Մայքլ Տեր-Պողոսյան

Մայքլ Տեր-Պողոսյան (անգլ.՝ Michel Ter-Pogossian, 1925թ. - 1996թ., հունիսի 19) հայազգի ֆիզիկոս, գյուտարար.Պոզիտրոնային ճառագայթման տոմոգրաֆիայի (Positron emission tomography (PET)) հայրերից մեկն է:

Կենսագրություն

Տեր-Պողոսյանը ծնվել է Բեռլինում, եղել է իր ծնողների միակ զավակը: Նրա ծնողները հաստատվել էին Գերմանիայում` փախնելով Առաջին համաշխարհային պատերազմի ընթացքում տեղի ունեցած Հայոց ցեղասպանությունից: Նրա ընտանիքը տեղափոխվել է Ֆրանսիա, երբ նա երեխա էր: Նա գիտական կոչումներ է ստացել Փարիզի համալսարանից և Ռադիումի ինստիտուտից: 1946 թվականին արտագաղթում է ԱՄՆ Վաշինգտոնի սբ. Լուիսի անվան համալսարանում (Washington University of St. Louis) սովորելու համար: Ավելի ուշ ընդունվում նույն համալսարանի մեկ այլ ֆակուլտետ` Վաշինգտոնի համալսարանի բշկական դպրոց (Washington University School of Medicine):

Պոզիտրոնային ճառագայթման տոմոգրաֆիա

1977 թվականին Միքայել Տեր-Պողոսյանը ստեղծել է համակարգչային տոմոգրաֆիայի միջոցով մարդու մարմնի պատկերը վերարտադրող սարքը: Տոմոգրաֆն օգտագործվում է քաղցկեղային գոյացության հայտնաբերման համար, ինչպես նաև` սրտային հիվանդությունների վերահսկման ժամանակ: Այն հեղաշրջում առաջ բերեց ուղեղի ֆունկցիաների ըմբռնման ասպարեզում:

Հղումներ

• armeniainfo.com
• wikipedia.org - Michael Ter-Pogossian
• wikipedia.org - Тер-Погосян, Майкл
• tert.am - «Բանկոմատի, ֆենի և այլ գյուտերի հեղինակներն ամերիկահայեր են. ներկայացվեց «Ամերիկահայության ներդրումը ԱՄՆ-ում» գիրքը» հոդված
• ArmeniaNow.com - «ՄՍ` արտահանման համար. գյուտարարն ասում է, որ Հայաստանը մտավոր սեփականության մեծ պաշար ունի» հոդված