Ալբերտ Մուշեղի Մկրտչյան

Անվան այլ կիրառումների համար տե՛ս՝ Ալբերտ Մկրտչյան (այլ կիրառումներ)

Ալբերտ Մուշեղի Մկրտչյան
Ծնվել է	փետրվարի 27, 1937(1937-02-27)
Ծննդավայր	Լենինական, ՀԽՍՀ
Մահացել է	փետրվարի 28, 2018(2018-02-28) (81 տարեկան)
Մահվան վայր	Երևան, Հայաստան
Կրթություն	Մոսկվայի Գերասիմովի անվան կինեմատոգրաֆիայի ինստիտուտ
Քաղաքացիություն	Հայաստան և  ԽՍՀՄ
Ազգություն	հայ
Մասնագիտացում	ռեժիսոր սցենարիստ դերասան
Պարգևներ	Մովսես Խորենացու մեդալ, Սուրբ Մեսրոպ Մաշտոցի շքանշան, ՀՀ մշակույթի նախարարության ոսկե մեդալ, «Պատվո նշան» շքանշան և Հայաստանի Հանրապետության ժողովրդական արտիստ
IMDb	ID 0594793

Ալբերտ Մուշեղի Մկրտչյան (փետրվարի 27, 1937(1937-02-27), Լենինական, Հայկական ԽՍՀ, ԽՍՀՄ - փետրվարի 28, 2018(2018-02-28), Երևան, Հայաստան), հայ ռեժիսոր, սցենարիստ, դերասան։ Հայտնի դերասան, ԽՍՀՄ ժողովրդական արտիստ Մհեր Մկրտչյանի փոքր եղբայրը։ ՀՀ «Մովսես Խորենացի» (2000), Հայաստանի մշակույթի նախարարության ոսկե մեդալներ (2007), ՀՀ ժողովրդական արտիստ (2003), «Հայակ» հայկական ամենամյա առաջին կինոմրցանակաբաշխության Հատուկ մրցանակ (2012)։

Կենսագրություն

Ալբերտ Մկրտչյանը ծնվել է 1937 թվականին Լենինական քաղաքում։ 1960 թվականին ավարտել է Երևանի գեղարվեստա-թատերական ինստիտուտի դերասանական բաժինը, իսկ 1971 թվականին՝ Մոսկվայի Կինեմատոգրաֆիայի ինստիտուտի ռեժիսուրայի ֆակուլտետը՝ Եֆիմ Ձիգանի արվեստանոցը (ՎԳԻԿ)։ 1960–1966 թվականներին եղել է հայկական հեռուստաստուդիայի, 1971 թվականից՝ Հայֆիլմ ստուդիայի ռեժիսոր, 1995–1999 թվականներին՝ Գյումրիի դրամատիկական, 2000 թվականից՝ Երևանի Մհեր Մկրտչյանի անվան արտիստական թատրոնների տնօրեն և գեղարվեստական ղեկավար։ 1980–2001 թվականներին դասավանդել է Երևանի Հայկական պետական մանկավարժական համալսարանում (պրոֆեսոր՝ 1995 թվականից), 2001 թվականից՝ Թատրոնի և կինոյի պետական ինստիտուտում։

Ֆիլմագրություն

Ռեժիսոր

Տարեթիվ	Ֆիլմ	Մրցանակ
2008	Տխուր փողոցի լուսաբացը
2000	Ուրախ ավտոբուս	ՀՀ Պետական մրցանակ
1988	Շնչառություն
1984	Մեր մանկության տանգոն
1982	Հին օրերի երգը	ՀԽՍՀ Պետական մրցանակ
1980	Խոշոր շահում
1979	Կյանքի լավագույն կեսը
1977	Քարե հովիտ
1974	Կարծր ապար
1972	Հուշարձան	ՀԽՍՀ Պետական մրցանակ
1969	Լուսանկար

Թատրոնում

Հեղինակ	Ներկայացում
Կառլո Գոլդոնի	Երկու տիրոջ ծառան Ավերված քաղաքի մեղեդին
Գարսիա Մարկես	Սիրային նախատինք բազկաթոռին նստած ամուսնուն

Դերերը կինոյում

Տարեթիվ	Ֆիլմ	Դեր
1972	Տղամարդիկ	Ջեյմս՝ Անուշի եղբայրը
1961	Առօրյան և տոները	Սերգո Մարգելյան
1960	Հյուսիսային ծիածան	դրվագ

Մասնակցությունը կինոյում

Տարեթիվ	Ֆիլմ
2008	Կղզիներ Վերջին ծաղրածուի տխուր պատմությունը․ Ֆրունզիկ Մկրտչյան
2006	Ինչպես հեռացան կուռքերը Ֆրունզիկ Մկրտչյան
2005	Ֆրունզիկ Մկրտչյան․ Միայնության պատմություն
1997	Որպեսզի հիշեն Ֆրունզիկ Մկրտչյան

Սցենարիստ

Տարեթիվ	Ֆիլմ
2000	Ուրախ ավտոբուս
1988	Շնչառություն
1984	Մեր մանկության տանգոն
1982	Հին օրերի երգըՀին օրերի երգը
1969	Լուսանկար

Պարգևներ

• «Պատվո նշան» շքանշան
• Մովսես Խորենացու մեդալ (2000)
• Սուրբ Մեսրոպ Մաշտոցի շքանշան
• Հայաստանի Հանրապետության ժողովրդական արտիստ (2003)
• Գյումրու պատվավոր քաղաքացի 2003
• ՀՀ մշակույթի նախարարության ոսկե մեդալ (2007)
• Հայաստանի Հանրապետության ժողովրդական արտիստ
• «Հայակ» հայկական ամենամյա առաջին կինոմրցանակաբաշխության Հատուկ մրցանակ (2012)

Գրականություն

• Հուրիխանյան Մ., Մի թողեք ճայերը ծիծաղեն, Երևան, 2003:
• Кино: Энциклопедический словарь/Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др.- М.: Сов. энциклопедия, 1987.- 640 с., 96 л.