«Բիր Գրիլս»–ի խմբագրումների տարբերություն
Նոր էջ «{{Տեղեկաքարտ Անձ | ԱԱՀ = Բիր Գրիլս | բնագիր ԱԱՀ = Edward Michael Grylls | background-color = #ededed | պատկեր = Bear Grylls 2.jpg | չափ...»: |
(Տարբերություն չկա)
|
20:20, 17 փետրվարի 2016-ի տարբերակ
Բիր Գրիլս Edward Michael Grylls | |
---|---|
![]() Բիր Գրիլս | |
Ծնվել է | հունիսի 7, 1974 (41 տարեկան) |
Ծննդավայր | |
Քաղաքացիություն | ![]() |
Ազգություն | ![]() |
Կրոն | Evangelical Anglicanism? |
Կրթություն | Ludgrove School? |
Մասնագիտություն | ճանապարհորդ հետազոտող, հեռուստահաղորդավար, մոտիվացիոն խոսնակ, լեռնագնաց, գրող և արկածախնդիր |
Գործունեություն | ճանապարհորդ հաղորդավար |
Ամուսին | Շարա Գրիլս |
Ծնողներ | Մայքլ Գրիլս Սալլի Գրիլս |
Զբաղեցրած պաշտոններ | Chief Scout? |
Պարգևներ և մրցանակներ | |
Երեխաներ | Ջեսի, Մարմադյուկ[1] և Հաքլբերրի[2] |
Կայք | www.beargrylls.com |
![]() |
Էդվարդ Մայքլ «Բիր» Գրիլս (անգլ.՝ Edward Michael "Bear" Grylls, ծնվ․ հունիսի 7, 1974), բրիտանացի ճանապարհորդ, հեռուստատեսային հաղորդավոր և գրող: Հայտնի է դարձել «Ողջ մնալ ամեն գնով» հեռուստահաղորդման շնորհիվ[3][4]:
Կենսագրություն
Գրիլսը մինչև չորս տարեկան դառնալը ապրել է Դոնահադիում (Հյուսիսային Իռլանդիա), ապա նրա ընտանիքը տեղափոխվել է Ուայթ կղզիում գտնվող Բեմբրիջ գյուղը[5][6]: Նա Պահպանողական կուսակցությունում աշխատող քաղաքական գործիչ սըր Մայքլ Գրիլսի և Սալլի Գրիլսի (Սարա Ֆորդ) որդին է[7]: Նրա մորական տատը՝ Պատրիսիա Ֆորդը[8], եղել է Օլստերսկու ունիոնիստական կուակցության անդամներից է, իսկ պապը Նեվիլ Ֆորդը՝ կրիկետի պրոֆեսիոնալ խաղացող: Գրիլսը ունեցել է մեկ եղբայր և մեկ քույր[9]:
Գրիլսը սովորել է Լադգրոուվի դպրոցում, Էտոն քոլեջում և Լոնդոնի համալսարանում: Վաղ տարիներից նա զբաղվել է ժայռերի մագլցմամբ[10] և հոր հետ կատարել է առագաստային աշխատանք: Պատանի հասակում նա արժանացել է սյտոկան-կարատեյի սև գոտու (իսկ հիմա զբաղվում է յոգայով): Գրիլսը տիրապետում է անգլերենի, իսպաներենի և ֆրանսերենի: Գրիլսը քրիստոնյա է և հավատը համարում է իր կյանքի հիմքը[11]:
Գրիլսը 2000 թվականին ամուսնացել է Շարա Գրիլսի (ի ծնե Քաննինգս Նայթ) հետ[8][12]: Նրանք ունեն երեք երեխա. Ջեսի (ծնվել է 2003 թվականի հունիսի 10-ին), Մարմադյուկ (ծնվել է 2006 թվականի ապրիլի 6-ին)[2], Հաքլբերրի (ծնվել է 2009 թվականի հունվարի 15-ին ծննդաբերության բնական մեթոդով՝ Գրիլսի ջրի վրա գտնվող տանը)[1]:
Զինվորական ծառայություն
Համալսարանը ավարտելուց հետո Գրիլսը իր զինվորական ծառայությունն է սկսում բրիտանական բանակում[13] և անց է կացնում մի քանի ամիս Հիմալայներում՝ Սիկիմում և Արևմտյան Բենգալիայում: 1994-1997 թվականներին Գրիլսը ծառայում է ՀՆԶ-ում: Երկու անգամ լինում է Հյուսիսային Աֆրիկայում: 1996 թվականին Զամբիայում պարաշյուտային թռիչքի ժամանակ ստանում է վնասվացք[14]: Պարաշյուտի գմբեթը պատռվում է 500 մետր բարձրության վրա: Գրիլսը ընկնում է մեջքի վրա՝ վնասելով երեք ողն[15]: Որոշ ժամանակ անց նա ասում է. «Ես պետք է ձերբազատվեի հիմնական պարաշյուտից և օգտագործեի պահեստային պարաշյուտը, սակայն մտածում էի, որ ժամանակ կա խնդիրը լուծելու համար»[16]: Հաջորդ տասնութ ամիսները Գրիլսը անց է կացնում Հեդլի կորտի ռազմական ռեաբիլիտացիոն կենտրոնում[16]:
Էվերեստ
