Աբաս Աբդուլլա
Աբաս Աբդուլլա | |
---|---|
Ծնվել է | մայիսի 12, 1940 |
Ծննդավայր | Քվեմո Բոլնիսի, Բոլնիսի շրջան, Վրացական ԽՍՀ, ԽՍՀՄ |
Վախճանվել է | սեպտեմբերի 4, 2019 (79 տարեկան) |
Մասնագիտություն | բանաստեղծ և գրական քննադատ |
Քաղաքացիություն | ԽՍՀՄ և Ադրբեջան |
Կրթություն | Բաքվի պետական համալսարան |
Պարգևներ | |
Աբաս Աբդուլլա Վիքիդարանում |
Աբբաս Աբդուլլա (1940 թվականի մայիսի 12, գ. Բոլուս Կեպենեչկի[1], Վրացական Խորհրդային Սոցիալիստական Հանրապետություն), ադրբեջանցի գրող, գրականագետ, թարգմանիչ, քննադատ։ Եղել է Ադրբեջանի գրողների միության անդամ։
Կենսագրություն[խմբագրել | խմբագրել կոդը]
1963 թվականին ավարտել է Բաքվի պետական համալսարանը։ 1964-1965 թվականներին փորձաշրջան է անցել Ուկրաինայի ԽՍՀ գիտությունների ազգային ակադեմիայի գրականության ինստիտուտի շևչենկոյագիտության բաժնում։
1987 թվականից եղել է գրական «Улдуз» («Աստղ») ամսագրի գլխավոր խմբագիրը։ «Հայրենական շեմ» (1970), «Սև-սպիտակ աշխարհ» (1980), «Դեմքով մինչև լուսաբաց» (1984) և «Դեպի հավերժություն գնացող քարավանը» (1987) ժողովածուների հեղինակն է։ Նշված երկրորդ և երրորդ հավաքածուների բանաստեղծություններից ընդգրկվել են «Ուկրաինայի նախշեր» բանաստեղծությունների շարքի մեջ։
«Ադրբեջանական-ուկրանիական գրական կապեր» (1982) մենագրության մեջ ուսումնասիրել է երկու գրականությունների հարաբերությունները 1840-1940 թվականներին ընկած ժամանակահատվածում։
Բանաստեղծություններ գրելուց բացի հայտնի է դարձել նաև որպես գրական քննադատ և թարգմանիչ։ Նա թարգմանել է ուկրանիացի գրողներ Տարաս Շևչենկոյի, Լեսյա Ուկրաինկայի, Իվան Դրաչի, Լ. Շապովոլայի ստեղծագործությունները։
Որպես թարգմանիչ և կազմող մասնակցել է ժամանակակից ուկրանիական պոեզիայի երկու` «Դրոշ և արև» (1978), «Կամուրջներ» անթոլոգիաների, Տ. Շևչենկոյի «Իմ մտքեր, իմ մտքեր» բանաստեղծությունների ժողովածուի և ուկրաինական արձակի «Ոսկե ցորեն» ժողովածուի պատրաստմանը։ Նրա թարգմանությամբ լույս են ընծայվել Իվան Կոտլյարևսկու «Նատալկա Պոլտավկա» Լեսյա Ուկրաինկայի «Ջրահարսը», Մաքսիմ Ռիլսկու «Ծարավը» Ի. Դրաչի «Սրտի հրավիժակները» և «Բանաստեղծություններ և պոեմներ» ստեղծագործությունները։
Ա. Աբդուլայի առանձին ստեղծագործություններ ուկրաիներեն են թարգմանվել Մ. Միրոշնիչենկոյի, Պ. Մովչանի, Դ. Պավլիչկոյի, Պ. Պերեբեյնոսի և ուրիշների կողմից։
1984 թվականին արժանացել է Մաքսիմ Ռիլսկու անվան Ուկրանիայի հանրապետական գրական մրցանակի։
Ընտրված հրապարակումներ[խմբագրել | խմբագրել կոդը]
- Գրական համագործակցություն Ադրբեջանի և Ուկրանիայի միջև
- Հայկական հարցը կամ «Գողն աղմկում է` մահվան չափ սարսափեցնելով արդարին»
Հրապարակումները հայերեն[խմբագրել | խմբագրել կոդը]
Մամուլ[խմբագրել | խմբագրել կոդը]
- Բանաստեղծություններ։ «Գարուն», 1979, թիվ 8, էջ 67։
Ծանոթագրություններ[խմբագրել | խմբագրել կոդը]
- ↑ Այժմ` Քվեմո-Բոլնիսի, Բոլնիսի շրջան, Քվեմո Քարթլիի մարզ, Վրաստան
Գրականություն[խմբագրել | խմբագրել կոդը]
- Українська Літературна Енциклопедія. — К., 1988. — Т. 1: А-Г. — С. 7-23. (ուկր.)
- Մայիսի 12 ծնունդներ
- 1940 ծնունդներ
- Վրաստանում ծնվածներ
- Սեպտեմբերի 4 մահեր
- 2019 մահեր
- Բաքվի պետական համալսարանի շրջանավարտներ
- Անձինք այբբենական կարգով
- Գրողներ այբբենական կարգով
- Խորհրդային բանաստեղծներ
- Ադրբեջանցի բանաստեղծներ
- Խորհրդային թարգմանիչներ
- Ադրբեջանցի գրաքննադատներ
- Խորհրդային գրողներ
- Գրական կեղծանուններով հայտնի հեղինակներ
- Բանաստեղծներ այբբենական կարգով
- Խորհրդային գրականագետներ