Կանաչ ջրիմուռներ

Վիքիպեդիայից՝ ազատ հանրագիտարանից

Կանաչ ջրիմուռներ (Chlorophyta), ստորակարգ բույսերի բաժին։

Ջրիմուռների բազմազանությունը, պատկեր Է․Հեկկելի «Kunstformen der Natur» 1904 թ․ գրքից

Կառուցվածքը[խմբագրել]

Բնորոշ կանաչ գույնը պայմանավորված է բջիջներում գերակշռող քլորոֆիլով։ Կանաչ Ջրիմուռները համարյա նույն հարաբերությամբ պարունակում են այն պիգմենտները (a և b քլորոֆիլ, կարոտին, քսանտոֆիլ), ինչ բարձրակարգ բույսերը։ Լինում են միաբջիջ, գաղութային և բազմաբջիջ։ Վերջիններս մեծ մասամբ թելանման են, հազվադեպ թիթեղանման։ Բջիջներն ունեն մեկ կամ մի քանի քրոմատոֆոր, միակորիզ են, երբեմն բազմակորիզ[1]։

Բազմացումը[խմբագրել]

Բազմանում են անսեռ, սեռական և վեգեաաաիվ ճանապարհով[1]։

Տարածվածությունը[խմբագրել]

Հայտնի է մոտ 5700 տեսակ, 360 ցեղ՝ տարածված հիմնականում քաղցրահամ ջրերում, երբեմն՝ ծովերում։ Առանձին տեսակներ աճում են ծառերի բների վրա, հողում։ Միաբջիջ և գաղութային ձևերը մտնում են պլանկտոնի բաղադրության մեջ և մեծ քանակությամբ բազմանալով՝ փոխում են ջրի գույնը[2]։

Օգտագործումը մարդկու կողմից[խմբագրել]

Օգտագործվում են որպես սննդանյութ, կանգնած ջրերի կենսաբանական մաքրման, ինչպես նաև փակ էկո-համակարգերում (օրինակ, տիեզերանավում, սուզանավում) օդը վերականգնելու համար[2]։

Աղբյուրներ[խմբագրել]

  1. 1,0 1,1 Հայկական Սովետական Հանրագիտարան, Հատոր 5 , էջ 234
  2. 2,0 2,1 Հայկական Սովետական Հանրագիտարան, Հատոր 5 , էջ 235
Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png