Ազիզ Թամոյան

Վիքիպեդիայից՝ ազատ հանրագիտարանից
Ազիզ Ամարի Թամոյան
Ә'зизe Ә'мәр
Aziz Tamoyan.jpg
Ծնվել է հուլիսի 1, 1933 (83 տարեկան)
Ծննդավայր Զովունի, Հայաստան Հայաստան
Ազգություն Եզդի
Կրթություն Երևանի անասնաբուծական-անասնաբուժական ինստիտուտ
Աշխատավայր «Եզդիների ազգային միություն» ՀԿ նախագահ
Aziz Tamoyan Վիքիպահեստում

Ազիզ Թամոյան (Ազիզե Ամար, եզդիերեն՝ Ә'зизe Ә'мәр, հուլիսի 1, 1933, Զովունի), եզդիների աստվածաբանության և պատմության դոկտոր, պրոֆեսոր, «Եզդիների ազգային միություն» ՀԿ նախագահ:

ՀՀ Նախագահ՝ Սերժ Սարգսյան և «Եզդիների ազգային միության» նախագահ՝ Ազիզ Թամոյան
Հայաստանի եզդիական համայնքի դրոշը, որը հիմնվել է 1988 թ. «Եզդիների ազգային միության» կողմից

Կենսագրություն[խմբագրել | խմբագրել կոդը]

Ազիզ Ամարի Թամոյանը ծնվել է 1933 թվականի հուլիսի 1-ին, Շահումյանի շրջանի Ամո գյուղում (այժմ ՀՀ Կոտայքի մարզի Զովունի գյուղ)։ Ավարտել է Երևանի թիվ 93 միջնակարգ դպրոցը։ 1958-1965 թթ. աշխատել է Ամո գյուղում, որպես դասվար, իսկ 1965-1983 թվականներին՝ Զովունի գյուղի միջնակարգ դպրոցում, որպես փոխտնօրեն՝ դաստիարակության գծով։

1960-1972 թվականներին աշխատել է որպես Ամո գյուղի գյուղապետ։ 1963-1990 թվականներին եղել է ՍՄԿԿ անդամ։ Աշխատանքին զուգահեռ 1965 թվականին ընդունվել է Հոկտեմբերյանի գյուղատնտեսական տեխնիկումի դաշտավարական բաժինը, որն ավարտել է 1971 թվականին։ 1972 թվականին ընդունվել է Երևանի մարքսիզմ-լենինիզմի համալսարան և այն ավարտել 1974 թվականին։ 1983-1986 թվականներին աշխատել է Զովունի գյուղի խորհտնտեսությունում, որպես փոխտնօրեն՝ օժանդակ տնտեսությունների գծով։ 1986-1992 թվականներին Նաիրիի շրջանի անասնամթերումների գրասենյակի տնօրեն։ 1988 թվականին ավարտել է Երևանի անասնաբուծական-անասնաբուժական ինստիտուտը։

Գործունեություն[խմբագրել | խմբագրել կոդը]

1989 թվականի սեպտեմբերի 30-ին ընտրվել է «ՀՀ եզդիների ազգային միության» նախագահ, իսկ 1997 թվականին՝ «Աշխարհի Եզդիների ազգային միություն» կազմակերպության նախագահ։

1988-1994 թվականներին մասնակցել է Արցախյան շարժմանը, ղեկավարելով եզդիական կամավորական ջոկատը, որը կոչել եզդիների ազգային հերոս՝ Ջհանգիր աղայի անունով, եղել է ջոկատի կազմակերպիչն ու մարտական գործողությունների շտաբի պետը, հրամանատարը‌[փա՞ստ]։

Միաժամանակ մասնակցել է երկրաշարժի փրկարարական աշխատանքներին, եզդիական ջոկատով փրկել են տասնյակ մարդկանց և երկրաշարժի գոտուն ցուցաբերել նյութական օգնություն: 1991 թվականից մինչև օրս «Եզդիների ձայն», իսկ հետագայում «Էզդիխանա» թերթի տնօրենն է։

Մասնակցել է եզդիերեն դասագրքերի ստեղծմանը, ղեկավարել դրանց աշխատանքը, ընդ որում, 1-2-րդ և 4-10-րդ դասարանների դպրոցական դասագրքերի համահեղինակն է ու 3-րդ դասարանի դպրոցական դասագրքի հեղինակը։ Միաժամանակ «Եզդի ժողովրդի սխրանքը Ղարաբաղյան պատերազմում», «Մենք Եզդի ենք», «Մի գերդաստանի պատմություն», «Եզդի ժողովրդի մասնակցությունը Ղարաբաղյան պատերազմում» գրքերի հեղինակն է։

2007 թվականի դեկտեմբերի 15-ին իրանագիտության Կովկասյան Կենտրոնի գիտական խորհրդի որոշմամբ եզդիական կրոնի և եզդի ժողովրդի պատմության բնագավառում ունեցած ակնառու վաստակի համար իրեն շնորհվել է Եզդիների ազգային պատմության և աստվածաբանության դոկտոր պրոֆեսորի կոչում, ինչպես նաև 2012 թվականի դեկտեմբերի 21-ին ընտրվել է Աշխարհի ժողովուրդների հոգևոր միասնության միջազգային ակադեմիայի ակադեմիկոս։

Պարգևներ[խմբագրել | խմբագրել կոդը]

  • Եզդի ժողովրդի ազգային հերոս և ոսկե մեդալ - Ղարաբաղյան պատերազմում և հայոց պետականության վերականգնման գործընթացում մատուցած ծառայությունների համար, եզդի ժողովրդի համար մատուցած ծառայությունների համար «ՀՀ Եզդիների ազգային միության» նախագահության 1992 թվականի նոյեմբերի 27-ի որոշմամբ:
  • «Եզդի ժողովրդի ազգային հերոսի» կրկնակի կոչում - 2005 թվականի ապրիլի 13-ին, «ՀՀ եզդիների ազգային միության» որոշմամբ: Արժանացել է այն մեծ ծառայությունների համար, կազմակերպել և ղեկավարել եզդի ժողովրդի պայքարը պետականորեն եզդի ժողովրդի անվան վերականգնման համար։
  • «Մարշալ Հ. Ք. Բաղրամյանի անվան» մեդալ - 2007 թվականի հունվարի 23-ին ՀՀ պաշտպանության նախարար Ս. Սարգսյանի թիվ 78 հրամանով:
  • «Անդրանիկ Օզանյան» մեդալ,
  • «ՀՀ Բանակի 20 ամյակի» մեդալ:

Գրականություն[խմբագրել | խմբագրել կոդը]