներից մեկն է[1]։
Սյուժե[խմբագրել | խմբագրել կոդը]
Մի անգամ գիշերով Բաբա Յագան գտնում է Անտառի ոգուն և ասում է, որ Իվանուշկա եղբայրը նրանից չի վախենում, ինչը նշանակում է, որ նրան չի հարգում։ Անտառի ոգին համաձայնում է կախարդի` տղային վախեցնելու առաջարկին։ Այդ ժամանակ ծառի փչակում ապրող Նապաստակը գզգզում է Անտառի ոգու մազերը, այնուհետև հետ է գնում և թափահարում է թաշկինակը։ Անտառի ոգին սկսում է բղավել և իսկական երկրաշարժ է առաջացնում։ Նապաստակը բռնվում է սնկից, իսկ Բաբա Յագան թաքնվում է վառարանի հետևում, ասելով, որ նա արդեն հարգում է անտառի ոգուն։ Բայց Անտառի ոգին ոչ մեկին չէր վախեցնում, այլ միայն արթնացրել էր Ագռավին, որն սկսում է նրան ծեծել սնկով, մինչև որ վերջինս հանդարտվում է։ Այդ ժամանակ նենգ կախարդը որոշում է անտառի ոգուն սարսափելի դարձնել, որպեսզի միայն նրա տեսքից նրան հարգեն։ Անտառի դյուրահավատ տերը վեր է ածվում Կոշչեյի, իսկ հետո փնտրում է Իվանուշկային, բայց գտնում է Ալյոնուշկային, սակայն սիրահարվում է նրան։ Բաբա Յագան ցանկանում է Իվանուշկային բռնել Ալյոնուշկայի օգնությամբ։ Բայց անտառի ոգին հրաժարվում է այս առաջարկից և նորից ինքն է դառնում։ Հետո Բաբա Յագան առաջարկում է նրան դառնալ ճահճային հրեշ, որպեսզի դուր գա Ալյոնուշկային։ Բայց երբ Անտառի ոգին հրեշ է դառնում, չար ծեր կինը կոճղի վրա սփռոց է փռում, դրա վրա դնում է ափսե և աղաման, և ասում, որ ուզում է Իվանուշկային ուտել։ Անտառի ոգին հասկանում է, որ իրեն խաբել են, և նա նորից իր նախկին տեսքն է ընդունում, քշում է կախարդին և գնում է ծանոթանալու Ալյոնուշկայի հետ։ Իսկ Նապաստակն ի վերջո բացատրում է նրան, որ հարգում է նրան ոչ թե վախից, այլ` խղճի համար։
Հեղինակներ[խմբագրել | խմբագրել կոդը]
Ռեժիսոր | Սերգեյ Օլիֆիրենկո |
Սցենարի հեղինակ | Միխայիլ Լիպսկերով |
Բեմադրող նկարիչ | Ելենա Բոգոլյուբովա |
Տիկնիկներ և դեկորացիա | Վլադիմիր Կոնոբեև, Օլեգ Մասաինով, Նատալյա Բարկովսկայա, Նինա Մոլևա, Լիլիաննա Լյուտինսկայա, Պավել Գուսև, Վլադիմիր Ալիսով, Վլադիմիր Մասլով, Աննա Վետյուկովա, Վիկտոր Գրիշին, Միխայիլ Կոլտունով, Վլադիմիր Աբբակումով, Ալեքսանդր Գորբաչյով, Ա. Լունև, Ա. Ուտկին |
Մուլտիպլիկատորներ | Ալլա Սոլովյովա, Սերգեյ Օլիֆիրենկո, Տատյանա Մոլոդովա |
Օպերատոր | Յուրի Կամենեցկիյ |
Կոմպոզիտոր | Դավիթ Թուխմանով |
Հնչյունային օպերատոր | Վլադիմիր Կուտուզով |
Տնօրեն | Գրիգորի Խմարա |
Դերերը հնչյունավորել են | Վիկտոր Պրոսկուրին` Անտառի ոգի Եկատերինա Օբրազցովա` Նապաստակ Վլադիմիր Տոչիլին` Բաբա Յագա |
Թողարկումներ VHS և DVD ձևաչափերով[խմբագրել | խմբագրել կոդը]
Անվանում | Ձևաչափ | Դիստրիբյուտոր | Հրապարակված այլ մուլտֆիլմեր |
---|---|---|---|
Հրաշք-մրաշք | DVD և VHS ձևաչափերով | Սոյուզ | «Անտառի ոգին», «Գլաշա և Կիկիմորան», «Վախենալու չէ», «Օձը ձեղնահարկում», «Դաժան Բամբրը», «Բամբրի հետքերով», «Ծուղակ Բամբրի համար», «Ստորգետնյա մեծ պարահանդես» |
Ծանոթագրություններ[խմբագրել | խմբագրել կոդը]
- ↑ Միխայիլ Լիպսկերովը Аниматор.ру կայքում
Գրականություն[խմբագրել | խմբագրել կոդը]
- Михаил Липскеров Уважаемый леший. — М.: АСТ, 2011. — 16 с. — (Малышам (вырубка)). — ISBN 978-5-17-075612-4 . Книга по мультфильму. Художник И. Кострина.
Արտաքին հղումներ[խմբագրել | խմբագրել կոդը]
- «Անտառի ոգին» մուլտֆիլմը «Անիմատոր.ռու» կայքում
- «Հարգարժան անտառի ոգին» «Հայրենական կինոյի հանրագիտարան» կայքում
|