1998 թվականի մայիսի 26-ին Գրիլսը իրականություն է դարձնում Էվերեստի հետ կապված իր մանկական երազանքը (նա այդ մասին երազում էր ութ տարեկան հասակից, երբ հայրը նրան նվիրում է Էվերեստի պատկերով նկար): Նա հայտնվում է Գինեսի ռեկորդների գրքում, որպես ամենաերիտասարդ բրիտանացին, ով բարձրացել է Էվերեստի գագաթը (23 տարեկան): Սա տեղի է ունենում ստացած վնասվացքից ընդամենը տասնութ ամիս անց: Պետք է ասել, որ Ջեյմս Ալենը, ով իր ավստրալիական թմով 1995 թվականին բարձրացել էր Էվերեստ, այդ ժամանակ 22 տարեկան էր[17][18] և նա ուներ երկակի քաղաքացիություն՝ Բրիտանիայի և Ավստրալիայի: Գրիլսի արշավը տևում է շուրջ երեք ամիս՝ Էվերեստի հյուսիսարևելյան մասում: Սկզբում եղել էր «ստուգողական» արշավ, որի ժամանակ Գրիլսը ընկելով սառցարան կիրճի մեջ ստացել էր հարված, կորցրել գիտակցությունը և ուշքի գալով նկատել էր, որ ճոճվում է պարանի ամենավերևում[19][20]: Այս արկածներին հաջորդել են մեկ շաբաթ տևողությամբ կլիմայավարժացման արշավները, որի մեջ են մտնում Կհումբու և Արևմտյան կրկես սառցարանների և 1524 մետրանոց սառույցե պատի հաղթահարումը: SAS-ի նախկին զինվոր՝ Նիլ Լոտոնի հետ նա բարձրանում է լեռան գագաթը՝ կրելով իր վրա մի շարք դժվարություններ[2][21][22]:
Նման բարձրության հաղթահարմանը պատրաստվելու համար 1997 թվականին Գրիլսը բարձացել էր Ամա Դաբլամի գագաթոը, սակայն այդ դեպքը սըր Էդմունդ Հիլլարին համարել էր ոչ օրինական[23]:
Այլ արշավներ
Նավարկումը Բրիտանական կղիների շուրջը
2000 թվականին Գրիլսը գլխավորում էր մի թիմ, որը անհատական նավակներով երեսուն օրվա ընթացքում շրջանցել էր Բրիտանական կղզիները և ինչպես նաև հիդրոցիկլներով նավարկում կատարելով կատարել էին փրկարարական աշխատանքներ ինչի շնորհիվ հավաքել էին գումար Ազգային Թագավորական համալսարանի համար[24][25]:
Հյուսիսային Ատլանտիկայի հատում
Երեք տարի հետո Գրիլսը գլխավորում էր հինգ հոգուց կազմված մի թիմ, որի մեջ էր նաև իր մանկության և Էվերեստի հաղթահարման ընկեր Միկ Քրոսթուեյթը: Նրանք առաջին անգամ պետք է առանց կողմնակի օգնության՝ փչովի նավակով պիտի հատեին Հյուսիսային Ատլանտիկան: Նրանք Հալիֆաքսից (Նոր Շոտլանդիա) լողալով մինչև Ջոն Օ’ Գրոաթս (Շոտլանդիա) հաղթահարեցին՝ ութ բալանոց քամուն, ծրտահարությանը, այսբերգներին և փոթորիկներին[26][27]:
Այս արշավից հետո Գրիլսին շնորհվում է Ռազմածովային փոխ-ծովակալի պատվավոր կոչումը[28]:
Պարամոտորով թռիչքը Անխել ջրվեժից
2005 թվականին Գրիլսը գլխավորում էր առաջին թիմը, որը պատրաստվում էր պարամոտորով թռիչք կատարել աշխարհի ամենաբարձր ջրվեժից՝ Անխելից[29][30]:
Հրավիրյալ ճաշ բարձրության վրա
2005 թվականին Գրիլսը ալպինիստ և օդագնաց Դևիդ Հեմպլման-Ադամսի և Թագավորական ծովային նավատորմի ղեկավար՝ կապիտան-լեյտենանտ Ալան Վիլի հետ պաշտոնապես դառնում է օդում՝ հրավիրյալ ճաշի աշխարհի ռեկորդակիր[31]։ Նրանք ճաշել էին 7620 մետր բարձրության վրա։ Այս կարևոր իրադարձությունից առաջ որպես պարապունք Գրիլսը կատարել էր քսան պարաշյուտային թռիչք[32]։
Թռիչք Հիմալայների վրայով
2007 թվականին Գրիլսը հայտարարում է, որ սահմանել է նոր համաշխարհային ռեկորդ, ըստ որի նա Հիմալայների շուրջը՝ պարամոտորով թռիչք էր կատարել ավելի մեծ բարձրության վրա, քան Էվերեստի շուրջը կատարած բարձրության ժամանակ[33]։ Գրիլսը բարձրացել էր 4419,6 մետր, որը ութ միլով ավելի էր Էվերեստի շուրջը կատարած թռիչքի բարձրությունից։ Նա նշել է, որ թռիչքի կատարման ժամանակ ջերմաստիճանը եղել է 60 աստիճան ցելսիուս և ավելի ցածր։ Նա դիմադրել է թթվածնի «քչության» վտանգավոր չափը և հասել է 8991,6 մետր բարձրության, ավելի կոնկրետ համարյա 3048 մետրով բարձր, քան նախկին ռեկորդի հեղինակի բարձրության չափն էր՝ 6101,8 մետր։ Այս թռիչքի համար նկարահանվել է ֆիլմ «Channel 4» (Մեծ Բրիտանիայի համար) և «Դիսքավերի» (ամբողջ աշխարհի համար) հեռուստաալիքների կողմից[34]։
