Ազիզյանները

Ազիզյանները, հայկական կատակերգական սիթքոմ: Հեռաձարկվել է «Արմենիա Պրեմիում» հեռուստաալիքով։ Պրեմիերան տեղի է ունեցել 2016 թվականի հոկտեմբերի 31-ին և ավարտվել է 2019 թվականի դեկտեմբերի 31-ին։

Ազիզյանները
Ժանր	սիթքոմ
Երկիր	Հայաստան
Լեզու	հայերեն
Ռեժիսոր	Արման Մարության
Գլխավոր դերերում	Հայկ Մարության Անի Լուպե Բորիս Բաղդասարով Մարի Պետրոսյան Ստեփան Հովհաննիսյան
Պրոդյուսեր	Հայկ Մարության Արման Մարության
Սցենարիստ	Ռոբերտ Մարտիրոսյան Վան Գրիգորյան
Երաժշտություն	Apricota
Նկարահանման վայր	Երևան
Եթերաշրջանների քանակ	7
Սերիաների քանակ	143
Էկրաններին է	2016 թ․ հոկտեմբերի 31-ից 2019 թ․ դեկտեմբերի 31-ը
Հեռուստաալիք	Արմենիա ՀԸ
Ընկերություն	Կարգին ստուդիա
Պատկերի ձևաչափ	1080p
Կարգավիճակ	ավարտված
Պաշտոնական կայքէջ

Սիթքոմը հեռարձակվել է նաև «Արմենիա ՀԸ» եթերում:

2025 թվականի հոկտեմբերի 21–ին անոնսավորվել է Ազիզյանների թատերական ներկայացումը ՝ «Ազիզյանները թատրոնում», որը պարունակում է թարմացված սյուժե, շարունակելով 7–րդ եթերաշրջանի ավարտից հետո բխող դեպքերը և մասսամբ փոխվել է դերասանական կազմը։ Ներկայացումը բեմադրվում է Գ․ Սունդուկյանի անվան ազգային ակադեմիական թատրոնում։

Ազիզյանների նախատիպը հանդիսանում է ամերիկյան «Married... with Children» սիթքոմը, որի հիման վրա էլ ձևավորվել է նախագիծը։ Սակայն այն չի կրկնօրինակում օրիգինալը․ սցենարը, կերպարները, դեպքերն ու իրադարձությունները գրվել են զրոյից։

Սյուժե

Սիթքոմը պատմում է Ազիզյանների ընտանիքի մասին, որտեղ ընտանիքի հայր Գառնիկ Ազիզյանը հանդիսանում է միակ աշխատողը։ Նա ամեն օր հոգնած վիճակում գալիս է տուն և տեսնում է իր ընտանիքի կռիվները, վեճերը, և ընդհանուր առօրյան։ Գառնիկի կինը ՝ Ռուզաննան, լինելով տնային տնտեսուհի տանը ոչինչ չի անում, և իր օրը անցկացնում է սերիալներ դիտելով։ Նրանց ընտանիքի ավագ որդին ՝ Ազատը, միշտ փորձում է ինչ–որ մասնագիտություն ձեռք բերել, փորձելով տարբեր աշխատանքներ, նրա զույգ քույրը ՝ Մարին զբաղվում է Ինստագրամում բլոգգերությամբ, իսկ կրտսեր որդի Լևոնը սովորում է դպրոցում, պարբերաբար ծաղրելով ավագ եղբորը։ Պարբերաբար իրենց այցելում են նոր հարևաններ Ալիկը և Իրինան, որոնցից Ալիկը տնփեսայի կարգավիճակով ապրում է Իրինայի հետ միասին և հաճախ գտնվում է իր ավտոտնակում, իսկ Իրինան իրենց ընտանիքի գլխավոր որոշումներ կայացնողն է։

Դերերում

Դերակատար	Կերպար	Եթերաշրջան	Նկարագրություն
Հայկ Մարության	Գառնիկ Ազիզյան	1-4	Ընտանիքի հայր, աշխատում է հագուստի խանութում որպես վաճառող։ Դյուրագրգիռ է, առանձնապես չի սիրում իր ընտանիքը անընդհատ վեճերի և կոնֆլիկտների պատճառով
Անի Լուպե	Ռուզաննա Ազիզյան	1-7	Գառնիկի կինը, տնային տնտեսուհի։ Հիմնականում իր օրը անցկացնում է հեռուստացույցով սերիալներ դիտելիս։
Բորիս Բաղդասարով	Ազատ Ազիզյան	1-7	Ընտանիքի ավագ զավակը։ Նրան 4–րդ դասարանից հեռացրել են դպրոցից, և այդ ժամանակվանից նա ոչ մի տեղ չի սովորում։ Ամեն օր նոր մասնագիտություն է որոնում, որով նա կարող է հետագայում աշխատել։
Մարի Պետրոսյան	Մարի Ազիզյան	1-7	Ընտանիքի ավագ դուստրը, Ազատի զույգ քույրը։ Վարում է ինստագրամյանբլոգ, հետաքրքրվում նորաձևությամբ։
Ստեփան Հովհաննիսյսան	Լևոն Ազիզյան	1-7	Կրտսեր զավակը։ Սովորում է դպրոցում, կրթված է, օգտվելով առիթից ծաղրում է իր ավագ եղբորը։
Իշխան Ղարիբյան	Ալիկ Ռշտունի	1-7	Ազիզյանների նոր հարևանը։ Հիմնականում անցկացնում է օրը իր ավտոտնակում, հաճախ այցելում է Ազիզյանների տուն։
Սաթենիկ Հազարյան	Իրինա Ռշտունի	1-7	Ազիզյանների նոր հարևանը, Ալիկի կինը։ Իրենց տան գլխավոր որոշումներ կայացնողն է։ Այցելում է Ազիզյանների տուն, և այդքան էլ չի սիրում Գառնիկին։
Սուրեն Առուստամյան	Էմիլ	1-4,6-7	Գառնիկի աշխատակիցն է։ Ունի համակրանք աղջիկների հանդեպ և հաջողությունների է հասնում այդ առումով։ Չի կորցնում առիթը կատակելու Գառնիկի մասին։
Արև Սանթրոսյան	Լուսիկ	1-7
Տարոն Իսպիրյան	Վիլեն	2-7
Արամ Թորգոմյան	Ալեն	3
Նարինե Ոսկանյան	Դոնարա	4-7
Մարիա Ենոքյան	Եվա	4
Գարիկ Պապոյան	Ջիվան	5-7
Փառանձեմ Սահակյան	Դոնարա	7

Սերիայի ակնարկ

Եթերաշրջան	Սերիաների քանակ	Սկզբնապես հեռարձակվել և ավարտվել է
		Առաջին եթեր	Վերջին եթեր
1	24	Հոկտեմբերի 31, 2016	Փետրվարի 1, 2017
2	24	Ապրիլի 3, 2017	Հունիսի 21, 2017
3	24	Հոկտեմբերի 16, 2017	Հունվարի 3, 2018
4	24	Ապրիլի 2, 2018	Հունիսի 20, 2018
5	23	Հոկտեմբերի 15, 2018	Դեկտեմբերի 31, 2018
6	12	Մարտի 18, 2019	Հունիսի 3, 2019
7	12	Հոկտեմբերի 10, 2019	Դեկտեմբերի 31, 2019