Սենդվիչ

Սենդվիչ (անգլերեն` Sandwich), սնունդ, որը պատրաստվում է հացի երկու շերտով, որոնցի միջև դրվում է մեկ կամ մի քանի մսի կտոր:

Բրիտանական և ամերիկյան խոշոր քաղաքներում սենդվիչը ամենօրյա սննդի անբաժանելի մաս է: Աշխարհի բազմաթիվ քաղաքներում սենդվիչ վաճառող խոշոր ընկերություններ կան, որոնցից ամենահայտնիներից են` Մակ-Դոնալդ, Սաբվեյ, Բուրգեր Քինգ և այլն:

ԱՄՆ-ում պատրաստվում են սենդվիչների տարբեր տեսակներ: Օրինակ Չիկագոյում սենդվիչը պատրաստում են իտալական մսով, Ֆիլադելֆիայում պատրաստում են մսով և պանրով, իսկ Լոս Անջելեսում ֆրանսիական սոուսով:

Անվան ստուգաբանություն [խմբագրել]

Բառը ծագում է Սենդվիչ կոմսության անունից (գտնվում էր հարավարևելյան Անգլիայում)։ Ըստ ավանդության 18-րդ դարում ապրած Սենդվիչի կոմսը՝ Ջոն Մոնտագուն խաղամոլ էր, և նրա խոհարարը հորինել է «սենդվիչը»՝ բարակ հացի մեջ դրված մսեղեն և բանջարեղեն, որպեսզի կոմսը կարողանա և սնվել և շարունակել թղթախաղը։ Կոմսության անվան նախնական ձևը՝ «Sandwicæ»-ն նշանակել է «ավազոտ նավահանգիստ» կամ «ավազոտ շուկա»։