Գրիլսը սկզբում պլանավորել էր կատարել թռիչք Էվերեստի վրայով, սակայն նրան թուլյատրված էր թռչել միայն հարավային մասով և նա Էվերեստի վրայով թռիչք չկատարեց, քանի որ կար վտանգ, որ չինական օդային ուժերը կկատարեն հարձակում իր վրա[35][12]։
Ճանապարհորդություն Անտարկտիդայով
2008 թվականին Բիրը գլխավորում էր չորս հոգանոց մի խումբ, որը ցանկանում էր բարձրանալ աշխարհի ամենաչհաղթահարված գագաթներից մեկը։ Այդ գագաթը գտնվում էր Անտարկտիդայում[36]։ Արշավի նպատակն էր հավաքել գումար մանկական «Global Angels» բարեգործական ընկերության համար։ Այս առաջադրանքի ժամանակ թիմը մտադրված էր ջրային մոտոցիկլերով և փչովի նավակներով ուսումնասիրել Անտարկտիդայի ափերը, իսկ հետո կատարել անցում շարժահաղորդ պարամատորային կայթ–չմուշկներով՝ սառցե անապատի վրայով։ Սակայն այս արշավից առաջ Գրիլսը կոտրում է իր ուսը և արշավը ձախողվում է[37][1]։
Ամենաերկարատև թռիչքը ուղղահայաց աերոդինամիկ խողովակի միջով
2008 թվականին Բիր Գրիլսը Էլ Հոջսոնի, (նրա մոտ անդամահատված են երկու ոտքերը) և Ֆրեդի Մակդոնալդի հետ գրանցվում են Գինեսի ռեկոդրների գրքում ուղղահայաց աերոդինամիկ խողովակի միջով աշխարհի ամենաերկարատև թռիչքը կատարելու համար[38]: Նախորդ ռեկորդը որը գրանցվել էր ԱՄՆ-ում տևել էր 1 ժամ 36 րոպե: Գրիլսը, Հոջսոնը և Մակդոնալդը օգտագործելով Միլթոն Քինսի ուղղահայաց խողովակը՝ գերազանցեցին ռեկորդը ընդամենը մի քանի վայրկյանով[16]:
Լող Հյուսիս-Արևմտյան անցումով
2010 թվականին Բիր Գրիլսը երկու փչովի (RIB) «Arctic Wolf» նավակներով նավարկեց Հյուսիս-Արևմտյան անցումով, որպեսզի հանրությունը ուշադրություն դարձնի կլիմայի փոփխման խնդրին և մանկական բարեգործական «Global Angels» ընկերության համար գումարի հավաքի[39][40]: Վելինգտոնի նեղուցի Քինգ Վիլյամի հյուսիսային կղզիներում, որտեղ որ ուրիշ ճանապարհորդները միշտ դադար էին վերցնում Գրիլսի խումբը կանգնում է և ապաստարան գտնում մի անանուն կղզում: Կղզին իրենից ներկայացնում էր մի ոչ մեծ անպտուղ տարածք, որը հասնում էր ծովի մակարդակին ընդամենը ութ մետրով, իսկ լայնությամբ շուրջ 200 մետրով: Այնտեղ հայտնաբերվել էին մարդկային ոսկրեր, գանգ, գործվացքի կտորներ, կետի ոսկրից պատրաստված դանակ և կայմի մնացորդներ[41][42]: Գրիլսը ենթադրեց, որ հայտնաբերված մասունքները պատկանում են նավի գրոտ-կայմին, իսկ ավելի կոնկրետ նավային բոտերի կայմերին: Հայտնաբերվել էին նաև քարերով շրջապատված մի քանի տարածքներ, որոնք շատ հնարավոր է, որ եղել են վրաններ դնելու վայրեր: Կղզու հյուսիսային մասում մնացել էին հետքեր մեծ հրդեհից: Այս ամենից ելնելով նրանք եզրակացրել էին, որ հնարավոր է, որ կղզում անցյալում բնակություն հաստատած մարդիկ հյուսիսից օգնություն ակնկալելով՝ իրենց նավակների բնափայտից վառել են մեծ ազդանշանային խարույկ[43]: Մինչև հիմա հայտնի չէ թե ում են պատկանել այդ մասունքները, սակայն կա վարկած, ըստ որի դրանք եղել են Ֆրանկլինի նավի անձնակազմի հետքերը, որոնք նույնպես շարժվել են հյուսիս օգնության ակնկալելու նպատակով[44][45][46][47]:
Բիրը իր օրագրի «ֆոլկլորով մեծացած Ֆրանկլինի և իր կորած անձնակազմի մասին»[45], բաժնում գրել է[45][34].
