Այբ դպրոց

Վիքիպեդիայից՝ ազատ հանրագիտարանից
(Վերահղված է Այբ ավագ դպրոցից)
Այբ դպրոց
Ayb High School.jpg
Տեսակ միջնակարգ դպրոց
Կարգախոս իմա և արա[1]
Հիմնադրված է 2011
Տնօրեն Արամ Փախչանյան
Աշակերտներ 352
Դասարաններ 1 - 12
Երկիր Հայաստան
Տեղագրություն Երևան
Կայք http://www.aybschool.am/
Կոորդինատներ: 40°13′27.120000000012″ հս․ լ. 44°31′42.239999999992″ ավ. ե. / 40.22420000000000329° հս․. լ. 44.52839999999999776° ավ. ե. / 40.22420000000000329; 44.52839999999999776
Այբ դպրոցը գտնվում է Հայաստանում
Այբ դպրոց

«Այբ» դպրոց («Այբ կրթական հանգույց» հիմնադրամ), Երևանում գործող դպրոց-հիմնադրամ: Ստեղծվել է 2011 թվականին «Այբ» կրթական հիմնադրամի կողմից[2]: Տնօրեն՝ Արամ Փախչանյան:

Պատմություն[խմբագրել | խմբագրել կոդը]

2010 թվականի հունվարին ՀՀ Կառավարությունը տարվա իր առաջին նիստին որոշում կայացրեց «Այբ» կրթական հիմնադրամին հատկացնել Երևանում Թբիլիսյան խճուղուն հարող 6,5 հա հողատարածք` «Այբ կրթական հանգույց» («Այբ» դպրոց) ծրագրի իրականացման համար: Իսկ 2011 թվականին բացվեց «Այբ» կրթական հանգույցի առաջին բաղադրիչը՝ «Այբ» ավագ դպրոցը, որը նախագծվել է «Ստորակետ» ճարտարապետական արվեստանոցի կողմից:

Երկու տարի անց՝ 2013 թվականին, մեկնարկեց դպրոցի տարրական հատվածը, իսկ 2014 թվականին՝ միջին դպրոցը:

2013 թվականին Դիլիջանում «Այբ» կրթական հիմնադրամի և Հայաստանի Կենտրոնական բանկի համագործակցության շնորհիվ ստեղծվեց «Այբ» դպրոցների ընտանիքին պատկանող Դիլիջանի կենտրոնական դպրոցը։ [3]

Ճարտարապետություն և միջավայր[խմբագրել | խմբագրել կոդը]

«Այբ» ավագ դպրոցը բաղկացած է երկու մասնաշենքից, որոնք նախագծել է «Ստորակետ» ճարտարապետական արվեստանոցը։ Շուտով կբացվի «Այբ» դպրոցի նոր մասնաշենքը, որի նախագծի հեղինակը կրկին «Ստորակետն» է: [4]

«Այբ»-ը զինված ու համալրված է ստեղծագործ գաղափարների իրականացմանն անհրաժեշտ ժամանակակից տեխնոլոգիաներով, ռոբոտիկայի, քիմիայի, ֆիզիկայի և կենսաբանության լաբորատորիաներով, արվեստանոցով, սպորտդահլիճով և ժամանակակից համերգային դահլիճով: [5] «Այբ» դպրոցական ավանում է գտնվում նաև Հայաստանի առաջին ֆաբլաբը: [6]

Ուսումնական ծրագիր[խմբագրել | խմբագրել կոդը]

«Այբ» դպրոցում կիրառվում է Արարատյան բակալավրիատը (ԱԲ): Այն ավագ դպրոցի միջազգայնորեն մրցունակ կրթական որակավորում է, որը մշակվել է «Այբ» կրթական հիմնադրամի կողմից Կրթության գերազանցության ազգային ծրագրի (ԿԳԱԾ) շրջանակում։ ԿԳԱԾ-ը ՀՀ Կրթության և գիտության նախարարության հաստատած լայնածավալ հանրակրթական ծրագիր է, որն իրականացվում է կրթության ոլորտում առաջատար միջազգային գործընկերների հետ համագործակցությամբ։ [7] ԱԲ-ը դասավանդվում է հայերեն: Ծրագիրը տալիս է համակողմանի կրթություն` շնորհիվ խորացված ընտրովի առարկաների (մաթեմատիկա, բնագիտական առարկաներ, պատմություն, hայագիտություն, արվեստներ, անգլերեն և նվազագույնը մեկ հավելյալ օտար լեզու): [8]

