Կիպրոսի Հանրապետության ռազմաօդային ուժեր

Կիպրոսի Հանրապետության ռազմաօդային ուժեր
Ընդհանուր տեղեկություն
Տեսակ	ռազմա-օդային ուժեր
Երկիր	Կիպրոս
Ենթարկոում	Կիպրոսի Հանրապետության պաշտպանության նախարարություն
Մտնում է	Կիպրոսի Հանրապետության Ազգային գվարդիա
.
Կարգախոս	հունարեն՝ Αιέν υψικρατείν
Հրամանատարներ
Ներկա հրամանատար	գեներալ-մայոր Ստիլիանոս Դեմենեգաս; հունարեն՝ Ταξίαρχος Στυλιανός Δεμένεγας

Կիպրոսի Հանրապետության ռազմաօդային ուժեր (հունարեն՝ Διοίκηση Αεροπορίας), մտնում է Կիպրոսի Ազգային գվարդիայի կազմի մեջ և իրենից ներկայացնում է բանակային ավիացիա, որտեղ հիմնական նշանակությունը տրվում է ուղղաթիռներին։ Այն մի քանի ինքնաթիռները, որոնք առկա են Կիպրոսի ռազմաօդային ուժերում, օգտագործվում են օդից վերահսկողություն իրականացնելու և ուսումնական նպատակներով։ Կիպրոսի ռազմաօդային ուժերը սերտ կապեր են պահպանում Հունաստանի ռազմաօդային ուժերի հետ։ Կիպրոսի ռազմաօդային ուժերի օդաչուները, որպես կանոն, ուսումն անցնում են հունական ռազմաօդային ակադեմիայում։

Կառուցվածք[խմբագրել | խմբագրել կոդը]

Կիպրոսի ռազմաօդային ուժերի հրամանատարություն

Կիպրոսի ռազմաօդային ուժերի շտաբ

449-րդ հակատանկային ուղղաթիռային էսկադրիլիա
450-րդ ուղղաթիռային էսկադրիլիա
ԱԹՍ էսկադրիլիա
Փրկարարական գործողությունների կոորդինացման կենտրոն

Տեղակայման կետեր[խմբագրել | խմբագրել կոդը]

Ավիաբազա Լակատամիա, Նիկոսիա
Ավիաբազա Պաֆոս (Ավիաբազա «Անդրեաս Պապանդրեու»)

Մարտական կազմ[խմբագրել | խմբագրել կոդը]

Կազմավորման կամ զորամասի նշանակումը	Սպառազինությունը և համալրումը	Տեղակայման վայրը
Կիպրոսի ռազմաօդային ուժերի հրամանատարություն		Նիկոսիա, (շտաբ)
449-րդ հակատանկային ուղղաթիռային էսկադրիլիա	1-ին ավիաջոկատ։ SA 342L Gazalle 2-րդ ավիաջոկատ։ Bell 206L-3	Լակատամիա
450-րդ ուղղաթիռային էսկադրիլիա	1-ին ավիաջոկատ։ Մի-35Պ 2-րդ ավիաջոկատ։ BN-2B-21, PC-9	Պաֆոս

Տեխնիկա և սպառազինություն[խմբագրել | խմբագրել կոդը]

Կիպրոսի ռազմաօդային ուժերն ունեն բավականին սահմանափակ ավիացիոն սպառազինություն։ Սովորաբար կիրառվում են բազմանպատակ ոչ ռազմական թռչող սարքեր։ Կիպրոսի ռազմաօդային ուժերի տեխնիկայի և սպառազինության մասին տվյալները վերցված են Aviation Week & Space Technology ամսագրից^[2]։

Պատկեր	Տիպ	Արտադրություն	Նշանակություն	Թվաքանակ	Ծանոթագրություններ
Ինքնաթիռներ
	Pilatus PC-9	Շվեյցարիա	Ուսումնավարժական	1
	BN-2B-21 Islander	Մեծ Բրիտանիա	Դիտական, տրանսպորտային	1
Ուղղաթիռներ
	Մի-35Պ	Ռուսաստան	Մարտական ուղղաթիռ	11	Միլ Մի-24 ուղղաթիռի էքսպորտային տարբերակ
	SA 342L Gazelle	Ֆրանսիա	Հակատանկային ուղղաթիռ	4	Համալրված է հակատանկային հրթիռային համակարգով
	Bell 206L-3	ԱՄՆ	Որոնողա-փրկարարական, ուսումնական	2
Անօդաչու թռչող սարքեր (ԱԹՍ)
	IAI Searcher 2	Իսրայել	Հետախուզական	2 խումբ	2002 թվականից^[3]

Տարբերանշաններ[խմբագրել | խմբագրել կոդը]

Կիպրոսի ռազմաօդային ուժերի տարբերանշանը նույնն է, ինչպիսին Հունաստանի ռազմաօդային ուժերի տարբերանշանը։ Տարբերությունը միայն Կիպրոսի դրոշի օգտագործումն է ողնափայտի վրա որպես տարբերանշան։