![]() |
Եթե դուք սոված եք և ձեր շուրջը մահանում են մարդիկ, ապա դուք անկասկած կվառեք ձեր նավերի բնափայտը, որպեսզի օգտագործեք նկատվելու վերջին հնարավորությունը կամ ծայրահեղ դեպքում, որպեսզի տաքանաք, քանի դեռ վերջնականորեն չեն սպառվել սմվելիք մթերքները[48][49]: - Բիր Գրիլս
|
![]() |
Հեռուստատեսություն
Գրիլսը առաջին անգամ հայտնվել է հեռուստատեսությունում «Sure» դեզոդորանտի գովազդում: Նա եղել է շատ հեռուստածրագրերի հյուրը նեռայլալ մասնակցությունը Օպրի Ուինֆրիի և Դևիդ Լետտերմանի շոուին: Գրիլսը նկարահանվել է նաև «Trail Mix Crunch Cereal» չոր նախաճաշերի երկու գովազնդերում, որոնք եթեր են դուրս եկել 2009 թվականին[50][51][52]:
«Փախուստ դեպի Լեգեոն»
2005 թվականին Գրիլսը նկարահանվում է չորս մասից բաղկացած «Փախուստ դեպի Լեգեոն» հեռուստածրագրում, որը պատմում էր այն մասին թե ինչպես են Գրիլսը և Մեծ Բրիտանիայից տասնմեկ կամավորներ մասնակցել նախապատրաստմանը Սահարա անապատում գտնվող Ֆրանսիական Օտարերկրյա լեգեոնի հենակետում[53]: Ծրագիրը Մեծ Բրիտանիայում հեռարձակվել էր «Channel 4» հեռուստաալիքով, իսկ ԱՄՆ-ում՝ «Military Channel»: 2008 թվականին «History Channel» ալիքով ծրագիրը կրկին անգամ է ցուցադրվել[54][55][56]:
«Ողջ մնալ ամեն գնով»
Գրիլսը վարում էր «Ողջ մնալ ամեն գնով» ծրագիրը, որը Մեծ Բրիտանիայում հեռարձակվում էր «Channel 4» հեռուստաալիքով, իսկ ԱՄՆ-ում, Եվրոպայում, Ասիայում և Աֆրիկայում՝ Discovery Channel[57]: Ծրագրում Գրիլսը ուղևորվելով վայրի վայրեր ցույց է տալիս հեռուստադիտողներին թե ինչպես կարելի է ողջ մնալ նման վայրերում: Ծրագիրը Ամերիկայում առաջին անգամ եթեր է դուրս եկել 2006 թվականին և հիմա այն հեռարձակվելով միջազգային լսարանի ավելի քան 1,2 միլիարդ մարդու համար՝ դարձել է «Դիսքավերի» հեռուստաալիքի ամենավարկանիշային հաղորդումներից մեկը[58][59]:
Համառոտ կերպով այս հաղորդմումը կարելի է ներկայացնել այսպես. Բիրը ցած է իջնում աշխարհի ամենատարբեր վայրերը և նրա գլխավոր առաջադրանքն է դառնում հասնել մինչև մարդաբնակ ինչ-որ վայրի: Հաղորդման թողարկումները դիտելով կարելի է տեսնել սովորել շատ հետաքրքիր և օգտակար բաներ. ինչով սնվել եթե չունեք ուտելիք, ինչպես կրակ վառել առանց լուցկու, ինչ տիպի թաքստոցներ կարելի է կառուցել օգտագործելով «ձեռքի տակի» իրերը, ինչպես տարբերակել բևեռները առանց կողմնացույցի օգնության, ինչ պետք է իմանալ վայրի բնության մեջ պաշտպանված լինելու համար և այլն[60][61]:
Հաղորդման մեջ ցուցադրվել է. Գրիլսի մագլցումը ժայռի վրայով, պարաշյուտային թռիչքներ ուղղաթիռից, աերոստատից և ինքնաթիռից, թռիչք պարապլանով, արշավներ սառցարանների վրայով, անցումը հրդեհվող անտառով, գետային սահանքներով և սրընթաց հոսանքներով, սեփական մեզով թրջած շապիկի փաթաթումը իր գլխին (անապատի շոգից պաշտպանվելու և հովանալու համար), սեփական մեզի, փղի գոմաղբից մզված կղանքային հեղուկների ըմպումը, եղնիկի կղանքի օգտագործումը որպես սնունդ, կռիվը ալիգատորի հետ, տարատեսակ միջատներ ուտելը, ուղտի մսեղիքի օգտագործումը որպես իրերի պարկ, թռիչքը ջրվեժից և այլն[62] : Ինչպես նաև Գրիլսը պատմում է պատմություններ ճանապարհորդություններից, որոնց ժամանակ մարդիկ կորել կամ մահացել են վայրի բնության մեջ[63][64]:
