Անդրուս Կիվիրյահկ

Անդրուս Կիվիրյահկ Andrus Kivirähk
Ծնվել է	օգոստոսի 17, 1970(1970-08-17)[…] (53 տարեկան)
Ծննդավայր	Տալլին, Էստոնական ԽՍՀ, ԽՍՀՄ
Մասնագիտություն	լրագրող, գրող, սցենարիստ, մանկագիր, դրամատուրգ և երգիծաբան
Քաղաքացիություն	ԽՍՀՄ և  Էստոնիա
Կրթություն	Tallinn Secondary School No. 32? (1988) և Տարտուի համալսարան (1993)
Ուշագրավ աշխատանքներ	«Հնոցապանը, կամ նոյեմբեր» (էստ.՝ «Rehepapp, ehk, November») (2000)
Պարգևներ	Grand Prix de l'Imaginaire Oskar Luts Humor Award? Ֆրիդեբերտ Թուգլասի անվան գրական մրցանակ Literary award of Viru county? Eduard Vilde literary award? և Q1791933?
Ամուսին	Ilona Martson?
Andrus Kivirähk Վիքիպահեստում

Անդրուս Կիվիրյահկ (էստ.՝ Andrus Kivirähk, ծնվ.՝ 17 օգոստոսի, 1970, Տալլին, Էստոնական ԽՍՀ, ԽՍՀՄ), էստոնացի հանրահայտ գրող, դրամատուրգ։ Գրում է հիմնականում հումորային ժանրի ստեղծագործություններ։

Կենսագրություն

Անդրուս Կիվիրյահկը ծնվել է 1970 թվականի օգոստոսի 17-ին Տալլինում։

Առաջին պատմվածքը գրել է 15 տարեկան հասակում։ Ավարտել է Տարտուի համալսարանը՝ ստանալով լրագրողի մասնագիտություն։ Աշխատում է Eesti Päevaleht թերթում, որում ամեն օր հրատարակում է հոդված-կարծիքներ կամ հումորային տեքստեր։

Էստոնիայի Գրողների միության անդամ է 1996 թվականից։

Անդրուս Կիվիրյահկի եղբայրն է Էստոնիայում հայտնի սոցիոլոգ Յուհան Կիվիրյահկը։

Ստեղծագործությունը

Կիվիրյահկի գրական գործունեությունն առանձնանում է ուղղությունների ու ոճերի բազմազանությամբ։ Նա հաջողության է հասել ինչպես մանակական գրականության բնագավառում, այնպես էլ դրամատուրգիայի ժանրում։ Կիվիրյահկը հրատարակել է երեք վեպ։ Դրանցից մեկը՝ «Հնոցապանը, կամ նոյեմբեր» (էստ.՝ Rehepapp ehk november) 2008 թվականի դրությամբ վաճառվել է ավելի քան 32000 օրինակով, ինչի շնորհիվ Կիվիրյահկը դարձել է 2000-ական թվականների էստոնացի ամենահանրահայտ գրողը։ Սակայն հարցազրույցներից մեկում Կիվիրյահկը հայտարարել է, թե «հնարավոր է, որ նա այլևս ոչ մի վեպ չգրի»։

Անդրուս Կիվիրյահկի ստեղծագործությունները թարգմանվել են ռուսերեն, ֆիններեն, լատիշերեն և նորվեգերեն։ Նրա մանկական պատմվածքներից մի քանիսի հիման վրա նկարահանվել են մուլտֆիլմեր։ Կիվիրյահկի պիեսները բեմադրվում են Էստոնիայի դրամատիկական թատրոնում։

Ընտրյալ ստեղծագործություններ՝

1. «Հնոցապանը, կամ նոյեմբեր» (էստ.՝ «Rehepapp, ehk, November») (2000)
2. «Լիմպան ու ծովահենները» (էստ.՝ «Limpa ja mereröövlid») (2004)
3. «Մարդը, որ գիտեր հմայական խոսքեր» (էստ.՝ «Mees, kes teadis ussisõnu») (2007)

Արտաքին հղումներ

• Augustivalgus 3/7. Andrus Kivirähk Արխիվացված 2011-09-12 Wayback Machine — Ուրմաս Օտյոյին տված հարցազրույցը
• Heinapuu, Ott; Katre Kikas (2004). «Folk Belief or Anecdote? On the Genre Logic of Rehepapp by Andrus Kivirähk in the Context of Folklore Genres» (PDF). Folklore (Tartu). Institute of Estonian Language, Estonian Folklore Archives. 26: 101–112. ISSN 1406-0957. Վերցված է 2008 թ․ մայիսի 16-ին.
• Estonian Literature Information Centre Արխիվացված 2011-07-19 Wayback Machine

Վիքիպահեստն ունի նյութեր, որոնք վերաբերում են «Անդրուս Կիվիրյահկ» հոդվածին։