Ադրիան Նիկչի

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Ադրիան Նիկչի
YB vs. FCL - Nikci 2.jpg
Անձնական տվյալներ
Քաղաքացիությունը Flag of Switzerland.svg Շվեյցարիա և Flag of Kosovo.svg Կոսովո
Ծննդյան ամսաթիվ նոյեմբերի 10, 1989(1989-11-10)[1] (29 տարեկան)
Ծննդավայր Սարաևո, Հարավսլավիա
Հասակ 178 սմ
Քաշ 74 կիլոգրամ
Դիրք Կիսապաշտպան
Ակումբային տեղեկություններ
Ներկա ակումբ Ունիոն (Բեռլին)
Համար 14
Պատանեկան կարիերա
1995-2001 Շվեյցարիա Ուստեր
2002-2007 Շվեյցարիա Ցյուրիխ
Մասնագիտական կարիերա*
Տարի Ակումբ Խաղ (Գոլ)
2007-2012 Շվեյցարիա Ցյուրիխ 112 (17)
2012-2015 Գերմանիա Հաննովեր 96 4 (1)
2012-2014 Գերմանիա Հաննովեր 96 II 10 (0)
2014  Շվեյցարիա Տուն 16 (3)
2014-2015  Շվեյցարիա Յանգ Բոյզ 8 (0)
2015 Գերմանիա Նյուրնբերգ 5 (0)
2015 Գերմանիա Նյուրնբերգ II 1 (0)
2015-այժմ Գերմանիա Ունիոն 4 (0)
Ազգային հավաքական
2008-2010 Շվեյցարիա Շվեյցարիա (երիտ.) 16 (3)
* Մասնագիտական կարիերայում ընդգրկված են միայն առաջնության խաղերը և գոլերը:

Ադրիան Նիկչի (ալբ․՝ Adrian Nikçi, նոյեմբերի 10, 1989(1989-11-10)[1], Սարաևո, ՀՍՖՀ), շվեյցարացի ֆուտբոլիստ (ծագումով Կոսովոյից է), որ խաղում է կիսապաշտպանի դիրքում։ Ներկայում հանդես է գալիս գերմանական «Ունիոն Բեռլին» ակումբի կազմում։

Ակումբային կարիերա[խմբագրել | խմբագրել կոդը]

Ադրիան Նիկչին ֆուտբոլով զբաղվել սկսել է շվեյցարական «Ուստեր» ակումբում։ 2002 թվականի հունվարին նա տեղափոխվել է «Ցյուրիխ» ակումբ։ 2008/09 մրցաշրջանում Ադրիան Նիկչին ընդգրկվել է ակումբի հիմնական կազմում՝ այդ մրցաշրջանում մասնակցելով 34 հանդիպման և խփելով 4 գոլ։ Այդ ժամանակ «Ցյուրիխը» դարձել է Շվեյցարիայի չեմպիոն։ «Ցյուրիխի» կազմում Ադրիան Նիկչին իր առաջին գոլը խփել է Շվեյցարիայի գավաթի առաջնության 2008/09 մրցաշրջանում. դա եղել է միակ գոլը «Շաֆհաուզենի» դեմ խաղում[2]: Սուպերլիգայում Ադրիան Նիկչին առաջին անգամ աչքի է ընկել 2009 թվականի մարտի 8-ին՝ «Լյուցերնի» հետ հանդիպման ժամանակ. այդ խաղի ամենավերջում նա դուբլ է ձևակերպել՝ մեծ ներդրում ունենալով իր թիմի հաղթանակի ձեռքբերման գործում[3]: Ադրիան Նիկչին «Ցյուրիխի» կազմում մասնակցել է նաև եվրaգավաթների, որտեղ իր առաջին գոլը նա խփել է 2009/10 ՈՒԵՖԱ Չեմպիոնների լիգայի որակավորման փուլի ընթացքում՝ «Մարիբոր» ակումբի դեմ խաղի հաշիվը դարձնելով 3:0[4]:

2012 թվականի ամռանը Ադրիան Նիկչին 600 հազար եվրոյի դիմաց տեղափոխվել է գերմանական «Հաննովեր 96»[5]: Գերմանական Բունդեսլիգայում Ադրիան Նիկչին առաջին անգամ խաղադաշտ է դուրս եկել 2012 թվականի օգոստոսի 26-ին՝ «Շալկե 04» ակումբի դեմ տնային խաղի ժամանակ, որի ընթացքում էլ նա աչքի է ընկել առաջին անգամ՝ հանդիպման 80-րդ րոպեին հավասարեցնելով խաղի հաշիվը[6]: Սեպտեմբերի վերջին Ադրիան Նիկչին տեղափոխվել է հիվանդանոց, որտեղ նրա մոտ ախտորոշվել է մենինգիտ[7]:

Ֆուտբոլիստը հիվանդանոցից դուրս է գրվել երկու շաբաթ անց։ Հիվանդության ու վնասվածքների պատճառով Ադրիան Նիկչին մասնակցել է քիչ թվով խաղերի, իսկ 2014 թվականի հունվարին «Հաննովեր 96»-ի նոր մարզիչ Տայֆուն Կորկուտը Նիկչիին ուղարկել է ակումբի երկրորդական կազմ՝ պատճառաբանելով, թե նա քիչ է մարզվել[8]: Շուտով Ադրիան Նիկչին վարձավճարով սկսել է խաղալ «Տուն» ակումբում։ 2015 թվականին Ադրիան Նիկչին մի որոշ ժամանակ խաղացել է «Նյուրնբերգ» ակումբում, որից հետո՝ նույն թվականին, տեղափոխվել է «Ունիոն» ակումբ։

Կարիերան հավաքականում[խմբագրել | խմբագրել կոդը]

2008-2010 թվականներին Ադրիան Նիկչին Շվեյցարիայի երիտասարդական հավաքականի կազմում մասնակցել է 16 խաղի և խփել 3 գոլ։

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt — 2000.
  2. «FC Schaffhausen 0:1 FC Zürich» (անգլերեն)։ Վերցված է 8 ապրիլի, 2016 
  3. «FC Luzern 1:3 FC Zürich» (անգլերեն)։ Վերցված է 8 ապրիլի, 2016 
  4. «Maribor 0:3 FC Zürich» (անգլերեն)։ Վերցված է 8 ապրիլի, 2016 
  5. «Германия трансферная. Летние переходы»։ Վերցված է 8 ապրիլի, 2016 
  6. «Hannover 96 2:2 Schalke 04» (անգլերեն)։ Վերցված է 8 ապրիլի, 2016 
  7. «Никчи заболел менингитом»։ Վերցված է 8 ապրիլի, 2016 
  8. «Ганновер 96: новый тренер, новая тактика»։ Վերցված է 8 ապրիլի, 2016 

Արտաքին հղումներ[խմբագրել | խմբագրել կոդը]