Mortal Kombat
Mortal Kombat-ը (կրճատ` MK,(
արտասանություն) հայերեն` Մահացու ճակատամարտ) բեստսելլեր համարվող մարտարվեստային համակարգչային խաղերի շարք է, որն ստեղծվել է ծրագրավորողներ Էդ Բունի և Ջոն Տոբիասի կողմից:
Mortal Kombat-ի առաջին չորս խաղերը` լրացումներով հանդերձ, թողարկվել են Midway Games ստուդիայի կողմից` սկզբնականում որպես արկադային խաղեր, որից հետո արդեն Acclaim Entertainment ընկերության միջոցով խաղերը թողարկվում են նաև տնային խաղահամակարգերի համար: Midway-ի սնանկացումից հետո` 2009թ.-ի հունիսին «Mortal Kombat» ապրանքանիշը ձեռք է բերվում Warner Bros. ընկերության կողմից:[1]
Mortal Kombat-ի ստեղծումը և նախնական ներշնչվածությունը կապվում է հայտնի մարտարվեստային դերասան Ժան-Կլոդ Վան Դամի անվան հետ: Առաջին Mortal Kombat-ի ստեղծմանը հաջորդում են նույնանուն հեռուստատեսային և գեղարվեստային ֆիլմերի, մուլտֆիմերի, պատկերապատումների թողարկումը:
Ամենաառաջին խաղերը, որոնք են` Mortal Kombat-ը, Mortal Kombat II-ը, Mortal Kombat 3-ը, Ultimate Mortal Kombat 3-ը և Mortal Kombat Trilogy-ն, ստեղծվել են երկչափ (2-D) անիմացիոն ռեժիմով, իսկ խաղերի գեյմփլեյում առկա էին միայն հետևյալ հարվածային հնարավորությունները. բարձր բռունցqով հարված, ցածր բռունցքով հարված, բարձր ոտքով հարված, ցածր ոտքով հարված և բլոկ (դիմադրում):
Mortal Kombat-ներում առկա է Fatality (ժարգոնում` ֆատալեցի) կոչվող տխրահռչակ երևույթը, որն իրենից ներկայացնում է կերպարի վերջին հարվածը կամ հնարքը: Fatality-ները գրաֆիկական բռնություններ են, և բոլոր կերպարներն ունեն իրենց սեփական fatality-ները: Հենց դրանց պատճառով էլ ստեղծվում է ESRB համակարգչային խաղերի վարկանիշային համակարգը, ըստ որի Mortal Kombat-ը խորհուրդ չի տրվում խաղալ 17 տարեկանից ցածր անձանց` առկա դաժանության և բռնության չափազանց մեծ չափաբաժնի պատճառով:[2][3]
[խմբագրել] Արտաքին հղումներ
- Պաշտոնական կայք
- Պաշտոնական ֆանկայք
- NetherRealm ստուդիայի պաշտոնական կայք ը
- Mortal Kombat սերիան MobyGames-ում
- Mortal Kombat Wiki
[խմբագրել] Ծանոթագրություններ
- ↑ http://latimesblogs.latimes.com/technology/2009/07/midwaywarnersaleapproved.html
- ↑ «GameMakers Mortal Kombat Episode #313»։ G4TV։ http://g4tv.com/gamemakers/episodes/3446/Mortal-Kombat.html։ Վերցված է հոկտեմբերի 22, 2009։
- ↑ «Mortal Kombat»։ Forbes։ 2007-06-15։ http://www.forbes.com/2007/06/15/games-violence-columbine-tech-cx_ag_0618videogames_slide_4.html?thisSpeed=undefined։ Վերցված է 2010-03-13։
