Աղվան Մինասյան
- Վիքիպեդիայում կան հոդվածներ Մինասյան ազգանունով այլ մարդկանց մասին։
| Աղվան Մինասյան | |
|---|---|
| Ծնվել է | 1970 թվական ի սեպտեմբերի 18 |
| Ծննդավայր | Հայկական Խորհրդային Սոցիալիստական Հանրապետություն, Սյունիքի մարզ, Սիսիանի շրջան, գյուղ Լծեն |
| Մահացել է | 30 Օգոստոս 1993 թվական |
| Մահվան վայր | Արցախի Հանրապետություն, Քաշաթաղի շրջան, գյուղ Հակարի |
| Քաղաքացիություն | Հայկական Խորհրդային Սոցիալիստական Հանրապետություն , Հայաստան |
| Ազգություն | Հայ |
| Երկեր | «Տապանագիր», Երևան, 1994, 116 էջ, «Սուր և խաչ», Երևան, 1997, 104 էջ։ |
| Մասնագիտություն | բանաստեղծ |
| Հարազատներ | եղբայր՝ Աշոտ Մինասյան |
| Կայք | facebook.com/Sisakanartsiv/ |
Աղվան Մինասյան (1970 թվականի սեպտեմբերի 18-ին ՀՀ Սյունիքի մարզի Սիսիանի շրջանի Լծեն գյուղ -30 Օգոստոսի, 1993 թվական, ԼՂՀ Քաշաթաղի շրջանի Հակարի (Մուրադխանլու) գյուղ), Արցախյան ազատամարտի հերոս, բանաստեղծ, ազատամարտիկ։
Կենսագրություն
[խմբագրել | խմբագրել կոդը]Աղվան Մինասյանը ծնվել է 1970 թվականի սեպտեմբերի 18-ին ՀՀ Սյունիքի մարզի Սիսիանի շրջանի Լծեն գյուղում։ Դպրոցն ավարտելուց հետո ընդունվել և 1989 թվականին ավարտել է Սիսիանի պոլիտեխնիկումը։ 1989-1990 թվականներին ծառայել է ԽՍՀՄ Զինված ուժերում։ 1990 թվականին մեկնել է Արցախյան ռազմաճակատ, դարձել «Սիսական» կամավորական ջոկատի ազատամարտիկ, մարտնչել եղբոր՝ Աշոտ Մինասյանի հրամանատարությամբ։ 1992թ. ապրիլին ընկերների հետ Կապանում էր, որտեղ լռեցնում են թշնամու կրակակետերը։ 1992թ մայիսին մասնակցում է Լաչինի ազատագրմանը։ 1992թ Դեկտեմբերին մասնակցել է Կապանի գյուղերի ազատագրմանը։ 1993 թվականի մարտի վերջին մասնակցել է Քարվաճառի ազատագրելու համար կարևոր նշանակություն ունեցող Նարեշտար բարձրունքի ազատագրմանը։ 1993թ ապրիլին մասնակցել է Մարտակերտի շրջանի պաշտպանությանը։ 1993թ․ օգոստոսին մասնակցել է Կուբաթլույի շրջանի ազատագրմանը։
Հեղինակ է հայրենիքին և ազգային-ազատագրական պայքարին նվիրված «Տապանագիր» և «Սուր և խաչ» բանաստեղծությունների ժողովածուների։ Զոհվել է 1993 թվականի օգոստոսի 30-ին ԼՂՀ Քաշաթաղի շրջանի Հակարի գյուղում 23 տարեկան հասակում։ Աղվան Մինասյանի կյանքն ու գործունեությունը իր գեղարվեստական արտացոլումն է գտել Սամվել Թադևոսյանի 2006 թվականին նկարահանած «Չկրակված փամփուշտներ» ֆիլմում։ Իսկ Աղվան Մինասյանի «Կարմիր դագաղով անիծյալ կյանքն են տանում թաղելու» «Զառանցանքին չկա վերջ» բանաստեղծությունը երգի է վերածել հայտնի երգիչ - ազատամարտիկ Դավիթ Ամալյանը։
Երկեր
[խմբագրել | խմբագրել կոդը]- «Տապանագիր», Երևան, 1994, 116 էջ։
- «Սուր և խաչ», Երևան, 1997, 104 էջ։
Պարգևներ
[խմբագրել | խմբագրել կոդը]- Աղվանը 1997 թվականին հետմահու արժանացել է Հայաստանի գրողների միության պատվավոր անդամի կոչման։
- Հայաստանի գրողների միության Եղիշե Չարենցի անվան մրցանակ։
- ՀՀ «Արիության» մեդալ։
- ԼՂՀ «Արիության» մեդալ։
- ԼՂՀ «Մայրական երախտագիտության Արցախի քաջորդիներին» մեդալ։
Աղբյուրներ
[խմբագրել | խմբագրել կոդը]Գրականություն
[խմբագրել | խմբագրել կոդը]- Ղարաբաղյան ազատագրական պատերազմ (1988-1994 թթ.) հանրագիտարան, Երևան, 2004, էջ 408։
Արտաքին հղումներ
[խմբագրել | խմբագրել կոդը]- http://lit-bridge.com/38/աղվան-մինասյան-սեր-եվ-խաչ/ - Աղվան Մինասյան, Սեր և խաչ։
- http://argisdi.am/publ/4-1-0-157(չաշխատող հղում) - Աղվան Մինասյան
- http://www.ynker.am/բանաստեղծ-մարտիկ-նվիրյալ/ Արխիվացված 2018-10-02 Wayback Machine - Բանաստեղծը, մարտիկը, նվիրյալը