Ալեքսանդր Շիրվանզադեի անվան հ. 21 դպրոց
| Ալեքսանդր Շիրվանզադեի անվան 21 դպրոց | |
|---|---|
 | |
| Տեսակ | դպրոց |
| Հիմնադրված է | 1928 |
| Անվանված է | Ալեքսանդր Շիրվանզադե |
| Տնօրեն | Արուսյակ Բաղդասարյան |
| Երկիր |  Հայաստան |
| Տեղագրություն | Երևան |
| Հասցե | Երևան, Արաբկիր, Վաղարշ Վաղարշյան փողոց, 24 շենք |
| Կայք | school21.safe.am |
Ալեքսանդր Շիրվանզադեի անվան 21 դպրոց, հանրակրթական դպրոց Երևանի Արաբկիր վարչական շրջանում։ Հիմնադրվել է 1928 թվականին։
Պատմություն
[խմբագրել | խմբագրել կոդը]ԱՄՆ-ում կազմավորված «Հին արաբկիրցիների միության» ջանքերով կառուցված տներից մեկում բացվում է դպրոցը՝ երկու դասասենյակներով, 40 աշակերտներով և քառամյա ուսուցմամբ, որը 1928 թվականին անվանակոչվում է Նոր Արաբկիր։ 1934 թվականին կառուցվում է դպրոցի առաջին մասնաշենքը՝ 7-ամյա։ Դպրոցն անվանակոչվում է մեծ գրող Ալեքսանդր Շիրվանզադեի անունով, դեռևս նրա կենդանության օրոք։
Դպրոցի 2-րդ մասնաշենքը շահագործման է հանձնվել 1962 թվականին, 3-րդ մասնաշենքը՝ 1982 թվականին[1]։
Դպրոցի հիմնադիր մանկավարժներից են Խորեն Թոռչյանը, ընկեր Աղասին, Վահրիճ Հասրաթյանը, Զարզանդ Դարյանը, Ղուկաս Մուրադյանը, Հարություն Բարեղամյանը, Գալուստ Ստեփանյանը, Արամայիս Սիրունյանը, Սիսակ Ղազարյանը, Սիրաք Գյուլբուդաղյանը։
1940-1943 թվականների շրջանավարտ տղաների մեծ մասը մասնակցել է 1941-1945 թթ. Հայրենական մեծ պատերազմին։
1958 թվականին դպրոցի բակում տեղադվել է Ալեքսանդր Շիրվանզադեի կիսանդրին։
Շրջանավարտներ
[խմբագրել | խմբագրել կոդը]Դպրոցի շրջանավարտներից են բանաստեղծներ Վահագն Դավթյանը, Գարիկ Բանդուրյանը, ֆիզիոլոգ-դոկտոր Տիգրան Ուրխանջյանը, բժշկական գիտությունների թեկնածու, դասախոս Միշա Հովհաննիսյանը, գյուղատնտեսական գիտությունների դոկտոր Ժիրայր Աղաջանյանը, դասախոս, դոցենտ Պողոս Միլտոնյանը, հայոց լեզվի և գրականության անվանի ուսուցիչ Հարություն Դավթյանը, Մանաս Նազարյանը, Աղվան Բդոյանը, Աշոտ Հովհաննիսյանը, Անուշավան Դովլաթյանը, Հայկ Չթունին, Թամարա Պողոսյանը։
Ծանոթագրություններ
[խմբագրել | խմբագրել կոդը]- ↑ «Ալեքսանդր Շիրվանզադեի անվան հ. 21 դպրոց». Արխիվացված է օրիգինալից 2016 թ․ մարտի 4-ին. Վերցված է 2015 թ․ փետրվարի 27-ին.