Կեղևակերներ

Վիքիպեդիայից՝ ազատ հանրագիտարանից
Կեղևակերներ
Կեղևակերներ
Գիտական դասակարգում
Թագավորություն Կենդանիներ
Տիպ Հոդվածոտանիներ
Դաս Միջատներ
Ընտանիք Կեղևակերներ
Լատիներեն անվանում
Scolytidae

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում

ITIS 678830
NCBI 55867


Կեղևակերներ (լատ.՝ Ipidae կամ լատ.՝ Scolytidae), բզեզների ընտանիք։ Մարմինը գլանաձև է, գորշ կամ սև գույնի։ Երկարությունը՝ 0, 8—12 մմ։ Բեղիկները ծնկաձև են, գուրզավոր, թաթիկները՝ քառահատված։ Ոտքերը փորող են։ Թրթուրը սպիտակ է, առանց ոտքերի։ Հայաստանում կա 59 տեսակ։

Ապրում են կեղևի տակ, հազվադեպ՝ կեղևում, բնափայտում, արմատներում, խոտաբույսերի ցողուններում, արևադարձային առանձին տեսակները՝ պտուղներում ու սերմերում։ Մեծ վնաս են հասցնում անտառներին, այգիներին, պուրակներին, պտղատու ծառատեսակներից՝ խնձորենուն, փշատենուն։ Ձվադրման համար կեղևի վրա անցքեր են բացում, անցնում «ամուսնական խցիկ», որտեղ և արուն բեղմնավորում է մեկ կամ մի քանի էգերի։ Ձմեռում են բզեզը և թրթուրը։ Կեղևակերներով բնակեցված ծառերն արագ չորանում են։ Կեղևակերները միաժամանակ ծառերի հիվանդություններ տարածողներ են։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png