«Ողջ մնալ ամեն գնով» հաղորդման սկզբանական շրջանի որոշ թողարկումներ արժանացել են քննադատությունների: Տեղեկացվել էր, որ հաղորդման նպատակը հեռուստադիտողներին խաբեության մեջ գցելն է, քանի որ իրադրությունները, որոնց մեջ հայտնվում է Գրիլսը՝ կարելի է լուծել այլ մեթոդներով: «Դիսքավերի» ալիքը որպես պատասխան հայտարարեց, որ հաղորդման արտադրությունը և խմբագրումը այսուհետ կլինի թափանցիկ, ճշգրիտ և հասկանալի[65][66]:
2012 թվականի մարտի 13-ին Discovery հեռուստաալիքը խզում է գործնական հարաբերությունները Բիր Գրիլսի հետ այն պատճառով, որ նոր պայմանագրի կնքման ժամանակ առաջացել էին տարաձայնություններ[67]:
Այլ աշխատանք
Հեռուստատեսությունից դուրս Գրիլսը աշխատում է որպես մոտիվացնող ճառախող: Նա կազմում է խոսք տարատեսակ ընկերությունների, կորպորացիաների, եկեղեցիների, դպրոցների և այլ կազմակերպությունների համար[1][68]:
Գրիլսը գրել է մի քանի հայտնի գրքեր: Գրիլսի առաջին «Facing Up» գիրքը մտել էր Մեծ Բրիտանիայի լավագույն բեսթսելլերների տասնյակի մեջ և թողարկվել է ԱՄՆ-ում «The Kid Who Climbed Everest» անունով[69]: Գիրքը նկարագրում էր Հիմալայների արշավի և Էվերեստի «նվաճման» մասին: Գրիլսի երկրորդ «Facing the Frozen Ocean» գիրքը մտնում է Ուիլյամ Հիլի 2004 թվականի լավագույն սպորտային գրքերի շորթ-ցանկի կազմի մեջ: Նրա հաջորդ գիրքը գրվում է որպես «Ողջ մնալ ամեն գնով» հաղորդման հավելում[70][71]: Այդ գիրքը սովորեցնում էր աշխարհի ամենաթշնամական վայրերում ողջ մնալու արվեստին: Այդ գիրքը հետագայում մտնում է «Sunday Times»-ի լավագույն բեսթսելլերների տասյակի մեջ: Գրիլսը գրել է նաև մի շարք արկածային գրքեր երեխաների համար. «Mission Survival: Gold of the Gods» и «Mission Survival: Way of the Wolf» և այլն: Նրա վերջին «Bear Grylls Outdoor Adventures» գիրքը պատմում է հանգստի ամենաէքստերմալ ձևերի մասին[72]:
Գրիլսը ունի հագուստի սեփական գիծ, որը արտադրվում է «Craghoppers» բրենդի կողմից[73]:
Գլխավոր սկաուտ
2009 թվականի հուլիսի Գրիլսը գլխավորում է «Սկաուտների Ասոցիացիան» (անգլ.՝ «The Scout Association»), որը միավորում էր շուրջ կես միլիոն բրիտանացու: Նա փոխարինել էր Պիտեր Դուկանին (Peter Duncan), ով կրում էր այս պաշտոնը 2004 թվականից 2009 թվականը[74]: Այս որոշումը կայացվել էր Ասոցիացիայի կողմից դեռևս մայիսի 17-ին, իսկ հուլիսի 11-ին՝ ավելի քան 3000 սկաուտական կառավարիչների ներկայությամբ Պիտեր Դուկանը պաշտոնապես «տալիս է» իր պաշտոնը Բիր Գրիլսին: Գրիլսը դառնում է Գլխավոր սկաուտի պաշտոնը կրող 10-րդ անձը և ամենաերիտասարդը՝ սկաուտական շարժման հարյուրամյա պատմության մեջ (պաշտոնը առաջին անգամ կրել է գեներալ-լեյտենանտ Ռոբերտ Բեյդըն Փաուելը՝ 1920 թվականին)[75][76]:
2010 թվականի հոկտեմբերին Բիրը թռչում է ուղղաթիռով և անցնում Անգլիայի համարյա ամբողջ հարավ-արևմտյան մասը, որպեսզի ոգևորի երիտասարդ սկաուտներին և շնորհակալություն հայտնի հազարավոր երիտասարդ մարկանց, որոնք նվիրում են իրենց ամբողջ ազատ ժամանակը սկաուտինգին: Նա մասնակցություն է ունենում սկաուտական մրցույթներին, խաղում է սկաուտների հետ, հանդիպում է ղեկավարների և իր ծնողների հետ, որպեսզի իր շնորհակալական խոսքը ասի նրան ամեն տիպի օգնության համար: Վերլուծելով իր ուղևորությունը Բիրը խոսել է իր նպատակների մասին[77][78].
