Ամատունի Վիրաբյան
| Ամատունի Սասունիկի Վիրաբյան | |
|---|---|
| Ծնվել է | 1956 օգոստոսի 17 |
| Ծննդավայր | Գեղանիստ, Շիրակի մարզ |
| Քաղաքացիություն |  Հայաստան |
| Կրթություն | Վանաձորի պետական մանկավարժական ինստիտուտ |
| Գիտական աստիճան | պատմական գիտությունների դոկտոր |
| Մասնագիտություն | պատմաբան |
| Աշխատանք | Հայաստանի ազգային արխիվի տնօրեն |
| Աշխատավայր | Հայաստանի ազգային արխիվ |
| Զբաղեցրած պաշտոններ | Հայաստանի ազգային արխիվի տնօրեն |
| Կուսակցություն | Հայաստանի կոմունիստական կուսակցություն (ՀՀ), Հայաստանի հանրապետական կուսակցություն |
| Պարգևներ և մրցանակներ |  |
| Հարազատներ | պապը՝ Ամատունի Ամատունի |
Ամատունի Սասունիկի Վիրաբյան (1956, օգոստոսի 17, Գեղանիստ, Շիրակի մարզ), հայ պատմաբան, պատմական գիտությունների դոկտոր։ Հայաստանի ազգային արխիվի տնօրեն (2003 թվական, ապրիլի 7)։
Կենսագրություն
1977 թվականին ավարտել է Կիրովականի պետական մանկավարժական ինստիտուտի պատմության ֆակուլտետը։ 1977-1980 թվականներին եղել է Կիրովականի սարքաշինական տեխնիկումի ԼԿԵՄ կոմիտեի քարտուղար, 1980-1991 թվականներին՝ ՀԿԿ Կենտկոմի կուսակցության պատմության ինստիտուտի կուսակցական արխիվում ավագ գիտական աշխատող, 1991-2001 թվականներին՝ Հայաստանի հանրապետության հասարակական-քաղաքական կազմակերպությունների փաստաթղթերի կենտրոնական պետական արխիվի տնօրենի տեղակալ։ 2001 թվականի հուլիսի 16-ին նշանակվել է ՀՀ կառավարությանն առընթեր արխիվային գործի վարչության պետ, 2002 թվականի սեպտեմբերի 25-ին՝ արխիվային գործի գործակալության պետ։ 2003 թվականի ապրիլի 7-ից ղեկավարում է Հայաստանի ազգային արխիվը[1]։
Պարգևներ և մրցանակներ
- Մովսես Խորենացու մեդալ (2011)[2]։
- 2013 թվականի ապրիլի 23-ին ՀՀ Նախագահի հրամանագրով նրան շնորհվել է Հայոց ցեղասպանության ճանաչման գործում նշանակալի ավանդ ներդրած անձանց շնորհվող մրցանակ[3]։
- Երևանի քաղաքապետի ոսկե մեդալ (2016)[4]
Գիտական հրապարակումներ
- «Հայաստանը Ստալինից մինչև Խրուշչով: Հասարակական-քաղաքական կյանքը 1945-1957 թվականներին» (Երևան, 2001 թվական):
- «Գրիգոր Հարությունյան. Կյանքն և գործունեությունը», Երևան, 2000 (համահեղինակ):
- «Լեռնային Ղարաբաղը 1918-1923 թվականներին, փաստաթղթերի և նյութերի ժողովածու», Երևան 1992 (համահեղինակ):
- «Նախիջևան-Շարուր 1918-1920 թվականներ, փաստաթղթեր և նյութեր», «Բանբեր Հայաստանի արխիվների», Երևան, 1993, N1-2 (համահեղինակ):
- «Փաստաթղթեր գոյապայքարի և ինքնահաստատման», «Բանբեր Հայաստանի արխիվների», Երևան 2001, N1 (համահեղինակ):
- «Հայաստանի Հանրապետությունը 1918-1920 թվականներին (քաղաքական պատմություն), փաստաթղթերի և նյութերի ժողովածու», Երևան, 2000 (համահեղինակ):
- «Համահայկական խորհրդակցություններ (1912-1920 թվականներ), փաստաթղթերի և նյութերի ժողովածու», Երևան, 2004, (համահեղինակ):
- «Վշտապատում, Հայոց մեծ եղեռնն ականատեսների աչքերով», Երևան, 2005, (համահեղինակ):