Ազարիա Ադելյան

Վիքիպեդիայից՝ ազատ հանրագիտարանից
Jump to navigation Jump to search
Ազարիա Ադելյան
Ծնվել է1871
ԾննդավայրՄեղրի
Վախճանվել է1903
Մասնագիտությունգրող
Լեզուհայերեն
Ազգությունհայ
Ազարիա Ադելյան Վիքիդարանում

Ազարիա Մարտիրոսի Ադելյան (Դանիելյան) (1871, Մեղրի - 1903), հայ գրող, գյուղագիր։

Կենսագրություն[խմբագրել | խմբագրել կոդը]

Ծնվել է հունիսի 17-ին, Մեղրիում։ Սովորել է Բաքվի ռեալական ուսումնարանում, ավարտել Ռիգայի պոլիտեխնիկական ինստիտուտի քիմիական ֆակուլտետը (1901)։ Ուսանողական տարիներին մտերմացել է Ստեփան Շահումյանի հետ, ընդգրկվել «Թեորետիկ» մարքսիստական խմբակում։

Ազարիայի պատմվածքներում («Ներհակ Առաքելը», «Նրա ցավը», «Հիվանդոտ խիղճը», «Երկու կրակի մեջ») և վիպակներում («Տգիտության զոհեր», «Սկեսուր») պատկերված են 19-րդ դարի 70-90-ական թվականների հայ գյուղի սոցիալական ներհակությունները[1]։ Նարոդնիկական գաղափարների ազդեցությամբ Ազարիան տարվել է մտավորականության գյուղափրկչական-լուսավորական ծրագրերով, բայց որպես ռեալիստ հանգել է այդ ճանապարհով գյուղը վերափոխելու անհնարինությանը։ Ազարիան գյուղական սպառողական առաջին կոպերատիվի կազմակերպիչներից է Հայաստանում (Մեղրի, 1901)[2][3]։

Մահ[խմբագրել | խմբագրել կոդը]

Մահացել է նոյեմբերի 9-ին, Նախիջևանում։

Ստեղծագործություններ[խմբագրել | խմբագրել կոդը]

  • Ներհակ Առաքելը, պատմվածք:
  • Նրա ցավը, պատմվածք:
  • Երկու կրակի մեջ, պատմվածք:
  • Տգիտության զոհեր, վիպակ:
  • Սկեսուր, վիպակ:
  • Երկերի ժողովածու, Երևան, 1950:

Գրականություն[խմբագրել | խմբագրել կոդը]

«Ազարիա Ադելյան», Սուրեն Դանիելյան, ՀԽՍՀ ԳԱ հրատարակչություն: 1964, 162 էջ[4]:

Ծանոթագրություններ[խմբագրել | խմբագրել կոդը]

  1. «Էջ:Literature, Harutyun Surkhatian.djvu/569 — Վիքիդարան»։ hy.wikisource.org։ Վերցված է 2019-05-19 
  2. Ով ով է. Հայեր. Կենսագրական հանրագիտարան, հատոր առաջին, Երևան, 2005:
  3. «AV Production - Ազարիա Ադելյան»։ avproduction.am։ Վերցված է 2019-05-19 
  4. Դանիելյան Սուրեն (1964)։ Ազարիա Ադելյան (հայերեն)։ HSSṚ GA hratarakchʻutʻyun 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png