Բարեգործություն
Գրիլսի բոլոր արշավների նպատակը՝ բարեգործական ընկերությունների համար գումար հավաքելն էին: Գրիլսը «The Prince’s Trust» կազմակերպության անդամներից է: Այս կազմակերպությունը աջակացություն է Մեծ Բրիտանիայի երիտասարդ մարդկանց: Գրիլսը նաև «The JoLt Trust» կազմակերպության փոխնախագահն է[81]: «The JoLt Trust»-ը ոչ մեծ կազմակերպություն է, որը ընձեռում է հնարավորություն «ձախորդ մարդկանց» (հաշմանդամներին, խնամազուրկներին, չունևորներին, բռնության ենթարկվածներին) տարատեսակ արշավների մասնակցելու համար[82][83]:
«Global Angels»-ը բրիտանական կազմակերպություն է, որը միջոցներ է հավաքում ամբողջ աշխարհի երեխաների համար: Կազմակերպությունը գումար է ստացել Գրիլսի Հիմալայների շուրջը պարամոտորով կատարած թռիչքից և Հյուսիս-Արևմտյան անցումով անցում կատարելուց: Բարձրության վրա կատարված հրավիրյալ ճաշը հովանավորվել էր Էդինբուրսկի սրքայազնի կողմից[84]: Բրիտանիայի շուրջը կատարած նավարկումից հավաքվել էր գումար Ազգային Թագավորական համալսարանի համար, որն էլ այդ միջոցներով պետք է կատարեր փրկարարական աշխատանքներ բրիտանական ծովափներին[85]: Էվերեստի բարձրացման արշավը հովանավորված է եղել «SSAFA Forces Help» կազմակերպության կողմից, իսկ թռիչքը պարամոտորով Անխել ջրվեժի վրայով կատարվել է «Hope and Homes for Children» կազմակերպության հովանավորման շնորհիվ[86][87][88]:
Ծանոթագրություններ
- ↑ 1,0 1,1 1,2 1,3 BIOGRAPHY | BG: BEAR GRYLLS DOT COM BearGrylls.com
- ↑ 2,0 2,1 2,2 Bear Grylls Welcomes Son Huckleberry Celebrity Baby Blog, 15 հունվարի 2009
- ↑ «Who dares wins». The Echo. thisisdorset.net. 17 April 2004. Վերցված է 14 July 2008-ին.
- ↑ Hastie, Jenny, "This is where we hide from the world", homesandgardens.com, July 2005.
- ↑ «Sunday Life reclaims the celebs with Ulster ties». The Belfast Telegraph. 1 November 2009. Վերցված է 14 октября 2011-ին.
- ↑ «My Life In Travel: Bear Grylls» Independent.co.uk, 17 ապրիլի 2004
- ↑ «Obituary: Sir Michael Grylls» Telegraph.co.uk, 13 февраля 2001
- ↑ 8,0 8,1 «Person Page 24749». thePeerage.com. Արխիվացված է օրիգինալից 2012-03-29-ին. Վերցված է 14 октября 2011-ին.
- ↑ «Bear Grylls: Man vs. Wild». Discovery Channel. Արխիվացված է օրիգինալից 14 July 2008-ին. Վերցված է 14 July 2008-ին.
{{cite web}}
: Unknown parameter|deadurl=
ignored (|url-status=
suggested) (օգնություն) - ↑ "Life support
- ↑ Alpha course interview www.alphafriends.org
- ↑ 12,0 12,1 «Out of the Wild: Bear Grylls survives the urban jungle». mensvogue.com. Արխիվացված է օրիգինալից 2007-11-10-ին. Վերցված է 14 July 2008-ին.
{{cite web}}
: Unknown parameter|deadlink=
ignored (|url-status=
suggested) (օգնություն) - ↑ Grylls, The Kid Who Climbed Everest, 11
- ↑ Bear Grylls speaking reel — YouTube
- ↑ «Escape to the Legion». Channel4.com. Արխիվացված է օրիգինալից 2012-03-29-ին. Վերցված է 14 октября 2011-ին.
- ↑ 16,0 16,1 16,2 Petty, Moira (24 April 2007). «Adventurer Bear Grylls' battle with back pain and high cholesterol». Mail Online. Արխիվացված է օրիգինալից 2012-03-29-ին. Վերցված է 14 октября 2011-ին.
- ↑ Bear-faced cheek of adventurer who sneaked off to hotels
- ↑ Summit Magazine #40, Winter 2005, страница 12
- ↑ «Sunday Life reclaims the celebs with Ulster ties». The Belfast Telegraph. 1 November 2009. Արխիվացված է օրիգինալից 17 July 2010-ին. Վերցված է 31 August 2010-ին.
{{cite news}}
: Unknown parameter|deadurl=
ignored (|url-status=
suggested) (օգնություն) - ↑ "My Life In Travel: Bear Grylls", Independent.co.uk, 17 April 2004.
- ↑ «Faith keeps me strong, says Bear Grylls». Belfast Telegraph. Վերցված է 13 September 2015-ին.