«Այբ» դպրոցում չկան օրագրեր և մատյաններ: Փոխարենը գործում է «Մուդլ» էլեկտրոնային համակարգը (անգլ.՝ Moodle): [9] «Այբ» դպրոցում գնահատումը կատարվում է բնութագրական արձագանքի (feedback) միջոցով: Թվանշանային գնահատման համար «Այբ»-ում կիրառվում է 100-միավորանոց սանդղակ:

Նախագծային ուսուցում[խմբագրել | խմբագրել կոդը]

Նախագծային ուսուցումը նորարարական կրթության մոդել է, որ ներդրվել է «Այբ» դպրոցում 2015 թ., և ուսումնառությունը կառուցում է նախագծերի շուրջ։

Աշակերտները, աշխատելով թիմերի կազմում, իրականացնում են ծավալուն և երկարաժամկետ նախագծեր, որոնց նպատակն է լուծել տարբեր համայնքային խնդիրներ։ Նախագծային ուսուցման շրջանակներում գործում են 8 թեմատիկ ակումբներ՝ «Գիտությունը՝ փորձերով», «Կանաչ քիմիա», «Ֆաբլաբ» (ռոբոտաշինություն), «Տեխնոշարժ», «Մեդիալաբ», F8 (լուսանկարչություն), «Արվեստանոց», «Ռոքեստր» (ռոք խումբ)։  Նախագծային ուսուցման  ծրագրին մասնակցում են ավագ դպրոցի 70-ից ավելի աշակերտներ։ [10]

Վիճակագրություն[խմբագրել | խմբագրել կոդը]

«Այբ» դպրոցում սովորում է 352 աշակերտ: 2011-2016 թթ. դպրոցը նոր կյանք է ճանապարհել 192 շրջանավարտի: Իր պատմության 5 տարիների ընթացքում դպրոցը տվել է 11 ոսկե մեդալակիր: [11]

«Այբ» դպրոցում դասավանդում է 94 ուսուցիչ (25-ը՝ վաստակավոր գործիչ, սպորտի վարպետ, գիտությունների դոկտոր ու թեկնածու, և  33-ը` տասը և ավելի տարիների մանկավարժական փորձառությամբ)։ Ավագ դպրոցում դասավանդվում է 52 առարկա՝ 8 առարկայախմբում: Իսկ միջին և տարրական դպրոցներում դասավանդվում է 33 և 14 առարկա համապատասխանաբար: [12]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Այբ» դպրոցի նշանաբան Ստուգված է նոյեմբերի 19-ին 2016:
  2. «Այբ»-ի պատմությունը։ «www.aybschool.am»։ aybschool.am։ Վերցված է 2016-11-07 
  3. «Այբ»-ի պատմությունը» 
  4.  Ayb Learning Hub 3D animation
  5. «Այբ»-ի տարածքը. լուսանկարներ։ «www.aybschool.am»։ aybschool.am։ Վերցված է 2016-11-07 
  6. «Այբ»-ում բացվեցին Հայաստանի առաջին երկու ֆաբլաբերը»։ aybschool.am։ Վերցված է 2016-11-07 
  7. «Կրթության գերազանցության ազգային ծրագիր - Մեր նախագծերը | «Այբ» կրթական հիմնադրամ»։ Կրթության գերազանցության ազգային ծրագիր։ Վերցված է 2016-11-07 
  8. «Կրթության գերազանցության ազգային ծրագիր»։ www.facebook.com։ Վերցված է 2016-11-07 
  9. «Ayb School learning portal»։ www.aybschool.am։ Վերցված է 2016-11-07 
  10. ««Այբ» դպրոցում կայացավ նախագծերի գաղափարների ներկայացում»։ www.high.aybschool.am։ Վերցված է 2016-11-07 
  11.  Ավարտական հանդիսություն 2016
  12. ««Այբ» դպրոցի եռամսյակային հաշվետվություն» 

Արտաքին հղումներ[խմբագրել | խմբագրել կոդը]