Արարատ-73-ի քառասունամյակի հուշարձան

«Արարատ-73»-ի 40-ամյակի հուշարձան;
	«Արարատ-73»-ի 40-ամյակի հուշարձանը Ագարակ գյուղում
Տեսակ	հուշարձան
Քանդակագործ	Վարազդատ Համբարձումյան և Աշոտ Դավայան
Ստեղծում	հոկտեմբերի 6, 2013
Երկիր	Հայաստան
Բնակավայր	Ագարակ
Շինության ձև	արձան
Ներկա վիճակ	կանգուն

«Արարատ-73»-ի 40-ամյակի հուշարձան, գտնվում է Արագածոտնի մարզի Ագարակ գյուղում, տեղադրվել է 2013 թվականի հոկտեմբերի 6-ին։

Հեղինակներ[խմբագրել | խմբագրել կոդը]

Հուշարձանը կառուցվել է բարերար Հրաչյա Պողոսյանի միջոցներով և նախաձեռնությամբ Արագածոտնի մարզի իր հայրենի Ագարակ գյուղում։

Պատմություն[խմբագրել | խմբագրել կոդը]

1973 թվականի հոկտեմբերի 10-ին կայացած ԽՍՀՄ ֆուտբոլի գավաթի եզրափակչի դրամատիկ մրցապայքարում 2:1 հաշվով հաղթելով Կիևի «Դինամոյին»՝ «Արարատը» նվաճեց ԽՍՀՄ գավաթը, իսկ 18 օր անց, Երևանում 3:2 հաշվով հաղթելով Լենինգրադի «Զենիթին», պաշտոնապես ձևակերպեց ոսկե դուբլ՝ նվաճելով երկրի չեմպիոնի կոչումը։

Հուշարձանը տեղադրվել է ԽՍՀՄ առաջնությունում 1973 թվականին «Արարատ» ֆուտբոլային թիմի հաղթանակի 40-րդ տարեդարձի առթիվ։ Հուշարձանի բացմանը ներկա էին Հայաստանի սպորտի և երիտասարդության հարցերի նախարար Յուրի Վարդանյանը, Հայաստանի պաշտպանության նախարար Սեյրան Օհանյանը, Արագածոտնի թեմի առաջնորդ Մկրտիչ Պռոշյանը, ԱԺ պատգամավորներ Աշոտ Աղաբաբյանը, Գալուստ Սահակյանը, ԱԺ փոխխոսնակ Հերմինե Նաղդալյանը^[2]։