- ↑ «Bear Grylls». Information Britain. Վերցված է 13 September 2015-ին.
- ↑ Dudman, Jane (12 January 2011). «Leading questions: Bear Grylls, chief Scout». The Guardian. London, UK.
- ↑ Blundell, Joanna, «A Boys Own adventure» Telegraph.co.uk, 7 ապրիլի 2003
- ↑ «History of Birkbeck: 1900s». Birkbeck. Վերցված է 3 December 2007-ին.
- ↑ «Notable alumni». Birkbeck. Վերցված է 3 December 2007-ին.
- ↑ Peston, Robert and Lynda La Plante (7 May 2013). «You may have a first-class degree - but Lord Winston doesn't want you». The Daily Telegraph. London.
- ↑ Profile, timeshighereducation.co.uk; accessed 3 August 2015.
- ↑ «404 - Page not found». Scouts. Վերցված է 3 December 2015-ին.
{{cite web}}
: Cite uses generic title (օգնություն) - ↑ "Ask Bear Your Questions", BearGrylls.com; accessed 3 August 2015.
- ↑ Pugh, Oliver, "Grylls puts on his woggle and scouts out a new challenge" Independent.co.uk, 18 May 2009.
- ↑ «Three Videos Featuring Bear Grylls». Alpha USA. Վերցված է 3 August 2015-ին.
- ↑ «Latest News». Bear Grylls. Արխիվացված է օրիգինալից 2012-03-29-ին. Վերցված է 14 октября 2011-ին.
- ↑ 34,0 34,1 Grylls, Bear, «Flying Into A Dream» Telegraph.co.uk 19 мая 2007
- ↑ Martin, Nicole, «Explorer hits heights with Himalayan record» Telegraph.co.uk 16 мая 2007
- ↑ «Bear Grylls». hmforces.co.uk. Արխիվացված է օրիգինալից 7 July 2011-ին. Վերցված է 30 January 2012-ին.
- ↑ «Diary: From Bear» JourneyAntarctica2008.com, 6 December 2008
- ↑ «Bear Grylls breaks Guinness World Record at Airkix Milton Keynes». MiltonKeynes.com. 2008. Արխիվացված է օրիգինալից 2012-03-29-ին. Վերցված է 14 октября 2011-ին.
- ↑ «Bear completes Arctic journey». BBC. 15 August 2003.
- ↑ «Bios: Bear Grylls». Discovery Channel.
- ↑ «Royals' Bear Force as Adventurer Joins Cadets at Lympstone and Dartmouth». News & Events. Royal Navy. 14 November 2013.
- ↑ Lambert, John (2006). Portraits of the Himalayas. Troubador Publishing. էջ 51. ISBN 0955288401.
{{cite book}}
:|access-date=
requires|url=
(օգնություն) - ↑ Blundell, Joanna (7 April 2003). «A Boys Own adventure». The Daily Telegraph. London.
- ↑ «Bear Grylls' Future Fuels team completes NorthWest Passage trip» (անգլերեն). hedgeweek.com. Արխիվացված է օրիգինալից 2012-08-04-ին. Վերցված է 2012-7-15-ին.
{{cite web}}
: Unknown parameter|datepublished=
ignored (օգնություն) - ↑ 45,0 45,1 45,2 «Journey's Diary. Bear Grylls» (անգլերեն). fcpnorthwestpassage.com. Արխիվացված է օրիգինալից 2012-08-04-ին. Վերցված է 2012-7-15-ին.
{{cite web}}
: Unknown parameter|datepublished=
ignored (օգնություն) - ↑ «Early news of an exciting possible new discovery of Franklin Expedition remains» (անգլերեն). hidden-tracks-book.blogspot.com. Արխիվացված է օրիգինալից 2012-08-04-ին. Վերցված է 2012-7-15-ին.
{{cite web}}
: Unknown parameter|datepublished=
ignored (օգնություն) - ↑ «Dining with altitude». Press Association. London, UK: The Guardian. 30 June 2005.
- ↑ Martin, Nicole, "Explorer hits heights with Himalayan record", Telegraph.co.uk, 16 May 2007.
- ↑ "Diary: From Bear", journeyAntarctica2008.com, 6 December 2008.
- ↑ «Bear Grylls». Londonspeakerbureau.com. Վերցված է 2015-09-09-ին.
- ↑ Peotv, Slt (2014-03-02). «Things Bear Grylls Did That You Didn'T Know». PeoTV. Վերցված է 2015-09-09-ին.
- ↑ Tara John (2015-09-01). «Bear Grylls: Everything You Need to Know». Time.com. Վերցված է 2015-09-09-ին.
- ↑ «Bear Grylls to stay on as Chief Scout until 2018». The Scout Association. 9 April 2015. Արխիվացված է օրիգինալից 13 June 2015-ին. Վերցված է 13 June 2015-ին.
- ↑ Quinn, Ben, "Survivalist Bear Grylls named as new Chief Scout" Guardian.co.uk, 17 May 2009.
- ↑ "Bear Grylls announced as new Chief Scout", Scouts.org.uk, 17 May 2009.
