Ալմերիայի ալկասաբա
 իսպ.՝ Alcazaba de Almeria | |
|---|---|
 | |
| Տեսակ | հուշարձան[1] և ամրոց |
| Վարչական միավոր | Ալմերիա[1] |
| Երկիր |
 Իսպանիա[1] |
| Կառուցված | 955 թվական |
| Կառուցող | Աբդ ար-Ռահման III |
| Ճարտարապետական ոճ | Islamaical art of the Emirat and the Califat |
| Կոորդինատներ: 36°50′25.040000100396″ հս․ լ. 2°28′14.050000099841″ ամ. ե. / 36.84028888891677411° հս․. լ. 2.47056944447217797° ավ. ե. և Կոորդինատներ: 36°50′26.999988100009″ հս․ լ. 2°28′14.9999881″ ամ. ե. / 36.84083333002777749° հս․. լ. 2.470833330028° ավ. ե.{{#coordinates:}}: cannot have more than one primary tag per page | |
  | |
| Alcazaba de Almería Վիքիպահեստում | |
Ալմերիայի ալկասաբա (իսպ.՝ Alcazaba de Almeria) կամ Սան Կրիստոբալ բլրի ալկասաբա (իսպ.՝ Alcazaba del Cerro de San Cristóbal)[ն 1], ամրոց Իսպանիայի Անդալուզիա ինքնավար համայնքի Ալմերիա պրովինցիայի Ալմերիա քաղաքում: Հիմնադրվել է 955 թվականին Կորդովայի առաջին խալիֆ Աբդ ար-Ռահման III-ի կողմից[2]: Շինության տարածքը կազմում է 35 000 մ2[3]: Տեղակայված է քաղաքի սահմանագծում: Իսպանիայի ազգային հուշարձան է 1931 թվականից[3]:
Բովանդակություն
Պատմություն[խմբագրել | խմբագրել կոդը]
Ալմերիա նավահանգստային քաղաքը, որ տեղակայված է Իսպանիայի հարավում, պատմականորեն եղել է առևտրական տեսակետից ռազմավարական մեծ նշանակություն ունեցող օբյեկտ[3]: Տարբեր ժամանակաշրջաններում քաղաքի տիրապետությունը պատկանել է հռոմեացիներին, կարթագենացիներին, փյունիկեցիներին[3]: Սակայն ամրոցի կառուցման գործում ամենամեծ ներդրումն ունեցել են մուսուլմանները: «Ալկաբասա դե Ալմերիա» ամրոցը հիմնադրվել է 955 թվականին. սկզբում կառուցվել են պահակային աշտարակն ու ամրոցի պատերը: Հետագայում ամրոցը դարձել է խալիֆի նստավայր։ Ծաղկում է ապրել հատկապես 11-րդ դարում՝ անկախ Ալմերիայի տայֆայի գահակալ Ալ-Ջայրանի կառավարման ժամանակ, երբ դարձել է առևտրական կենտրոն ողջ Անդալուզիայի համար[4].
Ամրոցն ունի մի քանի մակարդակներ[5]: Ներքին մակարդակը ծառայել է որպես ռազմական ճամբար (ներկայում այնտեղ այգիներ են), միջինը տրամադրվել է խալիֆայությանը: Մակարդակներն իրար միացված էին սանդուղքով[6]: Ամրոցը տեղակայված է սեյսմավտանգ տարածաշրջանում: Նրա գոյության ընթացքում այդ տարածքում բազմիցս տեղի են ունեցել երկրաշարժեր, որոնք բացասաբար են անդրադարձել ամրոցի ենթակառուցվածքների վրա, որոնցից շատերը ներկայում ավերված են: Մուսուլմանների կողմից կառուցված շինություններից մեր օրերում բարվոք վիճակում պահպանվել են միայն «Խալիֆի ջրհորները»:
1489 թվականին, երբ կաթոլիկները մուսուլմաններից գրավել են ալկասաբան, կառուցվել է ամրոցի վերին մակարդակը ռազմական կարիքների համար. այնտեղ տեղակայվել է հրետանին[5]: 1524-1562 թվականներին ամրոցի տարածքում կառուցվել է գոթական ոճի մայր տաճար, որի համար հիմք է ծառայել լիովին վերակառուցված մզկիթը: Ճարտարապետը եղել է Դիեգո դե Սիլոեն[3]:
Տարբեր տարիների ամրոցի տարածքում նկարահանվել են գեղարվեստական ֆիլմեր, որոնցից են՝ «Կոնան-բարբարոսը» (1982), «Երբեք մի ասա «երբեք»» (1983), «Ինդիանա Ջոնսը և խաչակրաց վերջին արշավանքը» (1989) և այլն[7]:
Պատկերասրահ[խմբագրել | խմբագրել կոդը]
Նշումներ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Monuments database — 2017.
- ↑ Крепость Алькасаба, Альмерия, Испания
- ↑ 3,0 3,1 3,2 3,3 3,4 Замки Европы Руководство путешественнику Замок Алькасаба де Альмерия (Alcazaba de Almeria)
- ↑ Замки Испании
- ↑ 5,0 5,1 Об Андалусии » Провинция Альмерия » Альмерия » Алькасаба Альмерии — Алькасаба Альмерии
- ↑ La Alcazaba de Almería
- ↑ The Triangle of Almeria’s Top Movie Filming Locations/ Cleopatra movie, King of Kings, Lawrence of Arabia and many more…
Արտաքին հղումներ[խմբագրել | խմբագրել կոդը]
- Ալմերիապեդիա․ Ալմերիայի ալկասաբա; almeriapedia.wikanda.es (իսպ.)
- Ալմերիայի ալկասաբան Իսպանիայում արաբների կողմից կառուցված մեծ միջնաբերդ է; culturiplan.com (իսպ.)
- Պատկերասրահ; spaincenter.org (իսպ.)
- Պատկերասրահ; flickr.com (անգլ.)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ալմերիայի ալկասաբա կատեգորիայում։ |
| ||||||
