Ալեքսանդրա ֆոն Ֆուրստենբերգ
| Ալեքսանդրա ֆոն Ֆուրստենբերգ | |
|---|---|
| Ծնվել է | հոկտեմբերի 3, 1972[1] (51 տարեկան) |
| Ծննդավայր | Նյու Յորք, Նյու Յորք, ԱՄՆ |
| Քաղաքացիություն |  ԱՄՆ |
| Կրթություն | Բրաունի համալսարան և Փարսոնս դիզայնի դպրոց |
| Մասնագիտություն | բարձրաշխարհիկ հեղինակություն |
| Ամուսին | Ալեքսանդր ֆոն Ֆյուրստենբերգ և Dax Miller? |
| Ծնողներ | հայր՝ Robert Warren Miller?[1], մայր՝ María Clara Pesantes?[1] |
| Երեխաներ | Talita von Fürstenberg?[1] և Tassillo Egon Maximilian Prinz zu Fürstenberg?[1] |
Ալեքսանդրա ֆոն Ֆրյուստենբերգ (անգլ.՝ Alexandra von Fürstenberg հոկտեմբերի 3, 1972[1], Նյու Յորք, Նյու Յորք, ԱՄՆ), ամերիկացի ձեռնարկատեր և կահույքի դիզայներ՝ հաստատված Լոս Անջելեսում[2], ամերիկացի միլիարդատեր և «DFS Group»-ի համահիմնադիր Ռոբերտ Ուորեն Միլլերի կրտսեր դուստրը[3]։
Վաղ կյանք[խմբագրել | խմբագրել կոդը]
Ալեքսանդրա ֆոն Ֆուրստենբերգը ծնվել է 1972 թվականի հոկտեմբերի 3-ին բրիտանական Հոնկոնգում ամերիկացի գործարար Ռոբերտ Ուորեն Միլլերի (ծնված 1933) և նրա էկվադորցի կնոջ՝ Մարիա Կլարայի (ի ծնե Պեսանտես Բեսերա) (ծնված 1940 թվականին) ընտանիքում։ Նա ունի երկու ավագ քույրեր՝ Պիա և Մարի-Շանտալ։ Ալեքսանդրան և նրա քույրերը մեծացել են Հոնկոնգում, Փարիզում և Նյու Յորքում։
Նա հաճախել է Փարսոնսի դիզայնի դպրոցը և Բրաունի համալսարանը, որտեղ սովորել է զգեստների ձևավորում և արվեստի պատմություն[2]։
1990-ականներին Նյու Յորքի բարձր հասարակությունը Ալեքսանդրային և նրա քույրերին անվանեց Միլլեր քույրեր[4]։
Կարիերա[խմբագրել | խմբագրել կոդը]
1995 թվականին Ալեքսանդրան միացավ իր նախկին սկեսուր Դիանա ֆոն Ֆյուրստենբերգի դիզայներական թիմին։ «DVF»-ում իր տասնամյա կարիերայի ընթացքում՝ որպես կրեատիվ տնօրեն, այնուհետև որպես իմիջի տնօրեն, Ալեքսանդրան մեծ դեր ունեցավ խորհրդանշական կուլտային զգեստի վերագործարկման, ինչպես նաև ամերիկյան ապրանքանիշի կարևորման ամրապնդման գործում[2][5]։
2005 թվականին Լոս Անջելես տեղափոխվելուց ի վեր Ալեքսանդրան կենտրոնացել է բացառապես տան դիզայնի վրա։ 2007 թվականին նա ստեղծեց «Alexandra Von Furstenberg, LLC» ապրանքանիշը՝ ժամանակակից ակրիլային կահույքի և տան պարագաներ ստեղծելու համար։ Սկզբում նա սկսեց նախագծել իր անձնական տան համար, իսկ հետո հասկացավ, որ իր ստեղծած դիզայներական նախագծերի համար առկա է շուկա։ 2008 թվականի մարտին նա սկսեց իր առաջին նախագծերը[2]։
Անձնական կյանք[խմբագրել | խմբագրել կոդը]
1995 թվականի հոկտեմբերի 28-ինՆյու Յորքի Սուրբ Իգնատիուս Լոյոլայի եկեղեցում Ալեքսանդրա Միլլերն ամուսացավ արքայազն մոդելավորող Դիանա ֆոն Ֆուրստենբերգի և արքայազն Էգոն ֆոն Ֆուրստենբերգի որդու՝ Ալեքսանդր ֆոն Ֆուրստենբերգի (ծնված 1970 թվականին) հետ։ Նրանք ունեն երկու երեխա՝ արքայադուստր Տալիտա Նատաշան (ծնված 7 մայիսի 1999 թվականին) և արքայազն Տասիլո Էգոն Մաքսիմիլիանը (ծնվել է 2001 թվականին օգոստոսի 21)։ Զույգը բաժանվել է 2002 թվականին։
Նա Հունաստանի և Դանիայի եղբորորդու՝ արքայազն Կոնստանտին Ալեքսիոսի կնքամայրն է։
2015 թվականի հուլիսի 7-ին Ալեքսանդրան ամուսնացավ ճարտարապետական դիզայներ և մշակող Դաքս Միլլերի հետ։ Զույգն ամուսնացել է իրենց հարաբերությունների մեկնարկի յոթերորդ տարեդարձին։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 1,7 1,8 Lundy D. R. The Peerage
- ↑ 2,0 2,1 2,2 2,3 «The Brand». alexandravonfurstenberg.com. Վերցված է 2020 թ․ մայիսի 21-ին.
- ↑ «Miller's Tale: How Robert Miller Made His Fortune | The Rake». therake.com. Արխիվացված օրիգինալից 2021 թ․ հունվարի 26-ին. Վերցված է 2020 թ․ մայիսի 21-ին.
- ↑ Blasberg, Derek. «The Miller Cousins Are the Ultimate Society Darlings for the Social-Media Age». Vanity Fair. Արխիվացված օրիգինալից 2017 թ․ հուլիսի 20-ին. Վերցված է 2020 թ․ մայիսի 21-ին.
- ↑ Seven Americans who married royalty: «Alexandra Natasha Miller» retrieved January 15, 2012. Արխիվացված Օգոստոս 18, 2012 Wayback Machine
Արտաքին հղումներ[խմբագրել | խմբագրել կոդը]
|