- ↑ «Bear Grylls on the merits of being Chief Scout». The Telegraph. 5 June 2015. Արխիվացված է օրիգինալից 13 June 2015-ին. Վերցված է 13 June 2015-ին.
- ↑ Safety video on The Guardian website
- ↑ "Pinsent may call it a day", 29 November 2004, www.dailymail.co.uk
- ↑ Grylls, Bear (2012). Mud, sweat, and tears: the autobiograph. New York: William Morrow. էջ 408. ISBN 978-0-06-212419-7.
- ↑ A Survival Guide for Life: How to Achieve Your Goal, Thrive in Adversity, and Grow in Character. New York: William Morrow. 2012. էջ 285. ISBN 978-0-06-227195-2. OCLC 818737912.
- ↑ "Escape to the Legion" Channel4.com
- ↑ Murray Norton (20 October 2005). «Fancy An Adventure». Webchats.tv. Արխիվացված է օրիգինալից 16 August 2007-ին. Վերցված է 19 May 2007-ին.
- ↑ «Military Channel: TV Listings: Escape to the Legion». The Military Channel. 2007. Արխիվացված է օրիգինալից 26 May 2007-ին. Վերցված է 19 May 2007-ին.
{{cite web}}
: Unknown parameter|deadurl=
ignored (|url-status=
suggested) (օգնություն) - ↑ «The Island With Bear Grylls». TVNZ Ondemand. Վերցված է 3 December 2015-ին.
- ↑ Barrett, Annie (24 June 2009). «Man vs. Wild (Entertainment Tonight)». Popwatch.ew.com. Վերցված է 17 October 2012-ին.
- ↑ «Man vs. Wild/Guano Enema(Discovery Channel Video)». Dsc.discovery.com. 22 December 2010. Վերցված է 17 October 2012-ին.
- ↑ Guthrie, Marisa (2012-03-13). «Discovery Terminates Relationship With 'Man vs. Wild' Star Bear Grylls (Exclusive)». The Hollywood Reporter. The Hollywood Reporter. Արխիվացված է օրիգինալից 2012-06-08-ին. Վերցված է 2012-03-17-ին.
- ↑ «Entertainment | Grylls apologises for 'fake' show». BBC News. 19 March 2008. Վերցված է 22 April 2013-ին.
- ↑ Jade Bremner (4 December 2013). «Stephen Fry to join Bear Grylls on a Wild Weekend». Radio Times.
- ↑ Michael Roberts (7 August 2012). «Gone with the Wind». Outside Magazine.
- ↑ «Outside Online May 2010 Issue». Outsideonline.com. Վերցված է 17 October 2012-ին.
- ↑ «Bear-faced cheek of adventurer who sneaked off to hotels». Daily Mail. London, UK. 23 July 2007.
- ↑ «Bear's Wild Weekend...C4». Broadcast. 22 December 2011.
- ↑ DeadLord
- ↑ «Bear Grylls announced as new Chief Scout» Scouts.org.uk, 17 мая 2009
- ↑ Wootton, Dan (2013-05-09). «Dan Wootton meets Bear Grylls on a New Zealand survival adventure | Daily Mail Online». Dailymail.co.uk. Վերցված է 2015-09-09-ին.
- ↑ «Camp, American Ninja Warrior, Save Me, Get Out Alive: NBC Announces Premieres | canceled + renewed TV shows». TV Series Finale. Վերցված է 8 May 2013-ին.
- ↑ Rick Kissell (15 April 2013). «NBC to Air 'Bear Grylls', 'American Ninja Warrior' on Mondays». Variety. Վերցված է 8 May 2013-ին.
- ↑ Bear Grylls on whirlwind tour to thank volunteers
- ↑ Amanda Kondolojy (6 November 2013). «Bear Grylls is Back on Discovery Channel in 'Bear Grylls: Escape From Hell'». TVbythenumbers.zap2it.com.
- ↑ Calire Hodgson (5 May 2014). «Bear Grylls reveals he was genuinely worried if the contestants on Channel 4's The Island would survive». The Mirror. Վերցված է 7 May 2014-ին.
- ↑ Sara Bibel (28 April 2015). «NBC Reveals the Cast of New Reality Series 'The Island'». TV by the Numbers.
- ↑ «Bear Grylls - Global Angels Global Angels». Globalangels.org. Վերցված է 2015-09-09-ին.
- ↑ John Plunkett (27 January 2015). «Bear Grylls pushes celebrities to the limit in Mission Survive». The Guardian. Վերցված է 12 February 2015-ին.
- ↑ China’s Dragon TV orders Bear Grylls’ “Survivor Games”, realscreen.com; accessed Oct. 16, 2015.
- ↑ Running Wild with Bear Grylls, nbc.com; accessed 15 August 2015.
- ↑ Bear Grylls Survival School, itv.com; accessed 15 August 2015.
- ↑ Bear Grylls to front Citv adventure show, digitalspy.co.uk; accessed 21 August 2015.
Արտաքին հղումներ
![]() |
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բիր Գրիլս կատեգորիայում։ |