Նուրհան արքեպիսկոպոս Մանուկյան
| Նուրհան արքեպիսկոպոս Մանուկյան | |
 Երուսաղեմի Հայոց պատրիարքարանի Հարության տաճարի բանալիով երթը | |
| Ընդհանուր տեղեկություններ | |
| Ավազանի անունը | Պողոս |
| Եկեղեցի |  Հայ Առաքելական եկեղեցի
|
| Անուն | Նուրհան արքեպիսկոպոս Մանուկյան |
| Կառավարման սկիզբ | 2013 |
| Նախորդող | Թորգոմ արքեպիսկոպոս Մանուկյան |
| Ծնվել է | հուլիսի 22, 1948 (75 տարեկան) |
| Ծննդավայր | Հալեպ |
| Ազգություն | հայ |
| Հոգևոր աստիճան | Արքեպիսկոպոս |
Նուրհան արքեպիսկոպոս Մանուկյան (Նուրհան Արքեպիսկոպես Մանուկեան Երուսաղէմի Հայ Պատրիարք, եբրայերեն՝ כבוד הפאטריאך הארמני, հունիսի 24, 1948[1], Հալեպ, Սիրիա), Հայ առաքելական եկեղեցու Երուսաղեմի Հայոց պատրիարքության 97-րդ պատրիարք[2]։ Հաջորդել է Թորգոմ արքեպիսկոպոս Մանուկյանին (1990-2012)։ Նուրհան Մանուկյանը Երուսաղեմի Հայոց պատրիարքության 97-րդ պատրիարք է ընտրվել 2013 թվականի հունվարի 24-ին[3][4]։
Կենսագրություն[խմբագրել | խմբագրել կոդը]
Նուրհան Մանուկյանը (ավազանի անունը` Պողոս) ծնվել է 1948 թվականի հուլիսի 22-ին, Հալեպում։ Նախնական կրթությունը ստացել է Հալեպի Հայկազյան վարժարանում։ 1961 թվականին ընդունվել է Կիլիկիո Կաթողիկոսության Անթիլիասի դպրեվանք, 1966 թվականին՝ Երուսաղեմի ժառանգավորաց վարժարան։ 1968 թվականի հուլիսի 27-ին ձեռնադրվել է սարկավագ, 1971 թվականի հունիսի 15-ին՝ կուսակրոն քահանա` ձեռամբ Եղիշե պատրիարք Տերտերյանի` վերակոչվելով Նուրհան աբեղա[5]։
1971-1972 թվականներին եղել է Երուսաղեմի ժառանգավորաց վարժարանի փոխտեսուչ, 1975 թվականին՝ նույն վարժարանի տեսուչ։ 1972-1973 թվականներին նշանակվել է Շվեյցարիայի (Ժնև) հայոց թեմի հոգևոր հովիվ, 1973 թվականին ստացել է վարդապետական աստիճան։ 1974-1980 թվականներին եղել է Իսրայելի (Հայֆա-Յաֆա) հոգևոր հովիվ, դասավանդել է Երուսաղեմի հայկական թաղամասի Սուրբ թարգմանչաց դպրոցում։ 1979 թվականին ծառայել է Նիդերլանդների Ալմելո քաղաքի հայկական համայնքում։
1982 թվականին Թորգոմ արքեպիսկոպոս Մանուկյանի հրավերով մեկնել է Նյու Յորք, ուսանել եպիսկոպոսական Ընդհանուր աստվածաբանական ճեմարանում, որն ավարտել է 1985 թվականին։ ԱՄՆ-ում անցկացրած տարիների ընթացքում եղել է Ֆիլադելֆիայի, Փենսիլվանիայի, Սփրինգֆիլդի, Մասաչուսեթսի, Հյուսթոնի (Տեխաս նահանգ, Սուրբ Գևորգ եկեղեցի) հոգևոր հովիվ։
Երուսաղեմի Հայոց պատրիարքություն[խմբագրել | խմբագրել կոդը]
1998 թվականին Հայր Նուրհանն ընտրվել է Երուսաղեմի Սուրբ Աթոռի լուսարարապետ։ 1999 թվականի դեկտեմբերի 14-ին ձեռամբ Ամենայն Հայոց Գարեգին Բ. Կաթողիկոսի ձեռնադրվել և օծվել է եպիսկոպոս։ 2009 թվականին Երուսաղեմի Հայոց պատրիարք ամենապատիվ Տ. Թորգոմ արքեպիսկոպոս Մանուկյանի կողմից նշանակվել է պատրիարքական փոխանորդ։
2014 թվականի փետրվարի 6-ին Մանհեթանի (Նյու Յորք) ընդհանուր հոգևոր ճեմարանից ստացել է աստվածաբանության պատվավոր դոկտորի կոչում։
Ծանոթագրություններ[խմբագրել | խմբագրել կոդը]
- ↑ http://www.armenianchurch.org/index.jsp?sid=1&id=4070&pid=85&lng=en
- ↑ «Իսրայելի կառավարությունը պաշտոնապես ճանաչել է Երուսաղեմի Հայոց պատրիարքին». armenpress.am. Վերցված է 2018 թ․ նոյեմբերի 10-ին.
- ↑ Երուսաղեմի Հայոց պատրիարք է ընտրվել Նուրհան արքեպիսկոպոս Մանուկյանը
- ↑ «Երուսաղեմի Հայոց պատրիարք է ընտրվել Նուրհան արքեպիսկոպոս Մանուկյանը». www.civilnet.am. Վերցված է 2018 թ․ նոյեմբերի 10-ին.
- ↑ Պատրիարք Նուրհան արքեպիսկոպոս Մանուկյան
| Նախորդող՝ Թորգոմ արքեպիսկոպոս Մանուկյան |
Երուսաղեմի Հայոց պատրիարք 2013 թվականից |
Հաջորդող՝ պաշտոավարում է |
| ||||||
